ابي هديه لخطيبي محتاره بليز مساعده وهو صعب شوي !

[بنوتـه f]

هااي مرحبا بنات شخباركم شلونكم ..

بغيت هديه وحدي حدي محتاره ..

هو ستايله كله مغتر ودشاديش .. ومايحب عطور فرنسيه لا كله بخور وعود وجذي عمره 25..

يعني صعب وماعرف احس مو اي شي يعجبه ذوقه صعب من اللي عرفته ولاحظته !!

بشوف اخته عازمتني بنطلع هي رفيجتي حيل وجذي مو حابه اروح وايدي فاضيه فأبي هديه حلوه له وشيك وستايل وراقيه ..

شنو تقترحون علي بليــــــــــــــــــــــــــــــــــــز ..


ضروري تساعدوني لاني مو عارفه شسوي وشنو اختاار

بطلع الحين بيت يدي يمعه انشالله اتمنى لي رديت الاقي اقتراحات حلوه منكم ..

ومشكوورين حبيباتي ماتقصرون ..

 

[جوري!]

اخذيله خام ...


اللحين داخلين على الموسم الشتوي روحي محلات الخام اختاريله قطعه غاليه
وكان الله غفور رحيم ...

ولا خام قمصان تحت الدشاديش


ولا غتره ولا طاقيه


جوتي عزج الله اللحين بداية موسم كل شي تقدرين تشترينه ..
بالطو ولا جاكيت ...


اي شي مو شرط قلب حب عليه حروفكم

 

[معشووقة السفر]

الاخت جوري ماقصرت باقتراحها

او اخذيله بخور ودهن عود من امل الكويت او القرشي

 

[SWEET ROSE]

اخذيله ساعه كشخه لان الشباب يحبون هالسوالف كل ما شاف الوقت يذكرج لوووووووووووول
او مسباح كشخه اذا يحب هالسوالف

 

[بنوتـه f]

بعدعمري فديتكم ماقصرتوا عالافكـــــآر ..

قلت باخذ له بوك ماركه بروح افتر ولا بشوف غتره هم من الماركات ارماني .. واللي تعرف شنو

احسن واحلى ماركه للغتر بليز ماعليها امر ممكن بس تقولي ..

احس ثقلت عليكم بطالباتي وربي ماقصرتوا ..

thanks alot ..

 

[خشف الرعآبيب]

اخذيله كبك دامه يلبس دشاديش

او اخذيله بووك ماركه مع القلم من نفس الماركه يكشخ فيهم بالعيد

شوفي انا مره خذيت قلم وكبك مو جوفيال كانووو موطبيعييين يجننون طبعا ماخذيت لونهم ذهبي ولا فضي

لاخذيت موضة السنه النحاسي كان يجنن خذيتهم من جوفيال المهلب

وبعد نزلت تحت عند الماسه وخذيت بوك فالنتينو لونه قمرديني كان حده لايق على النحاسي وحطيتهم في بوكس كبير و كشخه

البوكس بروحه كلفني فوق ال30 دينار والهدايا مادري جم بالضبط لاني ناسيه كان شهر 4 الي طاف وبعد خذيت عطر لونه برتقالي وحطيته معاهم

صار البوكس يجنن كبير وراهي حتى خواته انهبلووو على البوكس والماركات الي فيه والحمدلله استانس وعجبته حيل

اي نسيت اقولج كنت حاطه ككاو قلوب تقريبا جذي 3 درازن بالبوكس

اتمن اكون افدتج واي استفسار انا حاااااااااضره

 

[مس^فوشية]

انا راى نفس البنات وافضل انج تاخذيلة ساعة ماركة وبوك ماركة

 

[الروســـآآآ]

اخذيه له كبك دام ستايله دشاديش ... وخااام امريكي رجالي لان داخلين علي الشتا ...
وعطر من العربيه اسمه برستيج مايل للعود ...وكيكه علي صورته ....
وان اللــه غفوورر رحيم ....

 

[بنوتـه f]

صــــــــراحه افكاركم خطيـــــــره وافدتوني وااايد ..

لكل من مـــــــر هنــــــــآ /

 

[ام فارس و محمد]

حبيبتي شوفي هذي المواضيع لنفس طلبك

اتمني تفيدك

http://q8yat.net/showthread.php?t=200038

http://www.q8yat.net/showthread.php?t=239924

 

[بنوتـه f]

ام فارس ومحمد ..

حياتي انتي تســـــــلمين مشكوووره فديتج..

واعتذر تاخري بالرد كان عندي ميدتيرمات وامتحانات جامعه ..

اكرر شكري لج يالغاليه ..

 

[Marka Store]

شنو كبك؟

 

[اقلام]

اخذى ليه مسباح كشخه .. واللى يطلع ريحه اذا حكيتيه .. او خذيله خاتم حجر كريم .. بس المسباح احلى ويناسب ملابسه