الله اعافيكم الي عندها فكره عن ميلان وفينيسيا وخصوصا في شهر 2 اتساعدني ....
يعني برد والا الجو ابريد .. يعني اخذ شتوي والا خفيف وفوقه جاكيت متين .
شنو احلى الفنادق فيهم .
شنو احلى الاماكن .
اي النماطق اليساحيه القريبه الي اقدر اروحلها بالقطار وتستاهل العنوه.
شنو المطاعم الحلوه الايطاليه والعربيه و الهنديه .
ويعطيكم الف عافيه وماتقصرون على مشاركاتكم مقدما .......
هلا حبيبتي انتي سالتي عن اغلى دولة على قلبي وماي بيست وكل ماروح ودي ما اطلع احبها احبهااااا:dddds:
ايطاليا شمسهم قويه فالصبح بيكون برد بس مو برررد لندن لكن ابرد من ديرتنا وبليل لا لازم ثقيل
ميلان انصحج بفندق ستار روزا يم كنيسة الدومو ويمج كل الشوارع المهمه حق التسوق يعني ماراح تحتاجون تكسي الا حق اماكن ابعد وعيب ميلان مطارهم بعييييد :dddds:
وانتي جم يوم بتقعدين بميلان علشان اقدر افيدج اكثر؟
اني حق فنيسيا واااااااااااااااااااااااااااااااااااي اسطورة وخيال رحت لها اكثر من مره وكل مره ودي ازيد جو وجمال وغرابه
شي غير عن اللي متعودين عليه بس نصيحتي حدج 4 ايام مو اكثر جوها الصبح برد الظهر يصير ادفى وبليل برد
اذا تبين فندق سعره زين ومكانه بسنتر عندج gabriele sandwirth
اذا غالي ومكانه روعه واهوا فندق حديث monaco canal
انا قعدت فيهم والصراحة ارتحت من مناكو لانه ريوقهم بره:ggdw: الطيور تتريق معاج ومكانه يم ساحة السان ماركو
وفنيسيا نظامها كله دواعيس تكتشفينها بروحج
ملالالالالالالالالالاحظة مهمة عن فنادق فنيسيا : لا تتوقعين مثل فنادق اسيا او باريس وغيرهم شي نظيف وراقي بس صغار
ملالالالالالاحظة عن فندق ستار روزا : قولولهم نبي بالقسم اليديد لانه مجددين الفندق وراح يعجبج وكله ناس راقيه
ملاحظة : اذا رحتي ايطاليا لا تنسين تذوقين كاكاوهم الشهير vincci
_03BA:
واي سؤال انا حاضرة اذا تبيييين محلات او اماكن سياحية بس ودي اعرف جم يوم قاعدة وبالسلامة:ggdw:
