ابي وقفتكم معاي لا تخلوني تعبانه

[برد ابو الذهب]

قوة بنات انا صارلي متزوجه 8 سنين ولا مره ولا مره زوجي سافر بروحه كلا ياانا معاه سافرت معاه يمكن 3 مرات عقب صار عليه دين وحطوا عليه منع سفر :eh_s(11):
وصار يخليني اسافر مع اهلي وانا مراعات لشعوره كنت ارفض ببعض المرات وبس مره رحت معاهم عشان بنتي :eh_s(2):
الحين شال منع السفر عنه وحجز دبي 3 ايام بنات الله يخليكم لا تستهزئون بمشاعري قلبي مقموت وخايفه رايح اهوا واخوه مراهق عمره 19 سنه الله يخليكم اشلون اتصرفاقوله اخذي معاك انا من زمان مو مسافلاه معاك يقول الصيف وعد اوديج وين ما تبين خليني هالمره انا ضايق خلقي وما صدقت اشيل منع السفر
بنات تو دق علي قالي حجزت باجر واهو يدري اني مو راضيه 100% شقوله اشلون اتصرف معاه تكفون انا خايفه يرد متغير الله يخليكم شسوي

 

[برد ابو الذهب]

سوري عالبدليات قاعده اكتب بسرعه عشان اشوف ردودكم اشلون اكلمه اذا رد

 

[*غنج*]

خلاص اهو حجز وما بإذنه ماي كل اللي عليج انج تقولين استودعتك الله الذي لا تضيع ودائعه،،،

 

[فلة-شمعة-منورة]

الرجال حجز خلاص يعني رفضك مو مغير فالموضوع شي بتعلين نفسك علفاضي
عادي خليه يسافر مع أخوه كلها ثلاث أيام ماأظنها بتغيره
وسع صدرك وأنا أختك

 

[برد ابو الذهب]

هذا الموضوع لاصلي هذاك كنت ماسحته لما عرفت انه مسافر مع اخوه الصغير ردوا على هذا

 

[برد ابو الذهب]

فله وعنج شكرا عالرد ادعولي الله يبعد عني ابليس

 

[خشف العذارى]

خلاص خليه يرتاح اقصاها 3 ايام
اهو قال بيوديج بالصيف واذا خايفة يتغير
لايوسوس فيج الشيطاااااااااااااااااااان

 

[غير كل الناس]

خليه يابنت الحلال مافي الا العافيه

 

[آنا من دونك أندمر]

احسن شي ودعيه وخلي الدموع بعيونج >> مو تبجين .. لأ بس لمعة الدموع .. عشان لا يتكدر خاطره ..

مو تعطينه رايج بالسفر .. لأنه رايح بيستانس ..

وانتي حاولي تتصلين بين الساعه والساعه .. عشان تتطمنين عليه أكثر..

والله يريح بالج ان شاء الله

 

[ام دليار]

كلهم ثلاث أيام
لاتخلي الشيطان يدخل بينكم
الله يسخره لج

 

[BiiShOoO]

تعوذي من ابليس و ادعي ربج و ان شاء الله سهالات

 

[شيخه كويتية]

حبيبتي

لاتبينين له انج خايفه عليه من (هالناحيه)

قوليله دير بالك ع نفسك والله يردك بالسلامه خليج واثقه فيه

وتوكلي ع الله
ان شاءالله ماكو الا الخير



الله يبعد عنه كل سوء ويرده لج ان شاءالله بخير
ومايتغير ...


انتي بهالفتره حاولي تسوين نيو لوك *_^

عندج 3 ايام



موفقه عسى ربي يوفقكم



​

 

[mon-amour]

Being the natural rights of the trip it will be in recreation

كوني طبيعيه من حقه ان يسوي رفرش واستجمام لحياته


لا تحرمينه من دعواتج

ووكلي امرج لله سبحانه

 

[( مي )]

حبيبتي انتي خايفة لا يتغير عقب 3 أيام ؟؟؟؟؟
فمابالج باللي زوجها يسافر لدراسة او شغل بالأشهر او سنين
حبيبتي
اذا زوجج حبج من قلبه صدقيني مهما صار ماكو شي يغيره عليج ولا يشوف لا يمين ولا يسار
وإذا كان الزوج مو بالع زوجته يطقها بالطوفة لو اهو قاعد عندها ومجابلها ​

الحين اللعب صاير بالنت والموبايل حتى والزوج جدام زوجته​

​

انشالله عقب السفرة زوجج يتغير عليج للأحسن هال 3 أيام اللي اهو معتبرها سفرة نقاهة وراحة عقب الديون ،، والدين مو سهل أكيد ​

 

[بعدالعسريسرين]

وسعي صدرج الريال مايحب النكد فرفري بالسوق وسويلج نيولوك لبس قص صبغ وفاجئيه اذا رد بينبسط منج وايد الله يوفقج

 

[.،:"$الـعـوبــــة$":،.]

تعوذي من ابليس ولا تكدرين خاطرك ولا شي ،،
ودعيه ربك وبس ،،
والخرابيط متوفره هنيه مو بس برى ،،
وبيني له انك واثقه فيه ،،
عشان يحاول يصير قد الثقه ،،
لأن مافيه حل ،
ماتقدرين تروحين معاه ولا تجبرينه يقعد !​

 

[تعبت اداري...~]

حبيبتي أستودعيه الله .....
((اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يا من لا تضيع ودائعه
اللهم اجعله لي قرة عيني الوحيدة واجعلني له قرة عينه الوحيد
اللهم اطمس على قلب زوجي وسمعه وبصره أن لا يرى من نساء الدنيا غيري
وهم وانتي ترتبين اغراضه با الشنطه حطي له سياده. وقراءن صغير
ويبي اوراق صغار ملونين( واكتبي الي تبينه فيهم ) وحطيهم وسط اهدومه

 

[انا لحبيبي .]

خليه يروح يغير جو لحاله ، مرات الانسان بحب يقعد مع نفسه ويرتب اموره لحاله

ولاتنسي زوجك كان عليه منع سفر يعني بدو يرتاح وكلها 3 ايام ماتخافي وان شاء الله ما بكون الا كل خير

وما بتغير الا للاحسن ، ابعدي ابليس عن تفكيرك ، وادعي الله يرجعه بالسلامه حبيبتي

الله يهدي بالك

 

[امواج الكويت]

ماعليه شر ان شاءالله انا زوجي تو راد من لبنان راح مع ربعه 7 ايام والحمدلله كاهو مافيه الا البخت ومع ان ربعه لج عليهم بس الثقه موجوده

 

[أم الغلا كله]

خل يروح بالسلامة ويرد بالسلامة إن شاالله ، ودعيه وداع سنع ، لأن موقفج الأخير منه اهو اللي راح يذكره خلال سفرته ، خل يسافر ، يوله عليج اكثر ، واعتقد ان اهو بحاجة للسفرة مادام قالها لج بصراحة ، عشان تتجدد نفسيته ويرد عال العال _ على قولتهم _ ولا تحنين عليه وتكدرين خاطره ، ومثل ما قالت الاخت اذا بيتغير عليج مو شرط بالسفر .