ابي مشاريع +طريقه اقناع زوجي

[nice-girl]

السلام عليكم
بنات بليز اللي عندها خبره بمشكلتي تفيدني
انا مشكلتي ريلي اذا نزل المعاش اليوم يتم بالضبط بالضبط 4 ايام لي كثر اسبوع
يعني ذا بجيبه 100 دينار لي اخر الشهر يروووح يشري العاب حق اعياله اب 90؟؟؟
ونتم لي اخر الشهر اب 10 دنانير؟؟؟
شنو الحل معاه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شلوون اخلييييه يقتصد؟؟؟ويفكر اب باجر؟؟؟
ما يفكرالا بيووومه ما يحسب احساب باجر
بنات اهوه طلعله من ورث من امه فلوووس بس كله شرى فيهم سياير علما انه بهالفلوس كان يقدر يشتريلنا بيت؟ والسياير يامكسسسسوره المكينه واللي احترقت واللي اندعمت
والحين هم يايله ورث ابوووه؟؟ ما ابي يصير نفس اول خصوصا انه ليلحين يفكر انه اول ما تنحط الفلوس بحسابه ناوي يشتري سياير يقول بيدش بزنز واهوه فاششششششششششششششششششششششششششششششششششششششل بهالبزنز ومايسوي دراسه بس على اللي اباله عاد قمت عطيته مقترحات
قتله ليش مانشتري بيت وشقه وناجر البيت ونقعد بالشقه و بفلووووس ايجار البيت يدخل فلوووسه البورصه
او يفتحلي صالووون ؟؟؟
ابي شي يقنعهههههههههههه
ابي مشاريع حق المبتدئين ..اللي نفسه مع انه اخوانه كلهم ماشاء الله كل واحد عنده مشررووع الا انا ريلي

 

[الأم الصغيره]

حتى انا انبح صوتي من ريلي ماكو فايده يستلم الفلوس باليمين ويطيرها بالشماااااااااااااااااااااااااااال حبيبتي فكرة الصااالون وايد حلوه في البدايه خلي صالونج على قد الفلوس العندج وشيئا فشيئا طوريه افتحي لج محل فلافل وفول سندويشات بمكان زحمه قصدي وسط العزوبين ما بفيدج بشيء لاني ماكو خبره الله يعينج

 

[nice-girl]

حبيبتي مشككككوره على ردج
انا حابه موضوع الصالون عشاشن اجابله لاني ما اشتغل

 

[A. style]

كثر الدق يفج اللحام :eh_s(4): دايما كلميه عن المستقبل وانج تبين عيالج يصيرون جذي وعندهم جذي رسميله اشياء كبيره اذا في احد متوهق بعايلتكم قوليله تبينا نصير نفس بيت فلان لابيت ولا مستقبل
حاولي انتي تاخذين منه مبلغ من الفلوس قبل لايطيرها يعني على الأقل يشتري شقة واجروها وخشي فلوس الأجار انتي بنفسج
وبالنسبة للمشروع انا ايدج انج تسوين اي شي دام انج ماتشتغلين بس فكري عدل يعني اذا بتفتحين صالون ياتسوين شي عدل خبيرات وشي على مستوى والا لاتفتحين صالون كل 5 اعمال ب 10 لان ماراح يوفي معاج
والله يوفقج

 

[Om_Ksha]

مثل ماقالو البنات لالالالالالالالازم يشنري لكم شي قوليله شنو استفاد لمن خسر ورث امه !!! ماكو شي .. فلازم هالمره كل فلس يعرف وين يوديييه .. ولازم ياخذ لج شي عقار شقه اللي يصير بس مو سياره !!!!!! شي يفيدكم لبعيد انتى وعيالج .. واخذي منه مبلغ فجي عربانه فلافل صدقيييييييييني هالفلافل تربحين وراه ذهب .. ولا مصبغه .. هم فكره الصالون حلوه اذا كلش مايطاوعج ولا راضي اخذي انتى مبلغ واسثمريييه .. وموفقه

 

[sara al3soola]

وي حرام جذي وراه اعيال لازم يأمن مستقبلهم لا تخلينه يمشي برايه خليج وراه ليما يشتري بيت وتأجرونه او تفتحين لج صالون حرام جذي الفلوس اذا ما استثمرتوها تطير

 

[A7la 7la]

إنزين ويييييييين إخوااانه يااحظي ؟؟؟ ليش ماااينصحونه ؟؟؟؟ إنزين إذا تمونين على واحد من إخوانه ثقه وله كلمه ... خليه يمسكه على جنب وينصحه ويقوله كلااام مقنع .. يمكن يقارن بين وضعه وأوضاعهم ويقتنع ...!!!
صج ترى حراااااااام تشوفينه يضيع فلووووسه جذي ...

ومثل ماقالت الاخت كثر الدق يفج اللحام ...

 

[akadenia]

وااااااااااااي عورتي قلبي احس انج وايد متوهقة و زعلانة

حياتي

اولا

اذا كان ريلج يحب اعياله و شخص طيب اخلاقيا ويخاف الله ف حمدي ربج يا حياتي

احسن من البخيل واللي يقفل الثلاجة عن اليهال

ثانيا الحمدلله انه يصرفهم على مشاريع حتى لو فاشلة على كلامج احسن من الصرف على البنات والمغازل واللا الشرب ( والعياذ بالله )

ثالثا

سوي تمثيلية عليه

يعني اخترعي قصة رفيجتج وريلها اللي بدا من الزيرو ما عنده اللا المعاش والحين صار عنده البيت والشقة والشاليه والسفر

اذا سألج شلون

قولي
باجر اروح واسال رفيجتي

وبس
خليه ينتبه لج وانت تتكلمين بفخر عن رفيجتج وريلها الذكي

والله الريايل عقولهم عقول يهال والله سأليني عنهم

والله يهديه ويخليه لكم