اتصلو اهله وتقدملي وسالني أسئله وصدمني قولولي يا بنات شسوي

[eman12]

لا لو اهو مضبوط مايقول اسكر وهالسوالف

 

[3aBs!a G!Rl]

رد : رد: اتصلو اهله وتقدملي وسالني أسئله وصدمني قولولي يا بنات شسوي

كلامه عين العقل حق لبس البنت والعطور وهالشغلات ومافيه شي :icon30:.. بس كلامه الثاني عن السكر والخيانه اتوقع اهو بيبين لج ان كل شي سر بينكم وما يطلع برا البيت .. وبالغ بالوصف عشان يبينلج ان بأسوء الاحوال بعد لاتطلعين اسراركم .. ما يقصد ان اهو يسوي جذي لو يسوي مستحيل يقولها اشكره ..خل تستخير والله يكتبلها الخير

:eh_s(15):
كلامها عين العقل

 

[Petite]

لا تعليق !

 

[جيرمني كيك]

رد : اتصلو اهله وتقدملي وسالني أسئله وصدمني قولولي يا بنات شسوي

بصراااااحه حجيه ايخوف
يعني في واااحد بيخطب ايقول هالحجي !!!!!!!!!!!!!!!!!!!!!

 

[معلمة شيسمونه]

يمكن خانه التعبير باسكر او اطقج وجذي وحاول بتفكيره يفترض اسوأ الاحتمالات بالنسبه له بنظره

لكن اكيد هو غلطان بطريقته

لكن سالفة انا اطلع مع ربعي وشاليه وجذي اكيد عادي بس هي لازم تقوله بحدوووووووووووووووووووووووووووووود

ترى صج ما بقص عليج مبين شكله عقد

لكن هي لازم تناقشه بتطلع اطلع بحدود مو هدد يعني لي حق لربعك حق لاهلك حق لاهلي حق

كل هالاشياء نوازنهم مع بعض انا بعد بشرررررررررررررر ترى

بس خل تستخير نصيحه رايي انا وراي البنات ما بيفيدها خل تستخير ربببببببببببببببببببببببها اهم شي

وربي يخيرها للاصلح

 

[يا عيون سمي]

بالعكس انسان واااااااااااااااااااااقي وواضحه معاها

احلى شي الرجل الواضح مع مرته ليش مومعقد

 

[اسرار الغلا]

كلامه ما يطمن

 

[العجميه سبشل]

لا بالعكس ماقال شي غلط

كلامه واعي

ولي رده عالموضوع مرة ثانيه
مع اني اشوف نص البنات كفو ووفو

 

[الغاليه ام احمد]

لا حبيبتي يفتح الله

يشرب ويطق ويخونها بفراشها ولا تتكلمين

صدقيني هذا متعود على هالشغلات

 

[barbie_girl]

كلامه في البدايه سليم

لكن جزئية الفرضيات خيانه ومدة ايد هاذا ابدا مو مقبول

جرااائه بامكانه يوصل رسالته بطريقه وبكلام اذرب والبق من الي قاله اول مره يدخل بيت الناس ويكلم البنت وعلى طوووول بهالاسلوب

وبعدين فرضياته عن السكر ومدة الايد خااطئه لانه الاخ فاهم مبدا الستر والصبر غلط

منهي الغبيه الي بتسكت عنه بهالامور الكبيره وش حادها

في حدود للصبر بين الزوجين

وباين انه يفتقر للاسلوب والاحترام وترا هاذا اهم شي بشخصية الرجال

حلو الواحد يكون صريح وواضح من البدايه تفاديا للمشاكل لكن مو بهالطريقه!!!بمعنى اخر فهمها لو اقطعج بسكين قطعه قطعه اووص ولا كلمه!!!مثل ماقالت وحده من البنات كلامه مبطن وباين انه مو سهل

لو ماكنها مااوافق ولااعطي نفسي فرصه الدنيا ماوقفت عليه

بعض البنات هنا مأيدين كلامه وانه قصده يوضح لها قد ايش يهمه الستر وانه خانه التعبير

لان فهم كل وحده يختلف عن الثانيه مثل ماا انا ماشوفه انه مايعرف يعبر

انا اشوفه انسان بجيح وماعنده وقت من اولها يقول كلام وقح اجل لاتزوجته وطاحت الميانه وش بيقول؟؟

من راي تستخير وتقول لابوها الي حاصل بحيث يقعد معه اكثر من مره يفصفص شخصيته عدل ويسئل عنه

الي قالت مبين عليه انسان وااعي

واضح انه واعيي بدليل الفاظه بالكلام مع البنت لو ذكي وواعي يفهمها باسلوب فيه ادب ولباقه

ياكرهي للرجال الي يتفلسف بوقاحه من اولها على زعم انا واضح وصريح وفاهم

 

[شمالية غربية]

رد : اتصلو اهله وتقدملي وسالني أسئله وصدمني قولولي يا بنات شسوي

يمه مو صج هذي نكته
واذا صج
راحت فيها البنية
الله يخلف عليها

 

[عِشْقٌ وَلَائِي]

رد : اتصلو اهله وتقدملي وسالني أسئله وصدمني قولولي يا بنات شسوي

السلام عليكم ورحمة الله وبركااااته ...

شوفي حبيبتي واول شي الزواج قسمه ونصيب ..ولوكان من نصييبها والله لو قالها احط ابقفص اصكه عليج رح ترضه لان الله قاسم لها هالشي ...

وبعدين شوفي الكلام الي قاله عن الميك اب واللبس والعطوووور عااااادي ..ومن حقه لانه ريال وعنده غاريه على بيته
((هذا مو يعني الي الي امخلي مرته فري ماعنده غاريه )) لا بس من ريال لي ريال تفرق ...

وعادي خلي اتحط ميك اب خفيف وجم رشه عطر وتطلع معاه لان اصلا الميك اب الثقيل ماينفع الا حق السهرات والحفلات وبالنسبه حق الملابس يعني مو لازم تلبي ضيج عشان اتكون حلوه ...لان اصلا اذا اهي ابتطلع معاه رح تلبس ضيج حق منو ؟؟؟ هههه حقه مثلا واهي رايحه مثلا الفنار اوسوق شرق ...اهو رح يكون يمشي ابصفها مو ايجابلها ويمشي قري والله عشان انقول اي والله لابسه عشانه الضيج وبعدين الضيج والمشخلع تلبسه له بالبيت....


واما عن اسرار البيت ...
الريال قاعد يقولها اسوء الاحوال او الاشيلء الي ممكن اتصير باي بيت ومايبها اتطلعها بره بيته وهذا من حقه واصلا مايصح اي وحده اطلع اسرار بيتها لاه=نها ممكن اتيب لها العين واهي مو حاسه على نفسها...وتره في ناس عيونها فااااااااااااااارغه على اي شي تحسد وكلامه صحيح عن تدخل الاهل لان مرات الاهل يخربون بيوت اعيالهم واهمه مو حاسين تره ...
ولو صارت مشكله بينهم وقالت حق اهلها اهني اهلها رح يتضايقون منه لان وافي احد يرضى على عياله صح ...وبعد جم يوم اهمه تصالحوا ونسوا الموضوع بس الاهل رح يتمون شايلينها ابقلبهم ...ومرح ينسونها ابسهوله ولو صار اقل شي بينهم مره ثانيه رح يذكرون الي صار صح وله لا...؟؟


ومن ناحية ربعه ...
اهو له عندها حق وعادي لازم تقدر واتفج عنه بـــــــــــــــــــس بحدود ... يعني عادي يطلع معاهم ويروح الشاليه وحتى
(( السفر بس مودائما ))...
لان هو معطيها حقها ومثل ما اهي عندها رفيجات اهو عنده ربعه ...وصدقيني الريال مايحب المره الي تحكره والله بالعكس من اهي رح اتفج عنه وتعطيه الثقه اهو لمن يشوفها قاعده اتسويله كل هذا وامقدرته رح يحطها على راسه ....

وعلى كلمته انه مو قاعد يستاذن منها ...تره مافي ريال يستاذن من مره لانه اذا بغه يسوي شي والله لو مو ماترضه لو شنو اتسوي رح ايمشي الي ابراسه فهو من باب الاحترام والتقدير يعطيها خبر عن مكانه ..وطبعا بعد الزواج تقدر اهي اتغيير في شوي شوي عرفتي...

اما عن اهله فهذا حق عليها انها تحترمهم واتقدرهم لانها مثل ما رح اتقدر اهله رح ايقدر اهلها وهذول اهم جنتهم ونارهم يعني رضى رب العالمين من رضاهم....

هههههههههههههه ادري قرقت واااااااااااااااااااااااايد عليج بس هذا الكلام كان ابقلبي وحبيت اقوله لج...
وخلي اتصل استخار والخيره بما اختاره الله ...واذا اهو خوش ولد وسمعته زينه خلي تتوكل على الله ولا تهتم لامور تافهه وتقبلي مروري لج حبوبه وتبقى وجهة نظر ...
واتمنى انج ماتضايقتي...

معااااااااااااااااااها وبقوة :friends:

 

[فواكه2000]

رد : اتصلو اهله وتقدملي وسالني أسئله وصدمني قولولي يا بنات شسوي

اول شي اوكي كلامه عدل ومتزن بس بعدين خارها بالحجي

يسكر يخون ويمد ايده ؟؟!!!!!!! ويسميها اسرار بيت ولا تطلع برا البيت ؟؟!!!
هذيله الثلاث اهيا اللي بتقلب حياتج وتهدمه
قوليله انا مارضي بهالشي ولا انه يكون سر ابدا . اذا شفت هالشي بعيني أكيد من نفسي
بطلع من حياتك . كلش ولا السكران كلش ولا الخاين كلش ولا مدة الايد الله يكافينا شرهم .

هذي حياتي مثل ما انت حاط لك مبدأ وشروط انا لي مبدئي وشروطي وهم بترتبط بعيالنا باجر و ماارضي يتربون مع ابو سكران او خاين او يمد ايده .

انت بتكون لهم قدوه . وبصراحه هالاشياء اللي قلت عنهم مو اسرار هذيله جرايم بحق ربك ودينك ونفسك واسمحلي ما اقدر احافظ علي سريتهم لاهلي بس عشان يعرفون سبب الطلاق واني علي حق ماظلمتك :

 

[yummy]

ماقال شي غلط الريال وكلامه عين العقل باللبس والمكياج لانه ريال ويبي تكون زوجته متزينه له بس ولما قال اخون واسكر عطى مثااااااااااااااااااااااااااااال بس .. يعني يبي يوصلها انه الاسرار لو شنو كانت ماتطلع برا البيت .. وترى اغلب الرياييل يبون جذي

خل تستخير ويارب يوفقها

 

[فواكه2000]

رد : اتصلو اهله وتقدملي وسالني أسئله وصدمني قولولي يا بنات شسوي

قوليله هم انا اقولك الاشياء مثلا لو سويتها
وانا ماقلت انك بتسويها او ناوي عليها انا اقولك
شنو اللي ممكن مايكون سر او ممكن اني اسكت عنه وهالاشياء ما ينسكت عنها
واكيد ماترضي اختج اتشوف هالاشياء بريلها وتسكت ماتتكلم علي بوانها اسرار بيت
قوليله انا ماني ثرثاره وكل شي بينا يصير اقوله للناس
لأ . بس جريمة اتصير بحقي ماارضاها لنفسي ابدا .

////////
بصراحه تنرفزت من كلاااالااااااامه لو انا بمكانج قلت كل اللي كتبته لج فوق له

وعسي الله يوفق رفيجتج ..




*

 

[فواكه2000]

رد : اتصلو اهله وتقدملي وسالني أسئله وصدمني قولولي يا بنات شسوي

قوليله هم انا اقولك الاشياء مثلا لو سويتها
وانا ماقلت انك بتسويها او ناوي عليها انا اقولك
شنو اللي ممكن مايكون سر او ممكن اني اسكت عنه وهالاشياء ما ينسكت عنها
واكيد ماترضي اختج اتشوف هالاشياء بريلها وتسكت ماتتكلم علي بوانها اسرار بيت
قوليله انا ماني ثرثاره وكل شي بينا يصير اقوله للناس
لأ . بس جريمة اتصير بحقي ماارضاها لنفسي ابدا .

////////
بصراحه تنرفزت من كلاااالااااااامه لو انا بمكانج قلت كل اللي كتبته لج فوق له

وعسي الله يوفق رفيجتج ..




*

 

[قلب الأم]

رد : اتصلو اهله وتقدملي وسالني أسئله وصدمني قولولي يا بنات شسوي

من وجهة نظري كلامه منطقي وصريح وما قال شي غلط بسسسسسسسسس خانه التعبير والتوقيت غلط... يعني الجزء الثاني من كلامه ما كان يقوله بهالطريقة ولا في اول مرة يشوف فيها البنت ... والبنت كان لازم تناقشه يعني المفروض اذا في مجال تقعد معاه مرة ثانية وتقول له شوف كلامك صريح وصحيح بسس مو معناته ان الرجال يتمادى في الغلط واتم ساكتة عنه وماحاول القى حل حتى لو اضطريت اخبر احد على ابو ان استر عليه واسرار زوجية.. ماحد معصوم من الغلط والغلط لازم نعدله .. هذا رايي:eh_s(6):

 

[OM-aB0Di]

مشكورين بنات وادري انفعلتو بالموضوع وايد

بس بنات خنقولكم في بنات تقول شكو يطلع وسافر مع ربعي لازم بحدود ولازم هم انا كزوجه تطلعني وتسفرني

بنات إلي ذكرو هالطلب روحو فوق واقرو الموضوع عدل اهوا قايل

قايل انه بطلعج ومابقصر معاج ومثل مابعطيج همن بعطي حق ربعي

يمكن البنات ماقرو الموضوع عدل فتخلبطت عليهم الاحداث

وسالفة البنات إلي يقولون اذا سكر او خان زوجته او طقها ووايد بنات فسرو لا يبا هذا بدايته جذي عيل اذا خذاها بطينها

واكيد اهوا راعي سوابق يا بنااااات همن انتو فاهمين غلط وروحو اقرو الموضوع فوق

اهوا قايل فرضا ماقال انا سكير وبطق قاعد يقولها فرضا لو صار هالشي ببيلها اسرار البيت لاتطلع

يمكن في بنات تقرا الموضوع وماتفهم وترد واهيا مو عارفه شنو السالفه اساسا


وشكرا حق كل وحده ردة على الموضوع ​

 

[Smetk 3'lay]

موصاحي وين قاعدين الله يعينها صراحه

 

[الفدنه]

من صجها هذي ؟؟؟؟؟؟؟

ولا أهو من صجه على هالكلام ؟؟؟؟؟؟؟؟

كله بكوم وأخونج وأسكر أو أمد إيدي بكوم !!!!!!!!!!!

لا والله مو مجبورة على إنسان بهالمستوى

يمكن يكون مجبور

يمكن يبي ردة فعلها عشان يعيشها أحلى عيشة

\\\

بس بصراحة لو آنا بمكانها بخاف منه :s141:​

والله معاها حق هذا يا بيدلعهااااااااااااااااا
يا بيوريها نجووووووووووووم القايله