اتزوجه او لا ؟؟ نصيحة سريعة تكفوووووووووووون

[حرم_طيار]

رد : اتزوجه او لا ؟؟ نصيحة سريعة تكفوووووووووووون

استخيري حبيبتي

 

[غلاتي ديرتي]

استخيري واللله يوفقج

 

[zain-alq8]

صلي استخاره اولا ..ثانيا هذا زواج فانصحج لاتتنازليين عن اي شي يمكن تتحسفيين وحرام تظلميين عمرج ..ترا انتي مو كبيره عالزواج صدقييني وفكري عدل قبل لاتتخذيين اي قرار

 

[ألماسة ثلجية]

استخيري وشوفي نفسج لج مقاقه تجابلين متين تخيلي حياتج سفراتج وتصوري مقاعد الطيارة لازم درجة أولى ومن هالسوالف

قادرة تتحملين نظرة الناس؟؟ ممكن اذا ضعف يترهل جسمه !!! ممكن مايكون عندكم المبلغ الكافي للعملية

ومممكن وممكن انا شايفة السلبيات طاغية ولج القرار

 

[*الهنوف*]

وامرج محير الله يعينج على حيرتج وربي ايسر امورج
استخيري واللي فيه الخير ربي بيقدمه لج

صج ان عمرج 30 وفرص الزواج قلة بس هم زوجج فيه اكثر من شغله مو زينه
وربي امرنا نختار وماجبرنا على شي

يعني متين ومريض وعقيم..انزين يقولج ما اجيب الا بانبوب طيب ليه ماسواها م مرته الاولى وخلف
احسه جذاب شكله مافيه عيال..ترى اللي فيهم سكري ممكن يصير عقيم

حبيبتي انتي يمكن الحين تفكرين بالزواج وودج فيه وتعبانه نفسيا..بس اذا تزوجتي هالشخص يمكن تتعبين اكثر واكثر
وبتفكرين بالعيال وبتخافين من وراثة مرض السكري

حاولي تسئلين مرته الاولى اخاف فيه ضعف جنسي ..حاولي باي طريقه لو خالتج او رفيجتج تدق وتلكمهم وتسالهم

والله يوفقج

 

[لطوووفه]

استخيري

 

["اسطورة العشق"]

الاستخاره مره و مرتين و ثلاثه ليما تشوفين الرؤيا او شي واضح يخليج تتزوجينه

اما على وضعه هذا لا والله مافي ولا سبب واحد يخليج تاخذينه و لا تقولين كبيره بالعمر .. اوكي كبيره بس عاد مو تاخذين هذا يعني سوري على التعبير بس مو تصومين تصومين و تفطرين على هذا .. ما يسوا و عيووووووبه وااااااايد وااااااااااايد
امراض و سمنه و يقولج اطفال انابيب >>> اشك ان مافي عيال بس ما كان وايد صريح

اي صج و اعرف وحده تصيرلنا مطلقه و عندها ولد خذت واحد حييييل متين و الحمدالله يابت منه اثنين عيال بس الحين قاعده عند اهلها .. لان عنده مشكله ان اهو وايد متضايق من شكله و عنده عقده نفسيه صج يستحي من شكله حيل حيل بشكل زياده يعني عنده مرض نفسي بسبه شكله و يقوم يحط حرته بالاكل و بالمره المسكينه .. و الحين اهيا قاعده عند اهلها ماتدري شتسوي بروحها مره يقولها احبج و مره يكفخها و هم خايفه تتطلق للمره الثانيه مسكيننه الله يعينها حتى اهيا نفسيتها زفت

انا قتلج هالسالفه عشان ابينلج ان في مشاكل واااااااايد راح تطلع بعد الزواج ..
احسن حل تستخيرين .. والله يوفقج حبيبتي ..

 

[عيش و مرق]

رفضى

 

[نجمه*]

رد : اتزوجه او لا ؟؟ نصيحة سريعة تكفوووووووووووون

النصيحه الاولى اهي الاستخاره لان ماخاب من استخار الله


ثانيا رايي بموضوعج>>>>>>>>انا اشوف ان صح اهو صارحج من البدايه وهذا شي زين بس مو معناة هذا انج تضحين بنفسج عشان تكافئين صراااحته

حبيبتي العيال شي مهم مهم مهم وراح تتعبين نفسيا لو ماحملتي وراح تحملين نفسج الغلط لانج تدرين ووافقتي واهو بهالحاله مالج لوم عليه لانج تدرين ثانيا صح انتي فرصج قلت لكن ماانعدمت نطري احسنلج خلي املج كبير بالله عالاقل ماتزوجين وبعدين اتطلقين لانج تبين عيال

وراي امج قد يكون صحيح فليش تحطين نفسج بهالحياه هذه وانا ارد على البنات اللي قالوا انتي ضامنه نفسج تحملين واقولهم حتى لو اكيد ان الانسان يختار الشي الزين لنفسه وبعدين العيال فطره يعني شي مستحييييل تتنازلين عنه

تصوري لو اهو اخطبج وانتي صارحتيه ان مافيج عيال تهقين انه بيوافق؟؟؟؟ طبعا لا والف لا لانه راح يختار له الشريكه اللي تحقق له هالرغيه

وحتى لو تزوجتي من شخص ثاني وماحملتي عالاقل ماتحملين نفسج المسؤوليه ويخف عليج الضغط النفسي

وانتي ترى العمر جدامج والله انا اعرف وحده تزوجت واهي عمرها 42 سنه تخيلي والله رزقها بعيال لا تخافين الرزق بيد الله واختاري لنفسج الرجل الزين


الله يشهد اني نصحتج كما لو اني بالموقف نفسه

والله يوفقج ويرزقج الرجال الصالح ياااااااااااااارب

 

[غلا 89]

انا اقول وافقي وكلشي بيد رب العالمين ... وفقي معاه وانشالله الله يوفقكم

 

[σм 3ℓαωɣ ™]

السلام عليكم


الله يوفقج أختي

اعرف ثنين متزوجين 3 سنين ما الله رزقهم بعيال
وانفصلوا وكل واحد راح بطريجه وتزوج
والحمدلله رب العالمين الثنين الله رزقهم بالذرية من أول سنة زواج

توج صغيرة وما طافج القطار على ما يقولون
وبنفس الوقت الريال صارحج بوضعه وظروفه

صلي استخارة وتوكلي على الله وووافقي
وإذا الله كاتب لج الخير مع هالريال راح تتيسر أموركم وتتزوجون
وتأكدي إن الخير في هالزواجه راح يحصل بوجود اليهال أو في عدمه

سبحان الله ياما أمهات وابهات ماتوا قهر من عيالهم وفي حياتهم تمنوا لو إنهم ما يابوهم

الاستخارة ثم الاستخارة ثم الاستخارة

 

[σм 3ℓαωɣ ™]

استخيري وشوفي نفسج لج مقاقه تجابلين متين تخيلي حياتج سفراتج وتصوري مقاعد الطيارة لازم درجة أولى ومن هالسوالف

قادرة تتحملين نظرة الناس؟؟ ممكن اذا ضعف يترهل جسمه !!! ممكن مايكون عندكم المبلغ الكافي للعملية

ومممكن وممكن انا شايفة السلبيات طاغية ولج القرار

سبحـــان الله !!
ليحين في نــاس تفكر بالمظهــر ؟
يعني ما قلتي لها الريال يمكن مريض سكر يمكن عقيم ...

مسكتي إنه متين ومقاعد الطيارة العادية ما راح تكفيه ؟؟
ليش هي بتسكن معاه بالطيارة ؟؟

وبعدين شنو تتحملين نظرة الناس !!
هي مفكرة تتزوج متين ولا مخلوق فضائي ؟؟

 

[ماريا ابنة الحي]

انا عجبتني شغله فيه
انه اهو صريح وهذي تنحسب له


بس احنا البنات ليش كل ماكبرنا شوي تنازلنا كل شوي
شنو يعني 30 !

صح تقل الفرص بس ماتنعدم
شكثر المطلقيين وفي بعضهم يبون بنات بعمر ناضج مايبون صغار

بس مايمنع انج تستخيرين

وخل يسوي رياضه يخفف وزنه
انتي غيريه غيري حياته
ماتدرين يمكن بأول سنه تحملين
الارزاق من الله عز وجل
واهو يوزعها على خلقه

الله يوفقج حبوبه ويسعدج
لاتنسين تستخيرين
ماخاب من استخار

 

[** نــــــــــــــــور **]

اهو من البداية كان صريح معاج وهذ يدل على صدق كلامه واذا الله كاتب لج عيال بتاخذين رزقج وبالتوفيق ياقلبي

 

[ماريا ابنة الحي]

سبحـــان الله !!
ليحين في نــاس تفكر بالمظهــر ؟
يعني ما قلتي لها الريال يمكن مريض سكر يمكن عقيم ...

مسكتي إنه متين ومقاعد الطيارة العادية ما راح تكفيه ؟؟
ليش هي بتسكن معاه بالطيارة ؟؟

وبعدين شنو تتحملين نظرة الناس !!
هي مفكرة تتزوج متين ولا مخلوق فضائي ؟؟

لوووووووووووووووووووول
عجبني ردج

مع اني مو متينه بس كلامها ضايقني
:aha:

 

[^^المهره^^]

حبيبتي توج صغيره الحين الدنيا تغيرت والله هالايام العرايس كله من 30 وفوق
لان الرياييل ماقاموا يتزوجون صغار نفس اول مايفكر بالزواج الا لا طق ال35 وشبع
ويطلبون من عمرهم مايبون بربس
انا اشوف انج لازم تفكرين و تستخيرين
يعني اووفر ويت وصعب اييب عيال ومطلق ومعيل وشاكه فيه سكر
وانتي توج بنت وهذي اول زواجه لج
واكيد لج طموحج و احلامج انج تستانسين و تسافرين وتييبين عيال وتعيشين حياة حلوه مع زوجج
انتي استخيري وشوفي هل هالزوج بيحققلج احلامج وطموحج من الزواج ولا لا
وعسى الله يوفقج

 

[لوازم العائلة]

رد : اتزوجه او لا ؟؟ نصيحة سريعة تكفوووووووووووون

30 مو كبيره
استخيري ربج

 

[مرتاحه]

استخيري اسلك وان شاء الله الا فيه الخير يصير
واذا كان معاه السكر ما فيها شيء المرض ما ياثر على الحمال

 

[أوكسجين]

اهم شي الاستخاره

 

[i'm so happy]

اهم شي اختي صلي استخاره وشوفي قلبج شنو يميل له ياانج توافقين عليه ولا لا ..

وانا من رايي اذا طيب واخلاقة عالية وحبوب مااظن برده اهم شي عندي واحد احبني وحطي بعيونه وحافظ علي

اما عن انه متين وعيال اكيد شي مهم العيال بس قالج اهو مو مستسلم الريال يسوي رجيم وراح يتعالج وانتي توج عمرج 30 فلا تخافين

كل شي بيد رب العالمين ماتدرين عن ربج

الله يوفقج حبيبتي