ابي فناتق لحفلة القرقيعان تعالوا حطوا افكاركم ::

[عسولتي]

شلونكم بنات انا سويت القرقيعان بس بغيت فناتق لحفلة القرقيعان وطريقة التوزيع ياريت كل وحدة تحط شنو تبي تسوي للحفله غير عمل القرقيعان نفسه:klhfl:​

 

[رووووعه]

تأجرين منظمة حفل اهي اللي تسوي الفقرات وفقرة توزيع القرقيعان ع دخله مبتكره ...

 

[عسولتي]

يعطيكم العافيه طيب فى دخلة مبتكرة احد جربها وتكون فنتق وتسلموووون فديتكم :tomato2:​

 

[حكاية شهرزاد]

بصراحة ممكن تحطين خيمة بالبيت وتيبين حناية وترسين البيت بالونات وتوزعين القرقاعون بس يالغالية وبس دلتين جاي على دلتين قهوة على كيكة مكتوب عليها قرقيعان وبس

 

[عسولتي]

:33_1185028183:تسلمين حبيبتي​

 

[عهد كولكشن]

خلي كل شي يكون تراثي ... وسوي مسابقات تراثية ووزعي هدايا مفيدة ورخيصة ومضحكة بنفس الوقت (يعني علبة تمر - غرشة ماء ورد - كيس حنه - كيس حلاو من ماركة معينه ) اي شي جذي
وييبيلج وحدة تنقش حنه على ايادي الاطفال ... وشخصية تمثل بوجسوم مثلا ويوزع كاكاو وحلاو عالاطفال ويغنون معاه
والي يقرقع عدل عطيه خوش قرقيعان
وبس بالتوفيق

 

[أم علي الرفاعي]

حطي حبل من هالدريشة لي الدريشة المقابلة

وبعدين خلي ولدج يتزحلق فوق روس الناس
جنه طرزان ويقط القرقيعان عالأوادم
مثل طريقة مايكل جاكسون لما يدخل حفلاته
ههههههههههههههه
هههههههههههههههههههههههههههههههه
هههههههههههههههههههههههههههههههه

تخيلي ؟؟!!!!

عاد احنا الكويتيات
نموت على الفناتق
ويمكن وحدة فينا تطلع وتسويها

ههههههههههههههههههههه

مو تزعلين قاعدة أتغشمر
حده خيالي واسع !! موو ؟؟!!

حبيبتي
مثل ماقالوا البنات

شوفيلج محل حفلات
واهو يعطيج افكار

على قولتهم
ييبون شخصيات تراثية
يحبونها اليهال
ويشغلونلج أغاني قرقيعان
ووحدة تنقش حق البنات
ووحدة ترسم ويوه الصبيان

وجذي ,,

وانشالله تستانسون بالحفلة
ويستانسون كل اليهال

وعساكم من عوادهـ

 

[كويتية كشخة]

يبي فرقة السنافر الصراحة شي
و خلي كل شي تراثي
وييبي وحدة تنقش ايادي البنات وخليهم لمه ييون يلبسون هدوم قرقيعان
و سوي مسابقات وعطيهم هدايا
وييبي بو جسوم او بو طبيلة و خليهم يقرقعون و اللي يقرقع عدل خلي الشخصية اللي بتيبينها تعطيه قرقيعان
و على اخر شي وزعي على الكبار قرقيعان
وبس

 

[froha83]

انا العام سويته تراثي وسويت مثل الكوشة الخلفية سودة وفيها نجوم وهلال
و فرشت زولية حمرا و حطيت مساند سدو وحطيت القرقيعان حوالين المساند
وبنتي قعدتها على المساند
وايد كان حلو

 

[معشووقة السفر]

حبيباتي انا عندي تزيين مكان الحفل باقواس من بالونات موديلات للقرقيعان حصريااااااااااااااااااااااا

 

[عسولتي]

تسلمون فديتكم افكاركم حلوة وام علي اذا بربط حبل من دريشة لى دريشة لازم اقعد المعازيم بالحوش عشان ياخذ راحته بالتعلق هههههههههههههههههههههه مشكوووورين وبانتظار المزيد :dddds:​

 

[froha83]

رفع
رفع

 

[Mazyoona]

؛



.


أنا سمعت أنه Special events

شغلهم حلو و هذا رقمهم

24343226


و آسفه لأني ما قدرت أساعدج


.


.

 

[%الجورية%]

مشكوورييين