ابي شوركم و الله صدمة ما تحملتها و لا اظن اني بتحملها

[دلوعه ناعمه]

كلامج عدل اميه بالاميه يعصب ويقعد انتي ماغلطتي بشي واشكره من كلامج يبي فلوس عشان يلعب فيهم


خليج متمسكه برايج نص عليج ونص عليه غير هالحجي ماااااكوووو

وماعليج منه لي عصب وحقرج لانه يبيج اطيعينه والمكده عليج !

 

[mrs.abk]

انتي صح .. ولو تم مناجرنج على الراتب قولي له الله الغني برجع أقعد في البيت

 

[رويال ديزاين]

لاتتنازلين ابدا عن وظيفتج

قوليله انا ملزومه بمصرفي بس


غيره انت مسؤول عن كل شي


لوازم البيت و مصاريفه و عيالك ومصاريفهم و الاجار


و وظيفتي انا بحفظ فلوسي للمستقبل


واذا احتجت شي اعطيك بس تردهم بعدين لي لان هاذا شقاي


ماعليه وظيفتج اهي سندج و ريلج يخوف ولاتعلمينه جم راتبج

 

[nameIess]

اول شي قالي خشي راتبج حقج و حق عيالج بحساب بالبنك هذا الحجي قبل لا استلم الراتب
و امس يقولي الايجار و مصاريف البيت عليج

شرعا ما يجوز.
قوليلة انتي ما تبين منه مصروف لج، بس تبين منه مصروف البيت ومصروف العيال. وانتي عاد دام عندج راتب اذا يوم من الايام نقص المصروف او اليهال احتاجو شي حطي من عندج.

واذا اهو مخطط لمستقبل يشتريلكم او يبنيلكم بيت، فما في مانع بالمستقبل تاخذين قرض معاه وتساعدينه، ولكن هذا لا يعني ان اليوم اهو يخش فلوسه وانتي تصرفين للبيت.

اهم شي، اخذيه بالهداوة، لا تتهاوشين، لا تصارخين، ولا تقوليله انت ما تصرف وما تندي. كلمية بالحجة والناس يحبون كلام الدين... عندج قووقل دوريلج جم فتوى وحديث عن فلوس الزوجة!

 

[rose of kw]

السلام عليكم
خواتي حبيباتي
عسى ربي لا يحرمني منكم قولو آمين

بالنسبة لزوجي قسما بالله ما عيرته و لا قلت له اهلي سوا لنا كذا و كذا
انا قاعدة اشرحلكم ظروفي كلها
لا و فوق هذا مو عاجبه
يركض وراه اللي ما يسوون له شي
و الحين جاي يطلع وحشتيه عليه
انا فهمته كل شي
بس الظاهر مثل ما قلتوا الظاهر و الله العالم احد مشيشه :rgewrg:
بكل الأحوال ان شاء الله ما يصير الا كل خير
و موقفي ما اتنازل عنه ان شاء الله
لأني ياما قريت و سمعت عن الريال اللي ياخذ معاش مرته شنو يسوي فيها
و انا ما بي انقرص مثل وايد ناس الله يعينهم على ما بلاهم
و غلطة الحرمة انها تنازل عن حقوقها الشرعية و تاخذ مكان الريال هذي اكبر غلطة
و اتمنى ربي يسعدكم و يهدي زوجي :yaaaaaarb:
و هذي لكم يا احلى وردة :eh_s(7):

 

[Sosota_20]

اي لا تتنازلين

ووظيفتج لاتتركينها عشانه شتسوين تقعدين بالبيت تداومين احسنلج وتاخذين معاشج تستانسين فيه وتشترين كل الي بخاطرج

شبقى بعد اذا كل هذا انتي بتدفعينه اهو شنو بيدفع ؟؟؟

ونفس ماقالت الاخت اذا تمادا وماقام يصرف على البيت لاتبيبنين له محتاجه او يحدج تصرفين

وبنفس الوقت الكماليات خليها عليج عشان لايغثج بالفلوس وهم عشان يشوفج انج تشاركينه مثلا اغراض النظافه الشخصيه سوالف معطرات شور جل شامبوات معاجين سوالف الحلو كيك نوتيلا كورن فلكس ككاو حلويات بطاط حق العيال هم تشترين لعيالج لبس من فلوسج وقت طلعاتكم انتي دفعي مرات ولاتزيدين اكثر اشياء بسيطه يمكن تخفف من حدة السالفه

وعشان لاينظغط بكل صغيره وكبيره بالبيت هم حرام خل يستانس بمعاشه

 

[Tom ♥ Jerry]

.


الحوار خطأ بس كلامج صحح!
كان ممكن تقولينه بوقت ثاني باسلوب ثاني لمآ يهدا ريلج
جان النتيجه صارت احسن من جذي

 

[قلب طفـــله]

اذا بتساعدينه تشترين لعيالج مرات شغلات تدفعين لطلعه مطعم خرابيط مب مشكله

تدفعين مثلا معاش الدريول واهو الخدامه اوكي

بس اكثر من جذي لا ديري بالج والله لمن ماكنا نشتغل ماكانو يعطونا مثل راتبنا كل اقل بوايد

والحين يبون الراتب كله عسسسى ماشر !!

 

[كاملة الدسم]

الاحار والخدامة ومصرف البيت عليه معاشح لج يا الوقت تتحالين علي روحج واتشرين لج اللي بخاطرج اكيد قبل كان التشري مو علي كيفج لانج طالبة الحين يا وقت تدلعين روحج ، انا اقول واضح ان ريلج احد مشيشه كلامه مو طبيعي بس انتي لاتعاندين عشان لا تتحسفين وتخسرين! قوليله راتبي حقي والريال مسئول عن بيته وعياله ومرته وانا مالومج عاللي قلتيه انا لو مكانج يمكن اقول اكثر بس هدي شوي لان اهو مشحون حاليا لين يطخ فهميه وقفيه عند حده

 

[كيوت للابد]

اشتغلي عادي وشيلي عنه شي مثلا مسرف الخدامه بس الماجله وتموين ومصرف اليهال ومصروفج كله عليه لا يتغير شي بس شيلي عنه حمل واحد خل يحس ان لوظيفتج معني انا ضد الريال الي ياخذ من زوجته فلوس بس للاسف اكثروا هالايام يسوي نفسه ريال وشخصيه واهوا حافي يبي من مراه فلوس !!!!!!!

 

[كيوت للابد]

والله قبل فتره قريت موضوع عن وحده تقول اشتغل وراتبي بايد زوجي ١٠٠٠ دينار وزياده شوي تقول اشتهيت كاكاو كان توا مبدل بيطلع قلتله وانت راد يبلي كاكاو قالها وليييييي مع طلباتكم الي ماتخلص!!! تقول عمري ماكلب شي ولو ابي ابي يشترلي من فلوس تقول بالحسره يصرف علي مصروف معنى معاشها واهيا الي تشتغل يمكن يعطيها ١٠٠ مادري ١٥٠ !!!!!! عجيبه الدنيا

 

[قلب طفـــله]

والله قبل فتره قريت موضوع عن وحده تقول اشتغل وراتبي بايد زوجي ١٠٠٠ دينار وزياده شوي تقول اشتهيت كاكاو كان توا مبدل بيطلع قلتله وانت راد يبلي كاكاو قالها وليييييي مع طلباتكم الي ماتخلص!!! تقول عمري ماكلب شي ولو ابي ابي يشترلي من فلوس تقول بالحسره يصرف علي مصروف معنى معاشها واهيا الي تشتغل يمكن يعطيها ١٠٠ مادري ١٥٠ !!!!!! عجيبه الدنيا

لأنها ذكيه !! اهي اللي يابته لنفسها

الله يهديها تكرف من صباح الله خير واخر الشهر اهو يستلم الراتب !

والله بعضهم ناقصات عقل

 

[rose of kw]

والله قبل فتره قريت موضوع عن وحده تقول اشتغل وراتبي بايد زوجي 1000 دينار وزياده شوي تقول اشتهيت كاكاو كان توا مبدل بيطلع قلتله وانت راد يبلي كاكاو قالها وليييييي مع طلباتكم الي ماتخلص!!! تقول عمري ماكلب شي ولو ابي ابي يشترلي من فلوس تقول بالحسره يصرف علي مصروف معنى معاشها واهيا الي تشتغل يمكن يعطيها 100 مادري 150 !!!!!! عجيبه الدنيا

و الله رياييل هالزمن يحبون الفلوس و يحبون البلاش
و اللي يجي فلوس و هو مرتاح ليش ما يبخل شي مو تعبان فيه
و الرجال ان لقى الحرمة متساهلة معاه بالشي هذا و الله يحطها على جنب و يدور غيرها
اصلا رب العالمين خلقهم للمسؤولية
و اذا الحرمة خذت مكانه بيفضى له الجو و يلف على اشياء وايد غيرها
ربي يحفظكم و يحفظ ازواجكم من وسواس ابليس :eh_s(7):

 

[rose of kw]

لأنها ذكيه !! اهي اللي يابته لنفسها

الله يهديها تكرف من صباح الله خير واخر الشهر اهو يستلم الراتب !

والله بعضهم ناقصات عقل

صح لسانج اختي قلب طفلة
انا زوجي يقولي اذا احتجتي شي انا بعطيج ... انا اتعب و اعطيه راتبي و اقعد اطر منه
ياحليله ... خذ من كيسه و عايده :rgewrg:
مشكورة :eh_s(7):

 

[فنر 7]

لاتنازلين عن موقفج ولاتغيرينه
ان تنازلتي الحين بتنازلين طول عمرج

 

[*Pink Girl*]

اتركيه لما يهدأ

وبعدين تفاهمي معه ذكريه ان واجبه شرعاً يصرف عليكم

وساهمي بجزء من راتبك على مصاريفكم

انا معلمه واساهم مع زوجي في أقساط روضة ولدي و البيت والسفر


انا أتوقع زوجك نفسه يشتري له شي هذي الفتره ويوم شاف توظفتي حاب يوفر فلوسه

 

[Shoshaa_q8]

زوجج واضح انه مضغوط من المصاريف و علا اساس بيرتاح بس علا حسابج
و في احد مشيشه عليج او حاط عينه عموما

الرجال قوامون علا النساء بما معنى ان الزوج هو اللي يجيب الاكل و يصرف علا زوجته و عياله
زوجج عباله انتي مو محتاجه مصاريف و يبي يمسك الفلوس عشان ما تضيعينها يعني علا خرابيط علا قولتهم خرابيط الميك اب و الملابس العاديه يبيج تجينه و تقولين فلان عطني !!

انتي قعدي معاه لاخر مره و قولي له شمناسبه هالكلام
انا ما حطيت ببالي انك تقول لي هالكلام و صدمتني
المصاريف مشتركه بيننا انا عندي التزامات و انا اللي درست و تعبت و اخرتها اقطهم جذي ؟
مصاريف اجار اذا الاجار 400 نقصهم 200 عليك و ميتين علي و اغراض البيت انت تجيبهم و انا بساعدك بمصاريفهم
احنا لبعض عشان عيالنا و كل واحد فينا يجمع من مصروفه الباقي ..

و هذا زوجج انتي تعرفينه ف كلميه و ما دخل رفق في شيء الا زانه كلميه بالرفق و انا عارفه انه غلطان بس معاند الرجال مو زين والله مو زين يقلبها عليج
و صدقيني بيستحي حده من نفسه و بيتاسف
و هاذي فلوسج لج حق تعطينه و لج حق ما تعطينه و الافضل لا تعودينه انج تعطينه حطيهم لعيالج و نفسج بس
و عوديه انه يدفع لازم سالفه كرامتي ما تسمح لا

الله يهديه و يصلح حاله

 

[Stylista_Q8]

لا تتنازلييين انشالله يكبرها الحق معاج ولا أحد بصف وياه .. لأنه ريلج مو حقاني و اتكالي و يا ليت الفلوس عندج و باحساب باسمج لا باسمه .. اشكرااااا جذي الموضووووع .. لا ترضييييين عفياااااا .. عشانج والله الريال على ما يتعود والله ديري بالج .. وربي يهديه و يسخره لج

:rerrerek::rerrerek:

والله يصلح بينكم حبيبتي

 

[((غلاي))]

لاحبيبتي
لاتعطينه
اعرف وحده عطت وعطت ليمن ملت
و بالاخير كان يعايرها و طلقها

لاتعطينه لو شنو
اصري على موقفج
ليش طول هالسنين ماكان هو الي يدفع

شيلي نفسج وبس

الله يصلح مابينكم يارب

 

[um lama]

اختي ساعديه حنا نساعد ازواجنا في الاغراض في الملابس بس مو كلش واكسبيه لاتصارخين وتسبين اهله ولاترضين يسب اهلك

وادعي ربك يسخرلك ويحنن قلبه عليك واكثري الاستغفار