ابي شوركم و الله صدمة ما تحملتها و لا اظن اني بتحملها

[rose of kw]

السلام عليكم كويتيات
شلونكم ؟
بدش بالموضوع على طول ان شاء الله
بنات انا توني متوظفة ما صارلي الا شهر :eh_s(11):
المشكلة مو في الوظيفة المشكلة بزوجي
اول شي قالي خشي راتبج حقج و حق عيالج بحساب بالبنك هذا الحجي قبل لا استلم الراتب
و امس يقولي الايجار و مصاريف البيت عليج
انا قلتله على طول لا لا لا
اذا انا ادفع الايجار و المصاريف عليه انت شنو وظيفتك ؟!!!!!!!!!!!!!!!!
قالي انا اكنز فلوسي و اجمعهم حقكم
قلتله لو شنو ما يصير بالدنيا هذي مسؤوليتك انت , و القوامة للرجل .... و الله لو اني مليونيرة مو موظفة ماصارلي حتى شهر و نص تبي تقط عليه مسؤوليتك و تمشي :rgewrg: هذا حقنا عليك من رب العالمين مو من البشر و لا مني
قالي انتي ما تبين تشاركين في شي؟!!!
قلتله اعين و اعاون ... مو آخذ مكانك؟
و قلتله انا اخش راتبي مثل ما قلتلي و انت اللي تصرف :rgewrg:
عصب و عصب و عصب
شوفو الرد :eh_s(16)::rgewrg: " انا صارلي كل هالسنين اصرف عليكم و الحين بس صار بأظافرج شوية طحين تبخلين عليه :eh_s(16):
قلتله ماني بخلانه عليك و انت تدري
قال عجل نحط الفلوس بالبنك و الحساب باسمي !!!!!!!!!!!!!!!!
قلتله ليش مو بأسمي
قال لا باسمي انا
قلتله عشان تعلب بالفلوس و تعطي اللي تبي و لما اطلب منك شي تقعد تنشب لي
قال اي اعطي اللي ابي
قال و الله اعطي اهلي و اي شي اشوفه و مقتنع فيه حتى لو غلط اسوي
مو انتي الحين جاية تحكمين فيني :rgewrg:
قلتله انت تبي تعطي اهلك و انا بعد بعطي اهلي لأنهم اهم اللي درسوني و ربوني و حتى ايام الجامعة و الدوام هم مهتمين بعيالك
جان يرد عليه و هذا اللي صدمني اكثر!!! قالي زين قعدي في بيت ابوج :rgewrg:
انا قلتله اقعد و الله
اللي يبيع مرته امه ام عياله عشان اهله يرضون عليه ما ينعاش معاه \
كنت ما تلقى فلس و لما تروح لأهلك تبي منهم يقولون لك اشكره ما نعطيك و محد بعد ربي سبحانه وقف بجنبك و عانك و ساعدك غير اهلي
الحين جاي تقولي هالحجي
قلتله و الله لترك الدوام
و انت الرجال
و طلعة ماني طالعة و ماني رايحة مكان لادوام و لا شي
الحين اهلك عقب هالسنين اعرفوا انه عندهم ولد
الحين حسوا فيك
يوم انا توظفت
شنو تفكيرك من تفكير
حتى اخوك الصغير و الله يا بنات هو كذا مرة يقصده يبي منه مساعدة و ما عطاه
و لما اخوه يقصده بشي ما يرده
و الحين هو جاي يبي يهدني و يتركني عشان وسخ دنيا :eh_s(11):


يعني بنات انا و الله انصدمت فيه صدمة عووووووووووودة و قسما بالله ما نمت عدل
طول الليل و انا افكر
معقولة بعد كل هالسنوات يطلع غير ما انا شايفته :eh_s(16):

 

[dodo-lebnan]

لااله الا الله حببتي معلش هدي وضعك الامور مو بالشجار والتعصيب تنحل .. الرجال احيانا لما يبي يستفز المرا يعاندها بكلام هو يعرف انو يدايقها من باب يبي يشوفها اهي كفو ولا لا ، بس بموضوع المصاريف بدل الرجال انا ضد ولو مكانك الصراحة ارفض ولكن من غير مشاكل واحاول اني ما اقطها بوجها ان انت المسؤول وانا ما ادفع وشذي لا بس قوليله ان انا رح اساعدك بمصاريف البيت جمعية واغراض حق اليهال وحقنا وبخش للزمن لعيالنا ومستقبلهم لان انت سندنا ومالنا غيرك والمستقبل الله اعلم شو مخبيلنا وممكن اساعدك بجزء من الايجار لو كان عندك ضيقة وايد على ايد نتعاون وازا سالك بانك تدفعيه كامل وهوة يتكفل بمصاريف العيال وشذي قوليله اي شي مثل انك كل فترة تحبين تروحين سوق او جمعية وانج تحبين التسوق وشذي واجت بريولها بدل ما انزل اييب شغلات حقي وماتكون بفائدة تكون نزلتي حق اليهال وبيتنا ومنها اريحك وتدلعينا وشذي شذي باسلوب الحنية والتلحمس اكيد رح تلاقينا لان وفترة رح تشوفينه ولا سال عن راتبك ولا شي انا شذي اسوي كل ما اخذ راتبي انزل جمعية اجيب اغراض واذا البيت بحاجة لبعض الكماليات البسيطة اجيبها غير حق العيال والملابس ,وطبعا كلها تكون اسعار بسيطة ومووايدا عشان اقدر احوش الباقي ،وبكرة نشالله ناوية اساعده بالمدارس لان اهو متكفل بالايجار غير الاقساط وهذا ماخد ثلاث ارباع راتبه ماضل منه شي لاويساعد اهله بعد لانه الكبير واهله مساكين كبار بالسن يبون رعاية واشيل لو جزء بسيييييييط من الباقي بحصالة ، اختي الرجال والمرا ستر وغطا لاتخلي الفلوس تعمي النفوس وتبعدكم مليون حل تلاقونه بس لاتخلو الشيطان يلعب فيكم وبالاخر فلوسك وفلوسه حقكم وحق عيالكم ومستقبلهم انا ماخش حقي شي ازا بخاطري شي شريته وازا لا شريت حق عيال او ساعدت اهلي او ساهمت بالبيت او ساعدت ريلي .
اتمنى كون فدتج يالغالية وربي يهدي سركم حبيبتي

 

[dodo-lebnan]

لااله الا الله ....
حببتي معلش هدي وضعك الامور مو بالشجار والتعصيب تنحل .. الرجال احيانا لما يبي يستفز المرا يعاندها بكلام هو يعرف انو يدايقها من باب يبي يشوفها اهي كفو ولا لا ، بس بموضوع المصاريف بدل الرجال انا ضد ولو مكانك الصراحة ارفض ولكن من غير مشاكل واحاول اني ما اقطها بوجها ان انت المسؤول وانا ما ادفع وشذي لا بس قوليله ان انا رح اساعدك بمصاريف البيت جمعية واغراض حق اليهال وحقنا وبخش للزمن لعيالنا ومستقبلهم لان انت سندنا ومالنا غيرك والمستقبل الله اعلم شو مخبيلنا وممكن اساعدك بجزء من الايجار لو كان عندك ضيقة وايد على ايد نتعاون وازا سالك بانك تدفعيه كامل وهوة يتكفل بمصاريف العيال وشذي قوليله اي شي مثل انك كل فترة تحبين تروحين سوق او جمعية وانج تحبين التسوق وشذي واجت بريولها بدل ما انزل اييب شغلات حقي وماتكون بفائدة تكون نزلتي حق اليهال وبيتنا ومنها اريحك وتدلعينا وشذي شذي باسلوب الحنية والتلحمس اكيد رح تلاقينا لان وفترة رح تشوفينه ولا سال عن راتبك ولا شي انا شذي اسوي كل ما اخذ راتبي انزل جمعية اجيب اغراض واذا البيت بحاجة لبعض الكماليات البسيطة اجيبها غير حق العيال والملابس ,وطبعا كلها تكون اسعار بسيطة ومووايدا عشان اقدر احوش الباقي ،وبكرة نشالله ناوية اساعده بالمدارس لان اهو متكفل بالايجار غير الاقساط وهذا ماخد ثلاث ارباع راتبه ماضل منه شي لاويساعد اهله بعد لانه الكبير واهله مساكين كبار بالسن يبون رعاية واشيل لو جزء بسيييييييط من الباقي بحصالة ، اختي الرجال والمرا ستر وغطا لاتخلي الفلوس تعمي النفوس وتبعدكم مليون حل تلاقونه بس لاتخلو الشيطان يلعب فيكم وبالاخر فلوسك وفلوسه حقكم وحق عيالكم ومستقبلهم انا ماخش حقي شي ازا بخاطري شي شريته وازا لا شريت حق عيال او ساعدت اهلي او ساهمت بالبيت او ساعدت ريلي .
اتمنى كون فدتج يالغالية وربي يهدي سركم حبيبتي

 

[om 7amoodi]

حقري وطنشي اهو المفروض اللي يصرف و الاجار عليه ومعاشج لج انتي او اذا مشتهيه شي لعيالج بس اهو ملزوم فيكم لا تعودينه ولا حتى تأملينه انج بتحطين معاه عشان لا يتعود
اذا ظروفه ماتسمح وصج محتاج مساعدتج ممكن تشيلين عنه مصرفج او مصرف عيالج بس الاجار ومصرف البيت والخدامة لأ اهو اللي ملزوم بالشرع والدين واذا ما يعرف شنو مسئولياته خلي احد يتدخل عشان تحطين له حد :eh_s(4):

 

[wajan]

لا تغلطين غلطة عمرج وتسوين اللي يبيه هوه ملزوم فيكم عالاقل تحملي روحج ومصرفج غير جذي لا والف لا ..دشي جمعية او جمدي مبلغ معين من راتبك فالبنك

 

[M!ss CoLoRz]

موقفج صح مليون بالمية

بس ماله داعي تذكرين أهله او تمنين عليه باللي اهلج سووه

لا تركبين نفسج الغلط .... فلوسج حقج انتي وإذا تبين تصرفين على عيالج وإذا في يوم صار شي جايد وزوجج احتاج هني اقول لج عاوني ريلج ما فيها شي

بس انه الريال يخش فلوسه هاي نغمة يديدة

 

[his only]

واي الله يعينج صراحه الموقف يقهر
كلش مو عدل ان يشيل ايده من كل شي جذي
ولا من حقه انه يطلب منج هالطلب
اصلا المفروض حتن لو توظفتي وصار عندج معاش ما يحط عينه عليه ويحط بايدج شي لان اهوا المسؤول
حتن لو بالشهر يشتري لج هديه بسيطه مو شرط يصرف لج مبلغ بس مساله انه خلاص يبيج تشيلين نفسج و البيت غلط حيل :eh_s(1)::eh_s(1)::eh_s(4)::eh_s(4):
مادري شقول لج تسوين لاني لو بمكانج مادري شسوي صراحه راح احتار
بس الله يهدي لج يارب :yaaaaaarb:

 

[وردة شفافة]

هذا الي ناقص انتي تدفعين اجار البيت
والله انا انقهرت عيل انتي الله يعينج
خلاص خل اهو يحمل ويولد وربي ودرس ويطبخ ونظف وجابل طلبات البيت وذاك القوت انتي دفعي
يعني اذا شرع حط عيله القوامه اهو منو علشان يحطها عليج
والله يعينج ويهديه لج وسخره لج يارب

 

[جامعيه طموحه]

بصراحه كل كلمه قلتيها صح 100% اهلج الي تعبوا وربوا ودرسوا وعلى قولتج حتى عيالج تحملوهم بأيام الجامعه وفوق كل هذا يبي ياخذ معاشج بأسمه عشان يعطي اهله غصب طيب ويصرف وين ما يبي وحتى لو بالغلطنفس ما قلتي

دييييربالج تسوينها والحساب يكون بأسمه

بعيد عن الهواش قعدي معاه بهدوء عشان ما يعاند وتعصبون وقوليله اعتبر انه انا ماشتغل وانك انت الي للحين تصرف علينا ووانتي كرمآ منج اذا حبيتي تصرفين على شي في بيتج ولا على عيالج اوكى مافيها مشاكل وكل شهر لا قالج فلوسقوليله خلصوا مصاريف العيال وعطيت لاهلي ومصاريف حق نفسي وبعد صرفت عالبيت

بصراحه اسلوبه مو عدل كلش بسما ينفع معاه الهواش لانه بيعاندج اكثر اهم شي انه ما يغلبجويطول انه الحساب يكون بأسمه عقبها بتندمين

 

[اميرة بكلامي]

لا تغلطين و تعودينه ان راتبج بايده
اوكي عاونيه باعيالكم ب مصروف البيت نوعا ما
مو كل شي عليج ..

اهو يبي يستغل راتبج و راتبه و يبي يعيش على حسابج
انتي لا تسمحين له بهالشي
اهوو الريال و الملزوم بهالشي و لا لما توظفتي كل شي تغير
ما عليج قطي من المعاش ع البيت بس لا تعطينه الحق بانه يمتلكه
لان بعدهاا خلاص بيعيطج طاف لان كل شي صار بايده

 

[♥MaSteRiyA♥]

الله يصلح الأمور بينكم ان شالله​

 

[e7sasi]

الله يصلح أموركم ، حبيبتي لا تهدمين بيتج عشان وسخ دنيا .. المال فتنة وريلج واضح إن في أحد من أهله أو ربعه مشيشه يعني مو معقولة قال هالكلام من فراغ! عمومآ حاولي ما تتناقشين معاه إلا وإنتي هادية ومتزنة نفسيآ، يمكن المسئولية كانت كبيرة عليه ويبيج تعاونينه بس ما اختار الأسلوب الصح بكلامه.. معاشج لج واقري له أدلة من السيرة النبوية عن هالشي، وأرجوج لا تذكرينه بمساعدات أهلج له ترى مهما كان رجل وهالشي بيسوي بينكم شرخ واحتمال يحقد عليج باقي عمرهـ ، بيعتبر هالشي جنج تنتقصين من رجولته! حسسيه بطريقتج إنه الكل بالكل وإن اهوا الأساس والقوامة اهيا إن يوفر لكم معيشة كريمة وإنه ما قصر بهالشي السنين الي طافت ، واقترحي عليه إنج إنتي تتكفلين ببعض مقاضي البيت أو إذا عليكم أقساط تدفعين بحسب استطاعتج والباقي احتفظي فيه لنفسج وبس.

 

[keka89]

امبيه لا ريلج هذا فضيع وشكله حرامي شوي سوري علكلمه بس ديري بالج منه واستغربت لمن يقولج اصرف على الي ابي حتى لو بالغلط كيفي شقصده يصرف على بنات و(صبيان) من الشارع يعني ؟

وسالفه الحساب باسمه هذي امبييييييييييييييييينه عدل شيبي فيها يجمع يجمع ويقولج أخير شي يلااا برا بيت اهلج واذا ماسواهل عقب جم سنه لمن تيمعون فلوس تعالي هني بالمنتدى وتفلي بويهي ترى سوالف الرييايل هذي انا كلها عارفتها الريال الصح اهو الي يدفع كل شي ايجار بيت مصاريف عياله ومصروف زوجته حتى في يغارون مايخليها تطلع من البيت ويعطيها مصروفها

 

[همي رضى خالقي]

صح الي سويتيه

 

[لوولوو_88]

لا تتنازلييين انشالله يكبرها الحق معاج ولا أحد بصف وياه .. لأنه ريلج مو حقاني و اتكالي و يا ليت الفلوس عندج و باحساب باسمج لا باسمه .. اشكرااااا جذي الموضووووع .. لا ترضييييين عفياااااا .. عشانج والله الريال على ما يتعود والله ديري بالج .. وربي يهديه و يسخره لج

 

[امـ خــزامـى]

هالمواضيع اجهلها


بس حاليا الحل اللي ببالي مهما تكلم وقال اختصري لاتاخذين وتعطين معاااه
قولي لا ورجااءا لاتناقشني

اذا بتنااقش روح اقرا كتاب فقه وتفقهه بامور دينك وخصوصا عن النفقه للزوجه والابناء


فلوسي لي انا وانا لي حق التصرف فيها


الله يكون بعونكم يالموظفات

 

[نوفآ]

ماشاء الله عليج موقف صح وفوق الصح
انت تدزسين وتتعبين وتداومين عشان هو ياخذ معاشج !!
هذا اللي باقي
الحبيب يجمع عشان يحط فوق راسج مره
حبيبتي حتى لو ماصرف عالبيت ومايبي يجيب اكل يبي يحدج تصرفين
لا تجيبين الا بالخش والدس اللي يسكر جوعج وانتي عيالج انتبهي لا يدررري ابدا
عشان يدري ان باسج قوي ويضطر يصرف غصبا عليه
حتى لو اطردج لاهلج والله راح ينقص وجهه
لي اسالوج الناس ليش زعلانه قوليلهم يبيني اصرف عالبيت وهو يجمع !!!
خوش والله اجل شلون تلبسين وتكشخين له وانتي الفلوس صارفتها عالاجار والبيت
والله عيب عليه
قولي له المفروض لو اجي من خاطري واعطيك ما ترضى الرجال مايرضى ياخذ من مره
احسن يستاهل توه يتذكر اهله !! عقب ما اجحتوه وما عطوه شي ولا لقى من وراهم خير
المفروض يعز نفسه ومايعطيهم
ذالينه عالفلس ولما صار عندج فلوس قال ابي اعطيهم لاهلي !
لا والله منو اللي درس انتي ولا اهله اللي ماساعدوه !!!
اهلج قاموا فيه وبعياله وفيج واخر شي يجحدهم ؟؟؟؟؟؟


اذا زعلتي ورحتي لاهلج علميهم بالسالفه كلها حليه ينقد ع نفسه اذا شافهم خليهم يعرفون معدنه
وانتي خليج على موقفج

 

[Om_Ksha]

يبيج تصرفين عالبيت عشان أهو ايمع يسافر يلعب فيهم او يتزوج

وريلج اشكره احد مشيشه كلمي بالهداوه وفهميه انه الحق حقج وبتساعدينه ان احتاج ومنو قال بتوفرين بتصرفينه عليج . لا تقوليله توفرين شكله يحتر قوليله هذا ان بقى شي بمعاشي

 

[أجرح وداوي]

وحده اعرفها تووها توظفت وصار لها مثلك زوجها دبسها بالمصاريف
وقالها الاجار عليك والفواتير
قالت ابششششششررررر
وثاني يوم قدمت استقالتها
قالت له قوم انت واصرف علي
وش الي حادني اشتغل واصرف كفايه انت تتعب وتصرف
والله انقهرررر منها وزعل من استقالتها بس قالت هدا افضل حل بديل عن المشاكل

 

[اهذريبك~]

زين سويتي الرجال هو المسؤؤؤل ولا تتنازلين عن رايج لا تعطينة فرصه اذا بتتشاركون بسفره و بس غيره لا