ابي نصيحتج من اخت لـ اخت شنو آسوي : (

[-فلانة-]

حبيبتي سواء ناوية عالطلاق والا مو ناوية عليه لازم الزوج يدري..ديري بالج باجر يبهذلج و يقولج مو ولدي حتى تسجيل بالمواليد ما يسجله..
أعرف وحدة تزوجت إنسان مريض نفسي ومسكينة ظلت صابرة طول فترة الحمال لين ولدت بالسلامة و طلعت ثبوتيات ولدها و عقبها طلبت الطلاق..
​

 

[المزه]

لازم يعرف مايجوز تكتمين على الموضوع والله يجعله من مواليد السعاده عليكم يارب وتنتهي مشكلتج على خير

 

[زبــــــــدة]

سمعي كلام ابوج واخذي رايه ...كلميه وقوليله اقوله ولا لا ..وان لازم تقوليله وشوفيه شنو يقول

على قولتج اهوا يدري بموضوعج اكثر واللي بينكم

 

[خوخة123]

لاااااازم يدري
وتبلغينه
بأي طريقه

 

[بيت التوت]

يااااربي في آيه بسورة البقره عن نفس موضوعج بس مو حافظتها
بما معناه لازم اتقولين لريلج وماتخشين عليه حمالج

ومن رايي قوليله وبري ذمتج دامج انتي طلبتي الطلاق مو اهو
عشان مافهمج غلط ويقول هذي تحسفت وبترد

الله يصلح بينج وبينه يااااااااااارب

 

[سحابة صيف12]

حبيبتي انا أفضل انج تقوليله لانه اولا اهو ابوه

وثانيا ترا الحمل وايد يقرب الزوج من زوجته

وثالثا ما في احلا من انه الوحده تحمل ويكون ريلها جنبها طول فترة الحمل لانها صعبه

والله يصلح امبينكم ويكون هذا الطفل سبب في صلحكم

الله آمين

 

[ذوؤوؤق]

اختي صحيح لازم تبلغينه
اختي كانت نفس وضعج وكنا بنسافر وحللت قبل السفر وطلعت حامل بلغنا زوجها وعقبها بجم شهر رجعت له وللحين مع بعض
برأيي دزي له صورة تحليل الحمل وشوفي ردة فعله
والله يردكم لبعض ويصلح حالكم بدون تدخل اي طرف بينكم

 

[روح الأحزان]

حبيبتي لازم يدري انج حامل والافضل تقعدين مع ابوج وتتفاهمون ولاتسوين شي من ورا علمه