ابي صلصة بيتزا نفس قيصر

[دولنغا]

السلام عليكم :blueSmCLR:

بنات أبي طريقة صلصة البيتزا :wqedqw:

بس الله يخليكم بنات أبي مقادير مقياسيه

يعني مو تكتبون طماط - كتشب - بصل لا لا لا لا مو جذيه ياليت تحددون يعني مثلن 1 طماط - 2 بصل - ملعقتين كتشب الخ ......

والله يا بنات شفت شكثر صلصات بيتزا بس ما يحددون مقياس المقدار

يعني الملح \ البهارات هي الي تكون على حسب الرغبه ومالها مقياس والله حتى الملح الحين الناس تتوهق فيه بالمقادير

ومابي اي صلصه بنات ابي نفس طريقة بيتزا قيصر أو تشبهها على الاقل

وشكرا مقدما :edbf4317b9:​

 

[دولنغا]

تذكرت شي انا قريت صلصة بيتزا حق مشرفتنا القمر جارة القمر وعجبتني مبين انه طعمها حلو :eh_s(7): الي هي هذي :-

أنا صلتصي للبيتزا العادية

طماط عادي بس أبشره أسويه علي النار مع بصل وثوم وبعدين أحط عليه معجون طماط وشوية كاتشب وأحط شوية فلفل أسود وبهارات


وتطلع عجيبة

بس مو حاطه المقياس ياليت تحطين مقياس المقادير يا جارة القمر والطريقه بالضبط
ومشكوره :balo:​

 

[ريومة قطر]

رد : ابي صلصة بيتزا نفس قيصر

هلا حبوبه انا ما اعرف شنو صلصة قيصر الي تبينها يمكن مالت مطعم عندكم بس ما حبيت اطلع بدون ما افيدج بطريقة الصلصه الي اسويها

شوفي حبوبه انا اخلي في الجدر شوي زيت ذره واحط عليه بصله متوسطه مبشوره واقليها شوي لين يصير لونها ذهبي فاتح بعدين في الخلاط احط 3 طمام متوسطه + ربع ملعقه صغيره ملح + مكعب ماجي واحد + ملعقه كبيره صلصل أو كاتشب انا احط صلصل تضربينهم في الخلاط بعدين تضيفينهم للبصل المبشور الي قليتيه شوي في الزيت خليهم خمس دقايق بعدين ضيفي لهم فلفل اسود يعني تقريبا نص ملعقه صغيره + أهم شي في صلصة البيتزا والي يعطيها الطعم وهو الاوريغانووووو ( الزعتر البري ) ضيفي منه ملعقه كبيره وخلطي المقدار وخليه على نار هاديه عشر دقايق علشان يتسبك

جربيها واذا عجبتج ادعي لي اتوظف تراني خست في البيت وكرهت نفسي صار لي 5 سنين متخرجه وادور وظيفه

 

[دولنغا]

:yaaaaaarb:

بعد عمري :edbf4317b9: مشكوووره :aha: على الطريقه وعساج على القوه يا ريومة قطر :hjy5jewf:

وهذي الساعه المباركه الي تدخلين فيها منتدي كويتيات :nbvppw: والساعه الابرك :016: أول مشاركتج بموضوعي يا بختي وياااااااااااااااااااااارب بمرت ملك يقول وجب ما يصير شهر والا ما تخلص سنة 2010 الا انتي متوظفه ومستانسه ومرتاحه :ggdw: بوظفيتج اليديده ياااارب تتوفقين ان شاء الله :eh_s(9): :wqedqw: ​

 

[CUTE ENGINEER]

رد : ابي صلصة بيتزا نفس قيصر

صلصلة قيصر على طريقتي

طماطتين مبشورين بالمبشرة +قفشتين كبار معجون طماط +قفشة وسط بودرة ثوم و شوية أوريغانو وشوية فلفل أسود

أول شي تحطين الطماط المبشور بجدر عالنار ليما يبلش يغلي زيدي المعجون والشغلات الثانية وخلطي عدل وخلي الصلصة

تطبخ على نار هادية شوي وبعدين طفي عليها واستخدميها عالبيتزا

الكتشب موتحطينه بالصلصة لاتلاحظين بيتزا قيصر يحطونها بروح فوق الجبن

 

[جارة القمر]

رد : ابي صلصة بيتزا نفس قيصر

ريومة قطر


أن شاء الله تتوظفين بالمكان اللي في بالج


http://www.q8yat.net/showthread.php?t=449945

 

[ام الدرر]

بصله مقطعة+حبة طماط كبيرة مع بعض بالخلاط مال الخضار
حطي شوية زيت بجدر صغر او مقلى على النار وحطي عليه البصل والطماط وقصري عليه وغطيه لحد مايذبل
حطي عليه نص مكعب ماجي خضار وشوية اوريغانو وقلبيه شوي ورفعيه من النار
لما بتسوين البيتزا حطي قفشة كتشب متوسطة ونص القفشة او اقل من الخلطة
حطيها بالفرن لما تستوي (اقل من 10 دقايق )بشري فوقها جبن كرافت ورديها الفرن دقيقتين ولا تشغلين الفرن من فوق بس من تحت
واذا حبيتيها حارة حطي نقطة تباسكو او اي شطة تحبين​

 

[دولنغا]

cute engineer مشكوووره حياتي وانا سويت طريقتج وطريقة جاره القمر واثنينهم يهبلون والله يرفع عنج ويرحمج ياااارب

جارة القمر مشكوووره بعد قلبي صلصتج روعه طلعت

ام الدرر مشكوووره حياتي وان شاء الله اجرب صلصتج ومبين عليها مشالله حلوه

يعطيكم العافيه بنات