ابي نصيحتج من اخت لـ اخت شنو آسوي : (

[جنة هلي]

السلام عليكم*
شلونكم ي بنات !
عساكم بخييييير وشلون الزعنونين*
الله يجيبهم ب السلامه ي رب

المهم بنات*
انا بندخل ب موضوعي ع طوووووول*
وابي منكم تنصحوووني ب العقل وحسوا فيني
بنات انا متهاوشه مع زوجي اوكي*
والحين انا عندي اهلي يعععني ( زعلانه )
ومادقيت عليه من جيت هلي واهو م دق علي همن*
المهم انا اليوم حللت تحليل منزلي
وطلعت حاااااااااااااامل
المشكله اهنيه*
اعطيه خبر اني حامل او اعطيه طاف*
لان مزعلني منه واااااااايد*
حححححححيل جارحني بيني وبينه !
واختي اتقول طرشي له لازم*
وابوي يقول لا لاتطرشين خليه يوولي*



شنو اسوي
عطووني ارايكم بليييييييييز :'(
شنو اسوي ب المشكله*
مابي ادق عليييه ولا اكلمه حسوا فيني :'(

 

[جنة هلي]

مشكلتنا وااااايد عووودا ووصلت لطلاق

 

[جوريه 4]

الله يهديكم ياارب بس لازم تبلغينه حتي لو مسج عاادي لو تكتبين انا حامل وبس يمكن خيييره لكم هالحمل ويتغير للاحسن اعرف وحده نفسج وحللت وطلعت حاامل وقالتله وسبحان الله ردهاا بسرعه واهيا بعد ام عيااال

 

[adore.life]

الله يهدي بالكم وتيسر امورج
إذا ما تبين تكلمينه. خلي اي احد يوصله خبر انج حامل
لانه اصلا الحامل ما تطلق

 

[جنة هلي]

امييييييييين
جزاكم الله الف خييييير حبيباتي :*
الله يكتب اللي في خير
بس وايد مترددا ماني عارفه شنو اسوي عن جد






^ يلااااا بنات ابي تشجيع منكم
الله يفرج علييييييكم كل ضيق سآعدوني




^

 

[جـــواهر]

يمكن ههالحمل يحل اللي بينكم والله يهديه لج

ضروري يكون عنده خير

 

[ناتشوو]

الله يقدر لج الخيرة من امرج

بس الغريب ان ابوج يقول خل يولي
والعادة الابو يهون الامور ولا يكبر المشاكل

بس بشكل عام بيكون عنده خبر ضروري

واختي نصيحة للمستقبل
دامج ماتبين الطلاق منه
ليش كبرتي الموضوع
ورحتي لأهلج؟ وشيشتيهم وكرهتيهم فيه
وبالاخير تقولين
ماراح التزم براي ابوي؟

للامانة احنا ماندري شالموضوع ولا الاحداث
واشلون بتوصلون له الخبر
بتعلمين امه مثلا؟
ولا تكلمينه بشكل مباشر؟

وشنو الهدف انج تعلمينه
علشان يتراجع عن الطلاق؟

انشاءالله خيرة هالحمال يمكن يكون سبب من اسباب استمراركم مع بعض
وبالتوفيق
فكري عدل قبل كل خطوة واقنعي الوالد
خليه معاج بالصورة دام دخلتيه بالموضوع

 

[جنة هلي]

مشكوووورين حبايبي


ناتشو
كلامج ع عيني وراسي
اصلا من جيت لهلي وانا مابيه خلاص
وابي اتطلق منه حاطه الفكره براسي قبل لا احمل
بس المشكله اهنيه بان حللت وطلعت حامل
ابوي مقدر ب اللي مريت انا فيه والله اهو العالم
خلاصصص طقت جبدي منه
بس الحين اهنيه العله شنو اسوي
اقول له او لا !
اختي اتقول لازم تقولين له ضروري
انا محتاااااااارا وايد مو عارفه شنو اسوي
ومابي ادق عليه ولا طرش له
وانا مجبورا ادق او ارسل ع كلامكم هذا

 

[جنة هلي]

للعلم يكون فكره عند الكل
انا ترا طالبه الطلاق مواهو
واهو مايبي يطلق





احتررررررررررررت شسوي !

 

[Perfume]

حبيبتي لازم تخبرينه وتخيرينه بين التفاهم او الطلاق بالمعروف
واذا وافق على التفاهم خلي ابوج يكلمه بحزم ويحط شروووط عشان المشاكل اللي كانت بينكم ماتتكرر وتفتحون صفحة يديدة
الله يوفقج طمنينا عليج

 

[عسوله معسوله]

الله يهديكم و يصلح بينكم
حبيبتي ضرووووري يدري انج حامل وان شاء الله يكون حملج خيره لكم و تردون أحسن من أول

 

[أم عزيـز]

لا حول ولا قوة الا بالله
حتى حمالج ماصار شي يفرح بالنسبه لج
صار بالنسبة لج مشكله

شوفي دام ابوج مو راضي تبلغينه لا تسوين الشي من وراه
قولي حق ابوج ان لازم ابلغه لان اهو ابو اللي في بطني لازم يكون عنده خبر
على الاقل عطي ابوج خبر انج بتبلغينه

دزيلة مسج كلمتين انا حامل وبس
وما يندره شنو راح يصير بعد هالمسج يمكن الله يهدية ويسخره لج ويتغير لما يحس انه جريب ويصير ابو !!
مهما المشاكل كبرت وزادت ربج قادر يحل الأمور

واذا اثنينكم متفقين على الطلاق وراضين هم لازم يعرف انج حامل حتى لو ما اهتم اللي عليج سويتيه واهو براحته

 

[يمامة أيوب]

شوفي مدام دخلتي الوالد في الموضوع لازم ماتسوين شي من غير شوره يعني قوليله انج راح ادزين له مسج خلي عنده خبر ويمكن يسالج الوالد لو ها الحمل بيغير شي فيج اولا يعني يمكن يسالج تبين ترجعين له اولا عشان جذي احسبي كل خطوه بينج و بين نفسج و الحين صار بينكم ياهل الله يتمم عليج

لمن اطرشين له مسج بس كلمتين و انا اعتقد انه يا يدق او يدز مسج لو دق او دز مسج بسالج شلون عرفتي و كيف و شنو ناويه ويمكن يقولج ماراح يطلق و خلاص يعني يمكن يكون مستعد يتفاهم
ويمكن يدق او يدز مسج يشكك برسالتج ويعتقد انهاطريقتج تتواصلين معاه يعني ما يصدقج
ويمكن مايفرق عنده و يطنش في كل ها الحالات لازم يعرف
و انتي قعدي بينج و بين نفسج لا تتاثرين باي شخص وشوفي لو فيه مجال تتصلح الامور و خلي التواصل كله يكون بينه و بين الوالد مدام موقف ابوج قوي لهادرجة ضد ريلج يعني يعرف انه الموضوع يبيله تدخل رياييل
الحين كل اللي عليج اطرشين له مسج و تبلغينه و اي شي ثاني قوليله تفاهم ويه الوالد مالي كلام معاك
لكن بعد ايلسي مع الوالد شوفي شنو في راسه شنو ناوي يسوي وشنو يفكر فيه وحطيلك الشروط اللي تبينها في حال وافق ابوج تردين له ووافق ريلج انه يعدل من نفسه
والله يوفقج لكل خير

 

[مسـك]

لااازم يدري انج حامل بأي طريقه كانت ادزين له مسج امج تقول حق امه او ابوج يقوله

 

[••غـلآًهْـم••]

من صجججج


لازم لازم يدري


مهما كان

لازم تقولين له انج حامل لاتسكتين

 

[ام اغلى الناس]

خلي ابوج يدق عليه يعلمه ويشوفون حل لمشكلتج
الله يهديكم لبعض

 

[sosowaty]

و عليكم السلام

اااااب

 

[zain-alq8]

غلطانه تهدين بيتج والحامل تتطلق من قال مايقع عليها الطلاق ...لاتتهوريين ترا الطلاق مو سهل مو سهل كلش كلش لازم اهدي من اهلج يكون عقله كبير وفاهم يحلكم الموضوع

 

[يارب احفظ عيالي]

لاااااااااااااازم تقولين له

 

[أم معاذ الكندري]

أنا مع الخوات لزم يدري انج حامل باي طريقه.
وهذا الشب انذكر في سورة البقره الجزء الثاني
والله يصلح الامور بينكم