ابي صندوق هدايا من وين؟ ساعدوني

[ريفيرا]

[COLOR=DarkOrchid]

السلام عليكم يا بنات
الله يخليكم تكسبون فيني اجر
معاي وحده بالدوام نازله بيتها وراح نحط لها حطه بحدود 200 واحتمال اكثر وقالولي بحكم اني اللي معاها بالمكتب انا اللي اتكفل في وضع الحطه وهالشغلات مثل ديكوريشن وابي شئ كشخه ورزه قبل يوم السبت............





:​

[/COLOR]
وأكون لكم شاكره :confused

 

[زيـنـه]

مشاركة: ابي صندوق هدايا من وين؟ ساعدوني

يعني بتهدونها كاش ؟ و الا تبون تشترون لها شي ؟

انا من رايي تهدونها كاش و اهيا تتصرف تكمل بيتها باللي تبيه.. حطي المبلغ بكيس اورغنزا و الا مخمل .. و حطوه بصندوق صغير فيه ورد مجفف ... و شمعه معطره .. تلاقين صناديق حلوه بالاسواق الشعبيه او محلات الانتيك او الاثاث مثلا لاند مارك و الا اللمسات الاخيره اذا تبون شي كشخه و راقي و شكله يكون مثل الايطالي .


ان شاء الله اكون افدتج

 

[ريفيرا]

مشاركة: ابي صندوق هدايا من وين؟ ساعدوني

ماقصرتي اكيد فدتيني اي احنا بنعطيها كاش وبنحط الكاش في صندوق. مشكوره​

 

[gooogany]

مشاركة: ابي صندوق هدايا من وين؟ ساعدوني

شوفي حبوبه في صناديق اتينن في المجمع العود اللي توه فاتح نسيت اسمه اللي ابسطرة المعلم اللي يم المشاتل ومكتبة ستاربوكس انشاءاللع عرفتيه___اهو يصير اخر مجمع مقابل اليرموك ..اخر باب في المجمع دخليه نزلي تحت ..على ايدج اليسار تلقين صناديق خشب اتينين كل واحد احلى من الثاني ..وادعيلي

 

[زيـنـه]

مشاركة: ابي صندوق هدايا من وين؟ ساعدوني

اي صاجه قوقاني .. قصدها دريم مول .. بس صناديقه شوي كبار و معاهم سيت كلينيس و زباله و انتي بكرامه ..و اشياء اخرى ... روحي القي نظره يمكن يعجبج شي .

 

[السفيرة عزيزة]

مشاركة: ابي صندوق هدايا من وين؟ ساعدوني

شوفي انا دايما اشتري صناديق الهدايا من بيت الهدايا

شغلهم حلو و ذرب

و تلاقين كل الاحجام

و اشكال روعه بعد

 

[لمسة فن]

مشاركة: ابي صندوق هدايا من وين؟ ساعدوني

ريفيرا
ما قصروا البنات بصناديقهم واقتراحاتهم الحلوة ..
واخذي لك جولة في سوق السلع الإيرانية ... راح تحصلين أشياء ما تخطر على البال
مع شوية لمسات خاصة من عندك .. راح تطلع هديتكم روعة ..

وإذا عندك وقت ... أقترح إنك تسوين الصندوق بنفسك ..
وبم إنكم قررتوا تعطونها " كاش " .. فممكن تزينين الصندوق بعملات مصورة ..
تلصقينها بطريقة الديكوباج .......... والطريقة سهلة وما تاخذ وقت ..
وهذا صندوق ( شغلي ) زينته بعملاتنا الكويتية ... بس بعده ما اكتمل




شرايك ؟؟؟

طبعا إنت ممكن تختارين أي شكل والحجم اللي يناسبكم ...
وتغلفينه من الداخل بقماش ستان باللون المرغوب .. وممكن تلفين الكاش شوي
على شكل اسطواني ، وتثبتينهم بواحدة من زوايا الصندوق أو بقاعدة الغطاء
( بشوية صمغ بسيييييييييط ) بس عشان تثبت وبنفس الوقت ينشالون بعدين بسهولة ..
وتملين الصندوق بورد مجفف معطر مع شوية قطع كاكاو مغلف ، يعني تعطينه حركة بدال
ما يكون فيه الفلوس بس .. مع تعليق كرت ناعم مذيل بإسمكم ...
وياليت واحدة منكم هي اللي تعمله بنفسها بدل الجاهز .. ترى وقعه على النفس أجمل وأحلى

وإذا ما عندكم وقت .. ممكن تطبعون كلماتكم على أي ورقة .. تالي تحطونها في اطار صورة
يتناسب مع نزلة البيت ، يكون على شكل بيت مثلا ..

تراها مجربة ونتيجتها حلوة وسهلة ..
الأفكار وايدة ،، بس تحتاج بال وفضاوة

هذا اللي خطر على بالي الحين .. وعساه منزل مبارك عليهم مقدما​

 

[أوركيد]

مشاركة: ابي صندوق هدايا من وين؟ ساعدوني

حلوة فكرة لمسة فن ....البرواز على صورة البيت...يديده علي

ما شاالله شغلج حلووووو

 

[ريفيرا]

مشاركة: ابي صندوق هدايا من وين؟ ساعدوني

مشكورين ماقصرتوا شريت من لاند مارك(سنتر بوينت) صندوق روعه ووايد استانست عليه وايد فخم بعد شكله خشبي مذهب


ومشكوره اختي لمسه فن عطينيني افكار حق اللأعياد ميلاد

 

[لمسة فن]

مشاركة: ابي صندوق هدايا من وين؟ ساعدوني

ريفيرا .... لاتنسينا بالمفاجأة
خلينا نشوف صندوقك وتزيينك له ...
والله يوفقك

 

[امة الله2]

مشاركة: ابي صندوق هدايا من وين؟ ساعدوني

البنات ماقصرو كفو ووفو ماشاء الله عليهم يا حلوكم اتيننون اسم الله عليكم