ابي مساعدتكم انا تربية وبحول حق اجتماعية ...

[غ ـروك وغيروك]

هااااااااااااي

شلوونكم شخبااركم ؟

بنات بليز ابي مساعدتكم

انا بكلية التربية الحين صار لي سنتين

ودي احول حق اجتماعية

ومحتاااره حدي ومادري متخوفه انه سنتين راحو من عمري وجذي

وتدرون انه اذا حولت خلاص بعد مالي رجعة اقعد هناااك لين اتخرج

احب علم النفس ودي اروح ادرس هنااك

انا الحين تخصصي رياض اطفال

وايد يقولون لي طلعي ومادري شنو وانا مادري احس اني مو مرتاحه

فمادري حيل محتاره

اذا الحين بحول تتوقعون شنو المواد اللي بيعادلون لي اياها

وتمهيدي الانجليزي اللي خذيته بالتربية راح يمشي ولا لازم آخذ واحد ثاني

ولازم اكون ناجحة بقدرات الرياضيات ولا لا ؟؟

بليز بنات اللي تعرف لا تبخل علي بالاجابات

ومشكوورين مقدما

 

[أنـوآر الـكويـت]

حبوبة

المكان اللي تحبينة وميوولج فية دخلية

وصلي استخارة

 

[gazl~q8]

حبيبتي رديج عليج بالتجمع مالنا..

 

[غ ـروك وغيروك]

هلااا

ثااانكس بنات والله ما قصرتو

وعن الاستخارة استخرت امس

واليوم بعد ان شاء الله بستخير

وان شاء الله اللي فيه الخير راح يصير

وانا معدلي الحين 3.3

يعني اتوقع المعدل يقبلوني

بنات بليز اللي تعرف عن هالموضوع اكثر تقول لي

وبعدين صج انه اذا خلصت سنتين ما اقدر احول !!

انا خلصت 37 مادة يعني 45 وحده وهذيل طبعاا مع هالكورس

ما اقدر احول ؟؟

 

[~~ SaM ~~]

رديت عليج بالتجمع و برد بعد اهنيه ..

معدلج ما شالله يحولج و وحداتج بعد تحولج

و اذا فوق 45 همن تنقبلين بس لجنه يعني اتطول اسبوع جذي مو بنفس اللحظة


و ماله شغله الرياضيات بالاجتماعيه ماناخذه

و التمهيدي ماراح يضيع عليج لا تخافين لان مثل مثل


بس شرط تكونين ماخذه مدخل من مداخل الاجتماعيه و تطلعين فيه أقل شي C+

 

[ملك]

الله يوفقج س سمعي نصيحتي مستقل التربية واااااااااااااااايد احسن من الاجتماعية

 

[Kadin Cligin]

شوفي شروط التحويل العامة تقول ان مايصير تحولين اذا عديتي اكثر من 3 فصول اعتيادية

الشروط الموحدة للتحويل بين كليات الجامعة:
اجتياز الطالب عددا من الوحدات الدراسية لا يقل عن 15 وحدة دراسية ولا يزيد عن 45 وحدة دراسية وتحدد الكلية المعنية عدد الوحدات المطلوبة للتحويل.

ألا يكون الطالب قد أمضى أكثر من ثلاثة فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية ، أو أربعة فصول دراسية للكليات الأخرى.

ألا يقل المعدل العام الطالب عند التقدم للتحويل عن (C) ، نقطتين ، وللكلية تحديد المعدل العام المطلوب للتحويل إليها.

أن يجتاز الطالب بعض المقررات من مستوى 100 و200 المطلوبة في صحائف التخرج للكلية المراد التحويل إليها على ألا تقل معدلاته في كل منها عن (c) ، وتحدد الكلية المعنية المقررات المطلوب اجتيازها .

وهذي شروط الاجتماعية

كلية العلوم الاجتماعية

ألا يقل المعدل العام للطالب عند التقدم للتحويل عن 2.33 نقطة.

اجتياز الطالب مقرر واحد من مقررات كلية العلوم الاجتماعية بتقدير لا يقل عن (C).


وتمهيدي الانجلش ماراح يروح عليج اذا حولتي ان شاء الله


والرياضيات ماله شغل كلللش


وماكو مواد بيعادلونها الا اذا خذيتي الانجلش


واحسلج روحي التوجيه والارشاد مال الاجتماعية وسأليهم على السنتين


وبالتوفيق

 

[غلا***البدوان]

هلا فيج ومرحبا اتوقع البنات كفؤؤ وووفووووو بس انا علم نفس ترى شوي الدكاتره مافيهم حيله قسم علم النفس يعني معدلج ديري بالج عليه


لو حابه التخصص توكلي على الله >>>> انا بصراحه توهقت مابقى لي شي الحمد الله لكن ماكو المعدل كل كورس ينزل


وعسى الله يوفقج واي شي تبين بالكليه لو جوله سياحييه حاضرين راسليني بالخاص

 

[bobo lover]

أختي إخذي الميجر شيت و قارني بين مواد علم نفس الاجتماعية و رياض أطفال اللي خلصتيهم و بجذي تعرفين شنو باقي لج و مو ضايع عليج..
و أحسن شي روحي الشويخ هناك و إسأليهم عن التحويل هالاسبوع ..
والله يوفقج ان شاءالله