ابي طريقة تحمير الدياي بعد السلق حق المجبوس

[دولنغا]

السلام عليكم :eh_s(17):

بنات الله يخليكم كل وحده تقول خبرتها وحنكتها وأحسن وأفضل وأنطع ما عندها بطريقة تحمير الدياي بعد السلق يعني مجبوس الدياي

عقب سلق الدياي شنو الخلطه الي تحطونها على الدياي وتدخلونه الفرن أو تقلونه

بناااااااااااااااااات بلييييييييييز ابي الدياي يكون محمش ويلمع

بلييييييييييييز بليييييييييييييييز :eh_s(11): وشكرا :eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[جارة القمر]

تفضلي طلبك


http://www.q8yat.com/t23067.html


أنا اسوي نفس طريقة دموع وساعات اسويه بالفرن


http://www.q8yat.com/t596959.html

 

[دولنغا]

مشكوووووووووووووووره جارة القمر يا قمر 14 يعطيج العافيه :aha:

 

[manoooona]

ادهنه بشوي زيت وكركم واحيانا عسل وبالعافيه

 

[cute]

عقب ما تطلعينها من ماي السلق رشي عليها ملح وفلفل اسود وكمون وبهارات دجاج ودارسين وممكن شويه هيل وعقب ادهنيها بكتشب وتسخنين الزيت يكون غزير وتقلين ليما تتحمر الدجاجه وفي طريقه ثانيه تاخذين عصير ليمونه ونص مكعب ماجي وفلفل اسود وكمون وشوي ملح تخلطينهم مع بعض و ترشينهم علي الدجاج وتقلين وبس لا تخليني من الدعاء

 

[اوتار الحياه]

عووووووووووووووووووووووافي

 

[شندوخه]

اخذي شويه من ماي فوح الدياي وخلطي معاه قوطي طماط ونتفه ثوم وشويه زغفران ودهني الديايه فيها ودخليها الفرن

 

[ميس المشاعر]

1) تاخذين شوية مااي مع طماط معجون وزعفران وكركم وشوية ملح وقفشة زيت وتدهنين الدياي وتدخلينه الفرن
2)تاخذين طحين وددارسين وبهارات وكركم وملح شويه وترشين عليه وتقلينه
ولاتنسين التزيين بعد ما تطلعينه بالليمون والطمام والبقدونس
وبالعافية

 

[ام كوثر2007]

انا ادهنه بزبده او زيت عافيه وادخله الفرن يطلع اينن ..

 

[*ماي الورد*]

بدارسين و ليمونة فقط و قلي

 

[7noOna]

^ ^


شـكـرآ صآحبـة الموضوع و البنآت مآقصـرو آستفـدت منكـم والله ^_^

 

[ورود خذلتها العاصفه]

افكااار والله عجيبه

 

[@ DLOO3TAH@]

أب .

 

[استكانة ام نقطة]

في رأي المتواضع .. للحصول على دجاجة محمرة .. ولينه .. يرجى اتباع الآتي :

- يتم سلق الدجاجة نصف سلقة .. ويوضع قليلاً من البهارات حسب الرغبة والوصفة حتى يتم الإستفادة من مرقة الدجاج ..
- يتم تنقيع قليلاً من الزعفران في زيت ثم تدهن به الدجاجة من الخارج ..
- ثم توضع في الفرن .. بدرجة حرارة متوسطة ..

وبالصحة والعافية ولا تنسونا من خالص الدعاء ..