ابي مساعدة بروح ايطاليا

[Miss haney]

حبيباتي ساعدوني بروح ايطاليا شهر العسل في شهر ديسمبر
وابي اسويلي رحله حلوة وين اروح ومن وين ابدي
وشنو احسن المدن فيها
الله يخليكم فيدوني

 

[فوووفه]

مرحبا اختي عندج روما فيها سوق حلو و قهاويها روووعه حق شهر عسل الجو هناك و عندج ميلانو بس خق تسوق و لويه مو نفس روما وايد هاديه عندج بحيرة كومو تبعد عن ميلانو ساعة تقريبا بالقطار روووووووعة و اخيرا فينيسيا لاتطوفج

 

[Miss haney]

شدعوه بنات ساعدوني بمعلوماتكم :0bee2e8d89:

 

[carrot^cake]

اول شي روما
وعقبها ميلان ومن ميلان روحي يوم كامل فينيس
روما ما رحتلها بس يقولون حلوة والجو حلو فيها واهدى بوايد من ميلان
قعدي فيها 5 او 6 ايام
وميلان مافيها شي كثر السوق
قعدي فيها بعد 5 ايام
ومن ميلان روحي بحيرة كومو
وبحيرة لوغانو تكون بسويسرا بس قريبه يمكن ساعه وشي او ساعتين بالكثير بينهم
المناظر تينن والجو هادي والسما زرقااا
تركبون قارب تتمشون وتتسوقون فيها وفي مطاعم وكافيهات
و يوم روحو فينيس بس اهم شي ما يكون سبت او احد لانه بيكون زحمه مووووت
ماراح تستانسون من اللويه

وبس

 

[Om Ghalia]

فينيسيا فينيسيا فينيسيا، اللي يشوفها ما يتذكر أي شي ثاني من كل اللي شافه بايطاليا !

 

[soo_soo]

up
up

 

[الكريستال]

السلام عليكم
Miss haney
خل اقولج شغلة قبل لا اقولج الاماكن قبل لا تسافرون وانتو تحجزون تذاكركم حجزو تذكرة القطار الشاملة تدرين ليش
هذي ما اتذكر سعرها بالضبط بس جنه كانت 100 دينار
واذا رحتي هناك بتتنقلين بين المناطق تحتاجين القطار والمشوار يكلف بس ياربي مو قادرة اتذكر الاسعار
اما بهالتذكرة تقدرين تحجزين بسعر رمزي ما يتعدى دينارين 5 يورو

اما عن الاماكن اول شي واحلى شي فينيسيا وعمرج ما راح تنسينها روحي هناك ولا تطوفين ركوب الجندولا وبعدين روحي البلاسو دوكالوس بالسكوير وقصي تذكرة من اي متحف وراح تلقين تحت التذكرة اسماء باجي المتاحف وجنه تقدرين تدشين اكثر من متحف بهالتذكرة
طبعا مجرد التمشي بهالمنطقة وشوارعها يرد الروح بس لا تخترعين من الافارقة اللي يتكلمون عربي لووووووول

وبعدين عندج روما هم روعة فيها كذا متحف تقدرين تسألين رسبشن الفندق عنهم وفيها النافورة مالت الامنيات وناسة وجمعة الناس وكل واحد يعطي ظهره للنافورة يتمنى ويقط الفلوس وعندج الساحة اللي صور عندها كاظم الساهر طبعا ايام العطلة هالمكانين زحمة ووناسة حتى لو ريلج ما يفكر يهديج وردة هم بييون له ويبيعون عليه وبيتذكر لوووووووول فيه مكان بعد عاجبني كان مثل نهر وفيه سفينة كبيرة منظرها كان عجيب بالليل بس مو ذاكرة اسمه .
وفيه اكبر مسجد باوربا على ما اظن موجود بروما ولا تنسين الكولوسوم ومدينة الناتراس

وعندج فلورنسا فيها ملاهي وهم فيها متاحف واحلى شي فيها انها قريبا على منطقة بيسا اللي فيها برج بيسها وهناك عاد صج وناسة بس صعدة البرج بتعبج

اممم ميلان حق الاسوقة لووووووووووول

وفيه اماكن وايد كنت كاتبتهم من منتديات عشان اروح لهم وماصار بس تقدرين تكتبين بجوجل رحلة الى ايطاليا وفيه ناس خبرة كاتبين تفاصيل عن رلاحلاتهم واماكن وايد
والله يوفقج ويسعدج وشهر عسل سعيد

 

[Jwani]

السلام عليكم خواتي
أنا انشالله بروح مع عيالي شنو الاماكن اللي تنصحوني اروح لها ؟؟
و ابي شنو المناطق الحلوة اللي على حدود فرنسا و سويسرا ؟؟
و ابي اسماء الاسواق اللي فيها شغلات هاند ميد ؟؟
و يزاكم الله خير :eh_s(6):

 

[جنه من الكويت 0]

والله ايطاليه حلوه بس يبي الل يعرف لها ؟؟؟ يعني عندج بيزا لاتنسين معلم حلو يستاهل تشوفينه وفلورنسا مدينه وااااااااااااايد حلوه وراقيه اححلي من روما

 

[Jwani]

مشكوره يا جنه وبارك الله فيج ....

 

[الداعيه للحبيبه]

ربي يسعدكم جميع نتقابل ان شاء الله وانا بعد باروح ايطاليا والنمسا

 

[الداعيه للحبيبه]

ربي يسعدكم جميع نتقابل:klhfl: ان شاء الله وانا بعد باروح ايطاليا والنمسا

 

[ريحه معطرة]

مرحبا بنات بغيت اسالكم عن الفنادق الحلوة ورخيصه بروما وفنيسيا وميلان والي رايحه من قبل ومسويه جدول حلو تعلمني

واقدر اروح زلمسي بالقطار وكم يكلف ؟؟

والي عندها نصيحه ياريت تفيدنا الله يجزاها خير