ابي مساعدتكم

[سكر وعسل]

السلام عليكم ورحمة الله وبركاته
امم اشلونكم بنات عساكم بخير

امم ماتشجعت وقلت بكتب الا لاني اشوفكم مشاءالله تتفاعلون مع الكل وتقدمون لهم النصايح
انا ماعندي مشكله زوجيه لاني لحد الحين ماتزوجت خخ بس بالطريج

انا زواجي انشاءالله بعد اسبوعين واول بنت في البيت
وفي وااايد اسئله براسي وماعندي احد ثقه اقدر افتح معه الموضوع
يريت الي يقدر يساعدني وانشاءالله محد يستهزء بالموضوع لانه صج مهم بالنسبه لي

امم اول شي ابي اعرف طريقة المحافظه على النظافه الشخصيه وخاصه المنطقه الحساسه
صح انا اعرف ازالة الشعر واخذ شور يوميا اوكي
بس في غسول لهذي المنطقه ؟ هل هو ضروري واشلون تكون استعماله
امم اقرا بعضهم يحطون ماي وملح ؟ شنو فايدته
ثاني شغله بالنسبه لتعطير المنظقه الحساسه .. هل هو مهم ؟ وايش استخدم

امم بعد المعاشره الزوجيه
شسوي ؟ يعني بعد ماغسلها زين في اشياء استخدمها ولا لاء

امم
اشلون اتعامل مع الزوج يعني صح الي كل حاجه تقول لزوجها ؟ وشنو الاشياء الي تنقال والي ماتنقال

انا راح اسكن مع اهله بالبيت اشلون اتعامل مع ام ريلي ؟ واذا تضايقت منها انشاءالله مراح ارد عليها اعرف نفسي بسكت
لكن لازم ابي اشكي حق احد اشكي لزوجي ولا ماادخله بهذي الامور ؟

وو بس
واتمنى تساعدوني

 

[sharoo_e5]

حبيبتى بالنسبة للاهتمام شاور كل يوم واهم شى بدي لوشن او اى خلطات

وطبعا عالطول شايلة الشعر من الجسم

استخدمي غسول طبي


افضل معطر للمنطقة المسك من عبد الصمد القرشي

لا تتكلمين عن أهلج او اهلة بالسوء ابداا


ما راح ينسي هالشى ابدااااااااااا

واى شى تسوينة حق الاهتمام لا تخلينة يشوفج


وما اوصيلج بخيمة البخار لا تسوين بالصالون الحمام المغربي والله حرام


والله يوفقج ان شاء الله وتتهنين مع ريلج

 

[سكر وعسل]

طيب اشلون استخدم الغسول ؟

 

[Tom ♥ Jerry]

.



الله يوفقج و يهنيج آن شاء الله :* !

حبيبتي أول شي بعد المعاشره الجنسيه تكونين على جنآبه
لآزم تغتسلين " تتسبحين " !

و النظآفه الشخصيه .. كل يوم سبحي و آخذي شور
مع الكريمآت البودرات و العطور و دهن العود و المسك بتكونين عروووووسه

و آم زوجج آول شي لأزم تعرفين آطبآعهآ ..
يعني عصبيه و تفلت و لا لأ .. ؟ تتدخل و لا لأ ؟
و بعدين تعاملي معآهآ كأنهآ آمج و قوليلها يمه > تحبج آكثر !
بس دآيما تذكري آنج جنه مآ رآح تكون بنتهم !
بس كلآم ينقال لمجرد المجآمله ! .. الجنه تظل جنه :*

و لا تقولين كل شي حق زوجج !
يعني بس السوالف الي تحسين أنه لآزم تدري فيها أوكي !
بس مو تقولين له عن الماضي > اذا كآن فيه
أو عن مشاكل آهلج أو لا تتكلمين عن آهلج جدآمه :*

 

[جروح خالده]

رد : ابي مساعدتكم

الله يووفقج ان شاءالله مبرررروك مقدما



عزوووبيه

 

[الشمعه اللمعه]

الريال اهم شي عندهالنظافه شيلي الشعر من جسمج بعد كل دور والغسول تشطفي فيه عدل اهم شي اول الايام لان كل عروس يصير فيها التهابات بعد الزواج لانه المعاشره تكون شي يديد عليها وتتغير عندها الهرمونات وخليج كل يوم على سنقة 10 من بخور وعطور

والله يوفقج انشالله

 

[fdeet_shosho]

الله يوفقج يارب ويهنيج
واهم شي النظافه ولا يشوف زوجج او يشم شي يكرهه فيج
وامه اعتبريها مثل امج ولاتتدخلين زوجج بسوالف الحريم عشان ما يمل منج
ولاترسمين حياه ورديه ترا الحياه الزوجيه اول الفترة صعبه شوى يبيلها تحمل وصبر وخليج ناعمه ودلوعه حتى لو مو من طبعج تعودى وياه انج نعومه لان ان فات الفوت ماينفع الصوت
الغسول استعماله عادى مايبيله خبره غسلي عادى المنطقه بالغسول الطبي
ونصيحه لاتقولين سوالف اهلج لزوجج لو انتى شايفة الويل ببيت اهلج لاتقوليله اسرار اهلج وسوالفهم بالعكس بينيله ان بيتكم جنه ومافى مثله وان اخوانج وابوج يحبونج ومايرضون عليج بشي خل يحس ان وراج عزوه
ولو تصير مصايب ومشاكل ببيت اهلج خليها بينج وبين اهلج زوجج لايدرى ولاتدخلينه باجر يستغل هالشغله ضدج
اعرف وحدة تهاوشت ويا اهلها وقالت لزوجها بعد فترة تهاوشت وياه قالها روحي زين انتى محد يحبج ولا لج سند حتى اهلج مو طايقينج واستغل هالشي ضدها وهى ساكته لانها غلطانه

وربي يهنيج ويوفقج

 

[njoom1]

رد : ابي مساعدتكم

البنات ما قصروا ...
الله يوفقج حبوبه

 

[KOKO_284I]

رد : ابي مساعدتكم

الله يوفقج والبنات كفوا واو ووفوا

 

[*peace*]

رد : ابي مساعدتكم

الله يهنيج يارب ويتمم عليج

البنات ماقصروا

 

[brettey]

رد : ابي مساعدتكم

الله يتمم عليج يارب
بخصوص لو واجهتج مشاكل من امه لازم تحطينه بالصوره من اولها لانج لو سكتي بتنقلب السالفه عليج
اما النظافه الشخصيه غسول سيتال تغسلين فيه يوميا او يوم وترك حطي بايدج شوي وغسلي المنطقه
الماي والملح الخشن اذا عندج بانيو حطي فيه شويه ماي طبعا سكري فتحته ورشي ملح خشن خمطه ايدج مرتين وثلاث وحطيه وحركيه بايدج وقعدي فيه وايد زين يعقم المنطقه الحساسه ويطهر قعدي فيه من 10 دقايق لي ربع ساعه
وعرفي ان مو كل شي ينقال حق الزوج اي مشاكل في بيت اهلج ماتقولينها لزوجج نهائي غلط ان الوحده تقول كل شي لزوجها

 

[الأميرة جوري]

رد : ابي مساعدتكم

ماشاء الله البنات ماقصروا ,,,,,,والله يوفقج ويهنيج ...يارب

 

[سكر وعسل]

مشكورين حبايبي

 

[طير يحب سجانه]

الله يوفقج البنات ما قصروا

 

[نور الشهري]

up

up