ابي شي يقضي على ؟؟؟؟؟؟؟؟؟؟؟

[انا والدنيا]

مرحبا ياحلويين

تعرفون الصراصير الصغار
انا عندي بالمطبخ صراصير صغار ماذيتنا ما فيه فايده جبنا شركه رشوا ما فيه فايده
ما تعرفون شي يقضي عليها ؟؟؟؟_03ba:

 

[رقية وسبيجة]

ذكرتيني فيهم قطيعة من عشر سنين كنت ساكنة بشقة بالجابرية وكانت متروسه من هالزهيوية

صدقيني مايطيرهم غير الشركات وعندي اسم الشركة كله اتاعمل معاهم كنت قبل لا اسكن اي شقة اتصل عليهم يرشون المكان وسكرها واخليها لي ثاني يوم وابدا ينقطعون

انتي تقولين مانفعج يمكن لانج تغسلين بسرعة ..على الاقل خلي المبيد اقل شي 5 ساعات

واسم الشركة الكابتن ماجد وايد زينين ويقضون على الصراصير والبراغيث بالدخان بعد

رقمهم 2400138
يمكن الرقم قديم مادري بس طلبيهم من البدالة احسن

وحيااج

 

[انا والدنيا]

مشكوره يا عيوني
بجرب والله يعيني عليهم جننوني

 

[ام الدنيا]

صراحة انا كان عندي هذي المشكلة من 3 سنوات طلبت العجينة مالت الصراصير عجييييييبة ما شفتهم من ذاك اليوم

 

[أغلى حبيبه]

انا بعد مافكني منهم الا عجينه الصراصير بالجمعيه موجوده

 

[انا والدنيا]

شنو هذي عجينة شسمها وفعاله يعني شلون استخدامها بلييز حبيبه قوليلي

 

[ميموالفهد]

الله يعينك

 

[bnt_kwt]

العجينه عجيييييبه وتلقينها بالجمعيات بعد

 

[سكـ الليل ـون]

لاعت جبدي منهم

ماخلينا شي ما سويناه معاهم .. ماكو فايده

بنــــــــــاااات الحقوووني
باسم العجينه ..؟ وشلون استخدامها ..؟

 

[ساندى]

اثارى الشعب كلة يعانى
انا جربت العجينة والشركات والتنظيف الشامل للبيت بكل شى ماكو فايدة يموتون يوم اليوم الثانى واحد يبيض ماكو فايدة نصيحة هجو

 

[أمولة67]

أنا كانو عندي وما قضى عليهم الا دوا في مركز سلطان غالون مرسوم علية صورة نملة وعقرب يعنى يقضي على جميع الحشرات وسعرة تقريبا 10 دنانير بس صدقيني عجيب هو مركز يعني تضيفين للتر ماء مقدار غطاء من الدوا ما له ريحة ولكن مفعولة عجيب من استعملتة ماشفتهم

 

[غير كل الناس]

العجينه اشتريها من السوق الهندي اللي بالفروانيه شارع المطافي عند صيدليه الغانم

 

[هدفي الجنة]

بنات بصراحة العجينة اللي بالجمعية عجيبة بسسسسسسسسسسسسسسسسسسس الحرة انها كانت تنباع بخمس دنانير للعلبة ونفس السعر يبيعونها الشركات والحين يعني حطوا عليها استكر تنزيلات يبيعونها بثلاثة ونص
تدرووووووون بجم شريتها من مصر














العلبة الصغيرة بجنيهين والعلبه الكبيرة بخمس جنيهات
وعليكم الحسبه اذا كان الدينار تقريبا 20 جنيه يعني جم يربحون 500%

 

[بلي ستيشن]

احسن شي عجينة ريك روك الأصلية من مصر تنباع ب750 فبس كويتي واهني بالجمعيات 3.500