اتطلق ؟ مادام اني على البر ؟ ولا شسوي ؟

[Marshmallow ~]

السلآم عليكم والرحمه . .


بنات حبيباتي انا متابعتكم من زمان من خلف الشاشه وبعيد عن الانظار واليوم احتجتكم وقلت
اكيد انكم ماراح تردوني ,, وجد محتاجه النصيحه منكم :eh_s(22):

انا انسانه عمري 18 سنه ملجت تقريبا من 9 شهور على ولدعمي ,, كان توووب معاي الحمدالله
بالرغم من بعض الاشياء الصغيره اللي ماتنذكر اصلآ

المهم صارلي 9 شهور مالجه وللحين ماشفت المهرر !!
ماحسييت اني عروس ابد حتى خواته يوم يو الحفله قعددو وماتحركو والبوز شبرين
كل شي نحن دفعناه حتى حفله الملجه !
بالرغم من ان حالتهم الماديه ممتازززه جدا وبنفس مستوانا
لمحنا لهم لكن لاحيا لمن تنادي .. المهم نحن شايفين خير والحمدالله وموضوع الفلوس مب مشكله
مع انه شي من حقي وابسط حقوقي اني استلم المهرر واستانس فيه !

زوجي قبل السفر كان مايسافر ابدد والحين سافر تاايلاند وماقال انه مسافر تايلاند الى حقي
ورجع البلاد وماكمل شهر الا وبيرجع تايلاند مره ثانيه !!

وايد يدقق على الفلوسس والحساب ومرات توصل للتقصير يعني عمره مادخل علي بوررد او شي جذي
اكتشفت انه يدخخن مع انه محد يدري عن هالششي ,, وبالنسبه لصلاته هالشي ربي بيحاسبه مب انا

والحين يقول ماراح تكملين دراسه الا بعد سنه من الزواج مع ان انا شارطه عليه اني اكمل دراسه
ونفس الشي بالنسبه لليييسسن ,, ماشي ,,

يبيني دوم اكون بحاجه له ,,

دايما يقط كلام ويقول استانسي الحين بعدين بتشوفين شي ثاني بس على اسلوب المززح ,,
يحسسني اني انا اللي راح احتاااجه ,,واني بدون مااسوى شي
ودايما ييقدسس اهله ويسمع كلامهم بكل شي !!

واذا صارت بيننا مششكله ولاشي يقول ترى الحب عمره ماراح يكفي لاتتحرين اني ما اقدر اتخلى
عنج او هاذا يحبني يعني خلاااص .. لاحبيبتي غلطانه ,, :eh_s(2):

مع ان كنا عايشين بنفس البيت قبل الزواج الا ان محد كان يعرف هالشي عننه @!
وانا ما استعيلت لما وافقت قعدت 3 شهوور استخير وافكر زين لان الزواج عمره ما كان لعببه !
وهاذا مصيييرر شخصين ..

كلمت امي وابوي بالموضوع قالو اذا ماتبينه قولي دام انكم على البر وانتي بنت صغيره
واذا هو مايعرف قيمتج تراج عزيزه وغاليه علينا ويخسسي حد يذلج ولو شو ماكان

 

[Muhrah]

عن المهر قولي لابوج يقول لهم وين المهر ؟!البنت بتجهز عمرها ولا يهمونج لو عندج ملاين الدنيا بعد المهر حقج
وعند دراستج قولي لابوج يكلمه انتم متفقين على شيء محدد مب على هواه يبدله
والمفروض وقت قالج الحب مب كل شيء رديتي عليه لا تصيرين سهله له من البداية يتكلم ويقهرج ومن تسدين الفون تصيحين خلج واثقه من نفسج
واذا حسيتي ان كلش مابتتفقون والبخل رالفلوس تهمه اكثر منج انفصلي لكن عقب ماتستخيرين
البنت تتزوج حق تبداء حياه ترتاح فيها مب تييب لها الهم

 

[صعبه]

شخصيته غريبه واكره هالنووع يحب يفرض رايه و من كلامج شكله مو قد مسوؤليـه

احسسه كلام على طل يبييخوفج ويحسسج انه شخصيه وباين انه شـخصيته اصلا ضعيفه حلووه هذي لا تحسبين ماقدر استغنى عنج كلام يهاال اذا بدايتها جذي يننــععاف تاليها هو شكله بايع بس يبي العيبه تطلع منـج احس جذي

مع اني ماحب انصح بمواضيع مثل هذي
بس لازم لازم قبل لا يطيح الفاس بالراس

انتي قعدي مع نفسج وشوفي حسناته شنو يعني ايجابياته الزينه شنوو يستاهل انج تكمليين وانه كفوو يصير ابو لعياللج ؟

اذا حسيتي انه مايستاهل اتكمليـن معااه لا تكملين دامج عالبر وانتي توج صغيره ؟؟

 

[أسرار الجمال]

هذا من قبل الزواج يهدد ويسافر تايلاند ويدخن وهذا بس الي عرفتيه بعد الزواج شنو راح تكتشفين لا حييبتي فكري عدل واستخيري احسن بس المكتوب مبين من عنوانه وشوفي مواضيع المتزوجات عن السفر وترك الصلاة وبتعرفين شنو الاصلحلج

 

[hend6363]

بقولك شي و الله يرحم ولديج حطيه حلقة في ودنك
انتي نفس سني
بس انا يمكن عندي تجارب في الحياة و اعيش تجربة مثلج
لا تسويين خطءي
خلي كرامتك فوق كل شي خليه هو الي يجري وراك
اعطيه بس اخدي انتي كمان
لا تكونين غشيمة
و اهم شي ترا الي يحبج راح يسوي المستحيل عشان يبقي معاج
لا تسوين مثلي لا تصيرين مثلي ترا تصيرين مذلولة و كل يوم تبكين خوف انك يخليك و يروح بس الاني خليته اول اهتمام في حياتي و خليته مركز حياتي بلييز اخذي بنصيحتي
حبي نفسك حبي نفسك
بعدين عيلتك بعدين هو
لا تصيرين مثلي اسامح و اطوف بس عشان خايفة اخسره مع اني مامنة بالاعتقاد ان الي يحب راح يسوي المستحيل عشان يبقي معاي و ما يزعلني و ديما يراضيني بس مين الي يطبق

 

[سندس 90]

ااااااب



الله يفرج هممج

 

[هدوووشه]

كلمي ابووك يكلمه عالمهر مافيها شي !!


واذا ع انه يقدر يستغني عنك // ترا مبين انه مايثمن كلامه


الله يعينك

 

[Perfume]

شلون ملجتوا بدون المهر !!
المفروض يسلمه لج يوم الملجة

تفاهمي معاه انتي او ابوج
وحطي النقاط عالحروف

 

[شادن33]

لاتستعيلين ادرسيه اكثر طولي فتره الملجه

 

[Marshmallow ~]

واتخيلو يقولي ماشي شهر عسسل !!

ابوي حبيبي حده انقههر ,, والحين بنشوف شو بيصير

 

[رسيل المطيري]

يمكن بس كلاااام بيفرض شخصيته
المهر قولي له او امك او ابوك يكلموونه هو او اهله واضح انه ضعيف شخصيه
واذا قالك قرار انتي مو راضيه عنه مثل الدارسه نااقشيه بهدوء ولا تسكتين

واستــــــــخيري قبل اي قرار تاخذينه

والله يفرج عنك ويكتب لك الخير

 

[قاهره عذالي]

عمرج 18 سنه

والرجال مو زين معاج ومسافر تايلاند ويتهدد فيج انه يتخلى عنج وانه الحب ما يهمه

واهله مبوزين بالملجه

خلي سالفة المهر

اهم دام حددوا العرس غصب لازم يجيبون المهر


دام هذا اسلوبه وكلامه

لو مكانج اخليه يولي

انا لما كنت بالملجه غمضت عيوني عن اشياء ومشيتها وبعد الزواج طلعت على راسي وطلبت الطلاق ونحشت

انتي بنت صغيره عمرج 18 حرام تدخلين عليه وعقب يغثج ويكسف فيج وترجعين لاهلج مطلقه


تطلقي من الحين احسن دام هذا كلام

واللي هذا اوله ينعاف تاليه

 

[ReD&FoSHia]

اقرا كل سطر مثل الخنجر بقلب اي عروس
افضل شي اتقولين حق ابوج وامج انج مو مرتاحة
وشوفي سالفة المهر اشكرا قولي للريال وخلي امج اتقول لاهله بعد
ترا السالفة مصخت 9 اشهر ماشفنا مهر شنو بتيمعونه ولا شنو
وقولي اذا اسلوبك وياي الحين جذي باجر لي صرت عندك شتسوي فيني
اتسافر شهر واترد اتسافر شهر ثاني ؟؟؟


انتي صغيرة وشكلج خوافة
طبيعتج مو متاهلة للزواج بعد
لو مكانج ما اقبل
اقل مافيها المهر

 

[قاهره عذالي]

اقرا كل سطر مثل الخنجر بقلب اي عروس
افضل شي اتقولين حق ابوج وامج انج مو مرتاحة
وشوفي سالفة المهر اشكرا قولي للريال وخلي امج اتقول لاهله بعد
ترا السالفة مصخت 9 اشهر ماشفنا مهر شنو بتيمعونه ولا شنو
وقولي اذا اسلوبك وياي الحين جذي باجر لي صرت عندك شتسوي فيني
اتسافر شهر واترد اتسافر شهر ثاني ؟؟؟


انتي صغيرة وشكلج خوافة
طبيعتج مو متاهلة للزواج بعد
لو مكانج ما اقبل
اقل مافيها المهر

والمهر شنو بيسوي اذا هذا اسلوبه معاها ويتهدد

باجر ان صارت عنده شيسوي ؟

المفروض بالملجه يطلع احسن ماعنده

ويدللها
وكلامه يكون زين

مو يكششها منه ويتهددها

 

[أسرار الجمال]

لا ويقول ماكو شهر عسل يعني اهو شبعان سفر وانت بالطقاق عما بعينه

 

[Um Rashed]

للحين صغيره على الزوااج فكري ولا تستعيليين اذا من اولهاا جذي .....

 

[LOLETA]

لا من حقج تطلبين المهر
امج وابوج وييييييييييييين؟ هاذي مسؤولية على امج وابوج
بصراحة انتي طيبة زيادة حاولي من البداية لااتتنازلين

لانه الي يرخصج بالبداية رح يرخصج بالنهاية

بالتوفيق ان شالله

 

[طريق السعاده]

نصيحه اثبتي نفسك انا لو منك ماقدر استمر اذا ماتقدرين تواجهينه بالفون فالجوال اكتبي كل الي بخاطرك في ملاحظه او النوت ورتبي افكارك ولا تتغافلين عن ولا نقطه قولي له كل شيء ضايقك من يوم ملكتي لوقت كتابه الرساله واكتبي له فالواتس مساء الخير برسلك شيء مهم وضروري تقراه
بعدين انسخي كلامك الي مرتبته زين زين ومتاكده من كل كلمه كتبتيها وارسليه فالمحادثه
عقب قولي الكوره ف بملعبك انا انسانه بعدي باول حياتي وماعندي استعداد اعيش بمشاكل او مع واحد مغصوب علي مهر ماجاني ولا تعامل زي اي مخطوبين هذا وهي ايام خطبه اجل بعدين بعد المسؤوليات والضغوط وش بيكون الاسلوب !! اذا ماحطينا النقط ع الحروف الحين انا مستغنيه عن هالزواج والله يعوضني ويعوضك بالاحسن او ان كل شيء يتصلح من الحين يانستمر صح او نبطل هالزواج دامنا ع البر

ولما تكتبين لاتكونين خايفه او تهامجينه اكتبي بعقل وفكري كل كلمه بتكتبينها كوني قاصدتها

اذا ماتعدل صدقيني انتي صغيره وبيجيك الاحسن المهم كوني قويه وخليه يحس انك جاده وتتكلمين بثقه


هذي قصه من قصص الزواج من ولد العم الله المستعان اذا بنفس البيت متربين وهذي مفاجئاته :/


الله يكتب لك الخير حبيبتي وادعي واستخيري ربي بكل شيء وباين اهلك متعاونين الله يخليهم لك ف الباقي عليك انتي كوني قويه ولك كرامتك ولا تتنازلين عن شيء اشترطتيه بذات دراستك لانها هي سلاحك الوحيد بالدنيا .. والمهر مرح يفيدك دام هذي تصرفات الولد اول شوفي اذا بيتعدل او لا

 

[شــــــــــــــوقــــه]

اذا بعدج بنت وما دخل عليج

نحشي احسن دام اهلج عازينج و رازينج

 

[(حكاية قلب )]

,’
المفروض يستحون علي ويهم وين المهر !!
احسهم وايد حرصين علي فلوسهم
وخير ان شاء الله يسافر بلاد من غير مايقولج !!
لآ هاذي بداتيها ينعاف تاليها
بدالج انفصل احسن لي وانتي توج صغيرة كبري انتي
وبيلج الي آحسن منه ان شاء الله
..​