اتصلو اهله وتقدملي وسالني أسئله وصدمني قولولي يا بنات شسوي

[OM-aB0Di]

هاي بنات شلونكم

هذي رساله من رفيجتي تبي تساعدونها وتنصحونها شتسوي

وقالت مالي غيركم فحبيت اوصلكم رسالتها وقولكم شنو صار معاها

المهم

اتصلو على رفيجتي ناس وتقدمولها ولمن يه وقت انه البنيه تقعد مع الريال ويتكلمون عن التفاصيل

بلش يكلمها وقولها

شلونج فلانه شخبارج انا فلان ولد فلان واشتغل جذي وطبيعة عملي جذي احب البنيه إلي بتصير شريكة حياتي

انها بنيه متزنه وتخاف الله وتربي عيالها بأحسن تربيه وتحافظ على زوجها وماتزعل اهله لو شنو يصير

ومثل ما باحط اهلج على راسي ابيج تحطين اهلي على راسج ومن هالكلام

ونبتدي بالاسئله إلي رفيجتي انصدمت منها وتبي تساعدونها شتسوي

قالها فلانه ماحب البنت إلي تتمكيج وايد وكون مكياجها خفيف ماحب البنيه تتعطر وتطلع برا البيت اذا تبي تتكشخ وتتعطر حقي انا بس ماله داعي مكياجها اوفر وعطرها إلي واحد من بعد كيلو يشمها

تبي تتعطر رشه رشتين وخلاص مالها داعي الأوفر

احب اللبس محتشم يكون لبس راهي ويستر على البنيه وماحب هذا إلي البنات هابين فيه شباصه على الراس

إلي جنها قوطي روب شكلها بنسبة لي مو حلو

واهم شي يا فلانه اسرار بيتج ماتطلع برا لو شنو يصير ولو مهما يصير بينه اسرارنه ماتطلع وتقولين حق فلان وعلان

ولو فرضا مديت إيدي عليج لاتقولين عني همجي بس قاعد اقولج فرضا

لو مديت ايدي او شفتيني اخونج بفراشج او تشوفيني داخل البيت سكران ولو شنو يصير اسرارنه ماتطلع برا البيت

اهنيه البنيه بتكبر بعيني

ماقولج بسوي هالسوالف بس قاعد اقولج افتراضا يعني قاعد اقولج اصعب المواقف

وبنهايه ابي شي تسوينه انه اسرارنه ماتطلع برا البيت ولو شنو يصير

ولو كل صغيره وكبيره بتقولينها حق اهلج او احد تعرفينه بقولون طاع ريلج شسوي وجذي وجذي

وتكبر المشاكل وماراح نتفق

وبنهايه حياتنه بتصير كلها مشاكل وفي ناس يحبون يخربون بيوت

ف ييا فلانه ابي تفكرين بكلامي وتفهمنيه عدل

ومن ناحيته علاقتنه ماراح اقصر معاج وبطلعج وبوديج وبلي اقدر عليه بسويه حقج

بس في اوقات مثل ماعطيج حقج همن ربعي لازم اعطيهم حقهم يعني في اوقات تشوفيني

اسافر مع ربعي في اوقات اروح وياهم الشاليه في اوقات اطلع معاهم فلازم تقدرين هالشي

وابي اقولج شي يا فلانه انا لاتتوقعين اقولج هالشي اني بستاذن منج وقولج بطلع مع ربعي لأ

قاعد اقولج عساس انتي زوجتي ولج حق عليي فلازم تدرين عن اخباري

ولايروح فكرج أني استأذن منج

وهذا كل إلي كنت بقوله لج وبس

واذا حابه تتكلمين قولي اسمعج

رفيجتي سكتت وقالت ماعندي شي وقالها ماشي

اترخص انا الحين

وشوركم يا بنات شرايكم تبي نصايحكم وتقولكم شتسوي

​

 

[nono93]

من صجج احس تتغشمريييييييين

اعووووووووذ بالله خليها تفتك منه هذا معقد مو صااااحي

 

[وردة البيضاء]

رد : اتصلو اهله وتقدملي وسالني أسئله وصدمني قولولي يا بنات شسوي

انا واايد مستانسة لاني رجيت اول وحده ....انا اقول كلامة عااااادي لانة وجهة نظرة من البنات الي يشوفهم بكل مكان واقولهاا صج اذا كان زوجهااا الله يوفقهاا فيه لانة احس اخلاقة جميلة يحب البنت المحترمة لانة هذا درس يقولهااا حقهاا قبل لايخذهاااا.واااايد متفهم .....وبس والله يوفقهااا

 

[الشهد كله]

من صجها هذي ؟؟؟؟؟؟؟

ولا أهو من صجه على هالكلام ؟؟؟؟؟؟؟؟

كله بكوم وأخونج وأسكر أو أمد إيدي بكوم !!!!!!!!!!!

لا والله مو مجبورة على إنسان بهالمستوى

يمكن يكون مجبور

يمكن يبي ردة فعلها عشان يعيشها أحلى عيشة

بس بصراحة لو آنا بمكانها بخاف منه :s141:​

 

[قـہۈه فـرنسيـہ™]

هههههههه أجل حتى لو تشووفه يخونها بفراشها تحافظ على سره ....

مالت عليه وعلى وجهه ...في وااحد يجي يخطب يقووول هالكلآآآم !

 

[i'am THE ONE]

رد : اتصلو اهله وتقدملي وسالني أسئله وصدمني قولولي يا بنات شسوي

شكله متعقد من سوالفه ربعه فمن جذي قاعد يحط لها كل الاحتمالات :s141:

 

[ضايعة بدنيتي]

بالعكس مو معقد ولا مجنون . فيه اشيا بالغ فيها كثير مثل طرحه لأصعب المواقف مثل الخيانة وكذا .. ولكن الاشيا الثانية مثل الستر والعطور والميك اب وكذا اشيا كثير معقولة . انا اقول خليها تستخير كلامه عادي بس لازم يوصلون لحل وسط . يعني مثلا . موضوع ربعه .. تقول له مثل ما تبي تعطي ربعك حقهم على قولتك انا حقي عليك اكبر من ربعك وكل الي بحياتك . انا بكون حياتك الجديدة . مثل ما انت لك حق علي انا بعد لي حق كبير عليك.

لازم يكون في نقاش اكبر مو من اول مقابلة خلاص كل شي ينحسم سواء بالرفض او بالقبول.

والله يوفقها ان شاء الله

 

[حرم راشد الماجد]

شوفي محد يقدر يحكم عالشخص هذا الا رفيجتج لان الطريقه بالكلام تبين اذا كان الريال لعوب ولا نظامه تطفيش ولا فعلا جدي

 

[tbola]

رد : اتصلو اهله وتقدملي وسالني أسئله وصدمني قولولي يا بنات شسوي

مادري بس شنو اخونج ونام ويا غيرج بالفراش ومد ايدي اكبر غلط

خل تصلي استخارة

 

[la-balena]

رد : اتصلو اهله وتقدملي وسالني أسئله وصدمني قولولي يا بنات شسوي

ترى عادي ماقالها شي غلط الريال بوظح لها وجهة نظره بس الاسلوب ماساعده شوي وبالعكس قوليلها ترتاح و ماتخاف منه لانه انسان صريح خلها اتخاف من اللي مايقولها شي وموعيب اذا الريال اغار على مرته والاحسن من كلامنه كلنا قوليلها اتصلي استخاره والله يكتب لها اللي فيه الخير انشاءالله

 

[حبيبه بدر]

بالعكس مو معقد ولا مجنون . فيه اشيا بالغ فيها كثير مثل طرحه لأصعب المواقف مثل الخيانة وكذا .. ولكن الاشيا الثانية مثل الستر والعطور والميك اب وكذا اشيا كثير معقولة . انا اقول خليها تستخير كلامه عادي بس لازم يوصلون لحل وسط . يعني مثلا . موضوع ربعه .. تقول له مثل ما تبي تعطي ربعك حقهم على قولتك انا حقي عليك اكبر من ربعك وكل الي بحياتك . انا بكون حياتك الجديدة . مثل ما انت لك حق علي انا بعد لي حق كبير عليك.

لازم يكون في نقاش اكبر مو من اول مقابلة خلاص كل شي ينحسم سواء بالرفض او بالقبول.

والله يوفقها ان شاء الله

 

[ام شملاني]

لانسان صريح بس في اشياء بالغ فيها و اشياء واقعيه و انا اتفق معاه فيها منها المكياج الاوفر و اللبس الغير محتشم و قوطي الروب و اللي ما تفق معاه عن سوالف الخيانه لانه يصمد البنت بهالكلام

 

[Brounzi_girlly]

رد : اتصلو اهله وتقدملي وسالني أسئله وصدمني قولولي يا بنات شسوي

لا تعليق بس في اشياء المفروض ما يقولها
مع التحية...........

 

[ام جودي الحلوه]

رد : اتصلو اهله وتقدملي وسالني أسئله وصدمني قولولي يا بنات شسوي

صراحه كلامه يخوف انا انصحها تصلي استخاره احسن لها قبل تورط معه ماتدري شيصير بعد الزواج وبيحط عذره اني انا قايلك كل شي قبل الزواج وانتي وافقتي

 

[trakmia]

كلامة عادي بس نيي حق سالفه الخيانة والسكر ومدة الايد قويه عندي احساس ان اهو في عله عشان جذي سبحان الله ان طحتي عليه يطلعج انتي الغلطانة وانج طلعتي اسرار بيتج

 

[الأميرة الحزينة]

كلامه عين العقل حق لبس البنت والعطور وهالشغلات ومافيه شي :icon30:.. بس كلامه الثاني عن السكر والخيانه اتوقع اهو بيبين لج ان كل شي سر بينكم وما يطلع برا البيت .. وبالغ بالوصف عشان يبينلج ان بأسوء الاحوال بعد لاتطلعين اسراركم .. ما يقصد ان اهو يسوي جذي لو يسوي مستحيل يقولها اشكره ..خل تستخير والله يكتبلها الخير

 

[OM-aB0Di]

مادري بنات هذي رسالتها لي وقالتلي اوصلها لكم

وراح اقولها تدخل وقولها شوفي ردود البنات وانتي بنهايه صاحبة القرار ترضين فيه ولا لأ

وتبي تشوف رأي الاغلبيه شقولون وشنو بينصحونها فيه

وانا مثلكم كلام الريال حيل جرئ بس مادري

 

[باربية الكوووويت]

ماقول غير الله يرزقه بالعقل من صجه قال هلكلام ؟؟؟؟؟؟؟؟؟؟؟

والله خل تطق بريك لهخطبه وتستخير ويسألون عنه اكثر شكله مو صاحي

 

[um 3amor]

امبيه من صجه هذا
من اولها جذيه

 

[cutee__q8]

No comment
من صجه هاذا شنو أخون أسكر أمد ايدي ليييش يما ما وراج اهل ولا طايحه بجبد روحج اللي يابه اييب غيره والدنيا مو واقفه عليه
الله يوفقها ويرزقها ويستر عليها انشالله