ابي مشورتكم هل اتزوجه ؟

[كويتية33]

متزوج وعنده عيال وملتزم ووعد انه يسعدنى من نفس عمرى انا ٣٦
على فكره كان مطلق زوجه ثانيه

اخاف اتاخر اكثر وماارزق طفل واخاف اخذه واندم من مشاكل الزوجه الاولى وعارفين
الحمل بعد الاربعين قد يكون الطفل غير سليم
واخاف مايجي احد غيره؟

وانا مشتاقه لطفل يحبنى واحبه

 

[el.mlkaa]

استخخخيريي والله يكتب الي فيه الخخيررر

 

[Patcholli]

شنو اسباب تعدد الزواج عنده ماشاء الله وحده وثانيه طلقها وناوي عال3 ؟؟

اخاف ماخذها تقزوره ووناسه وشهوه وبس ..!!

وملاحظه حياتي ترى اي شخص يخطب يوعد العروس واهلها انه بيسعدها ومايقصر معاها ماكو ريال بيدش بيتكم وبيقولج ترى راح تتبهذلين او بقصر معاج ..!! لاتركظين ورا قلبج وحكمي عقلج بهالمسأله ولازم تعرفين شنو اسباب الزواج هذا ؟؟

اذا شفتي عذره مقنع توكلي على الله
واذا شفتي ماله عذر والسالفه عنده خذوه فغلوه وبس يبي شهوه وجذي لا يبا لاتقطين روحج بالتهلكه
وسالفة الحمال ترى حريم بال40 يحملون اشكثرهم والحين تلقيح صناعي يختارونلج احسن الاجنه واذا في خطر الدكتور بيفحصكم وبيقولج حملي او لاتحملين ويعطيج اذا في نسية اعاقه او تشوه كله يبين بالفحوصات

 

[Miss Eteket]

^^

معاهاا

 

[روان المطيري]

حبيبتي استخيري وتوكلي واذا عالمشاكل كل بيت فيه مشاكل وهذا يعتمد عليج
واذا بطنشين وتعيشين حياتج وتنسين اساساً انج زوجة ثانيه بتعيشين حياه حلوه وهاديهلاما اذا بتدخلين عليهم بشر طبعاً لا مراح ترتاحين لا دنيا ولا اخره
والله يوفقج حبيبتي واسألو عنه زين

 

[اسرار الحب]

استخيري ربج حبيبتي والله يكتب مافيه الخير

 

[granted]

حبيبتي استخيري وتوكلي واذا عالمشاكل كل بيت فيه مشاكل وهذا يعتمد عليج
واذا بطنشين وتعيشين حياتج وتنسين اساساً انج زوجة ثانيه بتعيشين حياه حلوه وهاديهلاما اذا بتدخلين عليهم بشر طبعاً لا مراح ترتاحين لا دنيا ولا اخره
والله يوفقج حبيبتي واسألو عنه زين

:rerrerek::eh_s(10):

 

[همس الهاشمية]

صراحة انا عمري 33 وتزوجت واحد متزوج والنهاية تطلقت
طليقي كان حاب يجرب حياة اخرى
توج بنوتة لا تتسرعين عسى ربي يرزقك الاحسن غاليتي

 

[ناتشوو]

استخيري
واعرفي اسبابه
وضعه المادي
وانت هل قادرة تصبرين
ومتصورة حياتج بوجود زوجة اخرى
ترى في زوجات ثانيات مع الوقت يغارون من الاولى ويحترون منها

 

[تمــــارا]

استخيري الله كثيراً ... واسألي كثييير عن اخلاقه وعن سبب زواجه وطلاقه ..

واذا تطمن قلبك ... اتوكلي على الله ..

واذا ع المشاكل .. اطلبي منه بيت منفصل ..وبكذا تقل المشاكل كثير

............

بس اهم شي تتاكدي من سبب زواجه وطلاقه ..

ترى في رجال يكذبو .. يقول زوجتي مريضة وماتهتم في و الخ .... وكله كذب في كذب


الله يوفقكـ​

 

[آلمآآآسه]

استخيـــري


استخــيري


استخيــري




ما خاب من استخــأر ,,ْ

 

[am_kshaa]

شنو اسباب زواجه الثاني وهل زوجته موافقه ولامن وراها واستخيري وربي يوفقج لما هو خير وصالح لج

 

[الأنسة روزانا]

أستخيييري , ربي يكتب لك الخيره بأمرك

 

[є 3 τ и α q]

اعرفي بَ الاول السبب الاساسي للبحث عن الثانيههَ


/


ولا تستعجلينَ ..
واستخيري عسى ربي يكتب لك الخير ..

 

[nour el denya]

استخيري و سألي عن الرجال أكثر
والله يكتب إلي فيه الخير

 

[WAAAW]

استخيري كذا مره .. واذا حسيتي براحه توكلي على الله .. انتي مو صغيره

الله يوفقج ويسعدج

 

[قمر بيت أبوها]

معدد وسبق طلق اتوقع سبب كافي انك ترفضين
بس لو مرتاحه اسالي اكثر واضمني حقوقك الخاصه من بيت ونفقهودخله وطلعه مو بكره يقفل عليك الباب والاولي عندها عيال ولازم ولازم ومايحتاج اذكر ان الثانيه تنظلم اكثر من الاولي في مثل حالتك

 

[رزه مرتزه]

الاستخاااااره
والسؤال عنه عددددل

والله يكتب لج الخير سواء معاه او مع غيييره

والله يفررحج ويررزقج بالزوج الصاالح والذريه الصالحه عالقريب العاجل

 

[حنان الحربيه]

استخيري واذا من نصيبك ربي بيسهل لك الامور
موفقه

 

[غداً القاك]

استخيري وتوكلي على الله
تبين رايي وانا اختك
وافقي بالعمر هذا ماتظمنين يجي احسن منه
ربي يكتب لك اللي فيه الخير