اتصلو اهله وتقدملي وسالني أسئله وصدمني قولولي يا بنات شسوي

[squar **]

رد : اتصلو اهله وتقدملي وسالني أسئله وصدمني قولولي يا بنات شسوي

والله مادري بس مافيه شئ بالعكس قال الشئ الي يبي زوجته تكوون فيها

 

[ديانا سبنسر]

والله نص كلامه عدل ونص كلامه ماهضمته وحسيت ماله داعي يقوله خل تستخير والله يوفقها

 

[روزماري]

رد : اتصلو اهله وتقدملي وسالني أسئله وصدمني قولولي يا بنات شسوي







أنآ آشوف انه كلامه مآ فيه شي هآذي بتصير زوجته وآكيد مآ يبيهآ نفس الاشكال اللي نشوفهآ
بس اللي غلط يوم قآل آخونج ومآ دري شنو يمكن بيضرب مثل وطلعت منه


بس برآي تستخير آحسن والله يوفقهآ ويوفقج

 

[فـرفـر]

ينخاف منه صرااحه
مادري خل تقول لاهلها وتستخير

 

[LOLETA]

كلامهااا



زينة العقل


هووووقاعد يعطيها فرضيات



وهو واقعي جداااااا



واهم شي الاسرار ماتطلع برا




خل تتوكل على الله
وتوافق

 

[SweeTa_4ever]

حبيبتي كلامه عن الستر وهالسوالف من حقه بالبدايه يعطيها خبر ماشوف في شي

بس ثاني السوالف لا قويه وعيب يقول حف البنت اول مره يشوفها وجنه داري انه في هالشغلات وبنبها

ممادري استغفرالله خلي اصلي استخاره لاتستعجل

 

[Gourges]

رد : اتصلو اهله وتقدملي وسالني أسئله وصدمني قولولي يا بنات شسوي

هههههههههههههههههههههههههههههههههههه

سوري بس تخيلته محشش ... ;d





ممممم بس ترى اول شي عن الي يحبه ولي مايحبه هلشي طبيعي .... وكل زوج يقول جذي " اقصد البعض ياليل الليل"

بس في فروقات واحد متشدد واحد يشد ويرخي وواحد بس يتكلم واهوا مرخي على الاخر ...

فا يعني عادي .. بس اهيا تحكم اذا كان اسلوبه دفش ومستفز معناته اهوا شخصيته العن من جذي ولي طلعه بالخطبه محاسنه .. فا اذا احسن ماعنده ماعجبها فا ماتوقع شخصيته بالحياة القريبه راح يعجبها ...

بس خل تصلي استخاره وتشوف وكل شي يصير وترتاحله خيره من الله سبحانه والله ابخص بعباده

 

[OM-aB0Di]

بناااات لاتفهمون غلط اهوا ماقالها بطقج وبخونج وبسكر

قاعد يقولها افتراض مثلا عساس يبيلها بأصعب الامور اسرار بيتها ماتطلع برا

اقرو الرساله عدل في بعضكم فاهمين غلط

 

[raneen]

رد : اتصلو اهله وتقدملي وسالني أسئله وصدمني قولولي يا بنات شسوي

السلام عليكم ورحمة الله وبركااااته ...

شوفي حبيبتي واول شي الزواج قسمه ونصيب ..ولوكان من نصييبها والله لو قالها احط ابقفص اصكه عليج رح ترضه لان الله قاسم لها هالشي ...

وبعدين شوفي الكلام الي قاله عن الميك اب واللبس والعطوووور عااااادي ..ومن حقه لانه ريال وعنده غاريه على بيته
((هذا مو يعني الي الي امخلي مرته فري ماعنده غاريه )) لا بس من ريال لي ريال تفرق ...

وعادي خلي اتحط ميك اب خفيف وجم رشه عطر وتطلع معاه لان اصلا الميك اب الثقيل ماينفع الا حق السهرات والحفلات وبالنسبه حق الملابس يعني مو لازم تلبي ضيج عشان اتكون حلوه ...لان اصلا اذا اهي ابتطلع معاه رح تلبس ضيج حق منو ؟؟؟ هههه حقه مثلا واهي رايحه مثلا الفنار اوسوق شرق ...اهو رح يكون يمشي ابصفها مو ايجابلها ويمشي قري والله عشان انقول اي والله لابسه عشانه الضيج وبعدين الضيج والمشخلع تلبسه له بالبيت....


واما عن اسرار البيت ...
الريال قاعد يقولها اسوء الاحوال او الاشيلء الي ممكن اتصير باي بيت ومايبها اتطلعها بره بيته وهذا من حقه واصلا مايصح اي وحده اطلع اسرار بيتها لاه=نها ممكن اتيب لها العين واهي مو حاسه على نفسها...وتره في ناس عيونها فااااااااااااااارغه على اي شي تحسد وكلامه صحيح عن تدخل الاهل لان مرات الاهل يخربون بيوت اعيالهم واهمه مو حاسين تره ...
ولو صارت مشكله بينهم وقالت حق اهلها اهني اهلها رح يتضايقون منه لان وافي احد يرضى على عياله صح ...وبعد جم يوم اهمه تصالحوا ونسوا الموضوع بس الاهل رح يتمون شايلينها ابقلبهم ...ومرح ينسونها ابسهوله ولو صار اقل شي بينهم مره ثانيه رح يذكرون الي صار صح وله لا...؟؟


ومن ناحية ربعه ...
اهو له عندها حق وعادي لازم تقدر واتفج عنه بـــــــــــــــــــس بحدود ... يعني عادي يطلع معاهم ويروح الشاليه وحتى
(( السفر بس مودائما ))...
لان هو معطيها حقها ومثل ما اهي عندها رفيجات اهو عنده ربعه ...وصدقيني الريال مايحب المره الي تحكره والله بالعكس من اهي رح اتفج عنه وتعطيه الثقه اهو لمن يشوفها قاعده اتسويله كل هذا وامقدرته رح يحطها على راسه ....

وعلى كلمته انه مو قاعد يستاذن منها ...تره مافي ريال يستاذن من مره لانه اذا بغه يسوي شي والله لو مو ماترضه لو شنو اتسوي رح ايمشي الي ابراسه فهو من باب الاحترام والتقدير يعطيها خبر عن مكانه ..وطبعا بعد الزواج تقدر اهي اتغيير في شوي شوي عرفتي...

اما عن اهله فهذا حق عليها انها تحترمهم واتقدرهم لانها مثل ما رح اتقدر اهله رح ايقدر اهلها وهذول اهم جنتهم ونارهم يعني رضى رب العالمين من رضاهم....

هههههههههههههه ادري قرقت واااااااااااااااااااااااايد عليج بس هذا الكلام كان ابقلبي وحبيت اقوله لج...
وخلي اتصل استخار والخيره بما اختاره الله ...واذا اهو خوش ولد وسمعته زينه خلي تتوكل على الله ولا تهتم لامور تافهه وتقبلي مروري لج حبوبه وتبقى وجهة نظر ...
واتمنى انج ماتضايقتي...

 

[حبيبتي إختي]

رد : اتصلو اهله وتقدملي وسالني أسئله وصدمني قولولي يا بنات شسوي

مسكين شكله ما يعرف يعبر .. في ناس وايد يحليلهم ساكتين ما يعرفون يعبرون كلش

انزين خل يسالون عنه بالاول ويشوفون تصرفاته هل هو عصبي من النوع اللي يمد ايده علاقته باهله وخصوصا خواته اذا يمد ايده عليهم ولا حنون وبعدين تقدر تقرر اذا كان فعلا قاعد يتكلم بشكل عام ولا اهو صعب التعامل معا.

وخل تستخير والله يوفقها ان شاء الله.

 

[ملح و سكر]

بعد مايبيلها حجى ....اذا هذا اوله ....ينعرف اخره .....

لو انا منها ...اقوله ...يفتح الله ...

 

[*peace*]

رد : اتصلو اهله وتقدملي وسالني أسئله وصدمني قولولي يا بنات شسوي

انا شخصيا ماشوف قال شي غلط عادي

واهو قال فرضا عني مثال ياحظي يعني حمش لوووول اهو ناقال بخونج واسكر قال مثلا !!

انا اللي بط جبدي شي واحد








اطلع مع ربعي واسافر بدون لا استاذن لووووووووول من الحين مزهب الدوا خخخخ

 

[مــســك]

كلامه عين العقل حق لبس البنت والعطور وهالشغلات ومافيه شي :icon30:.. بس كلامه الثاني عن السكر والخيانه اتوقع اهو بيبين لج ان كل شي سر بينكم وما يطلع برا البيت .. وبالغ بالوصف عشان يبينلج ان بأسوء الاحوال بعد لاتطلعين اسراركم .. ما يقصد ان اهو يسوي جذي لو يسوي مستحيل يقولها اشكره ..خل تستخير والله يكتبلها الخير

معــآهاا ..


واكثر شي عجبني بكلامه لما قالها ماله داعي العطر .. والعطر حقي وبس .. وحتى بالمكياج قالهاا ابي الناعم ..


لان في بنات استغفرالله تشوفينهم تقولين حاطه مكياج عرس .. ولا العطر يعني غصب طيب شموو عطري تراه حلوو ..






وخليها تستخيرر ..






​

 

[فراشة الرغد]

رد : اتصلو اهله وتقدملي وسالني أسئله وصدمني قولولي يا بنات شسوي

وي اشلة سكتت
لو انة جان كل كلمة علقت عليها
واقوله بعد انة شحب بالريال واشلون اصلا يصير ريال
مو خيانات وعفايس ..
ويوم قال لها لو شفتيني شارب او خاينج او طاقج ..
لو انة جان قلت له طبعا في هالموقف ماراح اشتكي
لحد لان بس تصير هالاشيا بروح كل واحد فينا بطريج
امحق خاطب.. انفعلت وانقهرت الصراحة اش هالحجي

 

[TamraBarney]

رد : اتصلو اهله وتقدملي وسالني أسئله وصدمني قولولي يا بنات شسوي

لايكون اهله غاصبينه عليها وهو يبيها تتركه من نفسها

مبين الولد مو طبيعي وفي شي بالسالفه​

 

[Morena]

مو هين مادري هالنوعية مو مريحة

 

[noo7a]

مادري انا اشوف ان كلامه عادي
بس بالغ شوي لمن قال موضوع الخيانه و السكر و مده الايد

 

[Čut!e Quèéи]

رد : اتصلو اهله وتقدملي وسالني أسئله وصدمني قولولي يا بنات شسوي

كلامه حلو بس بالغ في وصفه

شنو اخونج واشرب ومادري شنو

اهني شككني بالوضع حسسني اهو يحب البنات والشرب

اخاف قصده يمهد لها طريقه حياته !!

فوق هذا راعي سفرات وشاليهات شي يحير

بس في نقطه مهمه لو اهو مو زين او سكير ومغازلجي

مو معقوله يطلب منها تكون مستوره ولا تحط مكياج ولا ترش عطورات قويه

يعني اهو زين ويحب الستر ويحب مرته تكون حقه بروحه وطبعه غيور ومحافظ

بس مايعرف يوصف او يوصل رسالته عدل قصده لو شنو يصير بالدنيا ما تتكلم عن زوجها ولا تشهر فيه عند اهلها

احسن شي الاستخاره وغير جذي تخلي اهلها يسألون عن الريال يروح اخوها فريجهم ويسأل عنهم احسن

 

[عادت ذكرياتي]

خليها تستخير يمكن هو ما عرف شلون يعبر عن أسوء الحالات بس ليش تخاف منه قالها كل شي بالصريح وشروطه حلوة تدل على إنه ريال وسالفة يخون اولا يقدرون يسئلون عنه بكل مكان وترى كلنا عيال قرية
والله يوفقها

 

[بتبوتااا]

بصراحه تميت وقت عشان اشوف شنو ارد عليج بس الي كنت افكر فيه المواجهه يعني مصيرج بتردين عليه صح
حزتهاا تقولين له الي بخاطرج وانه عندج اهل تلجأين لهم حق اي مشكله مثل خيانه او مد ايده او سكر لأنه هالامور ما ينسكت عنهاا وخصوا انتو توكم قأذا انت من هالنوع اسمحلي دور غيري والله يوفقك , واذا على ربعك مارح امنعك عنهم بس من حقي اعرف الاوقات الي لهم والي لي .. وهم اقول لج استخيري والله يوفقج ان شاء الله ,