اتطلق ؟ مادام اني على البر ؟ ولا شسوي ؟

[الراكده_]

نصيحه انتي توج الصغيره وعلى البر والمهر قدر للمرأه مو سالفة محتاجه وراعي سفارات وزقاير وكلامه تافهه ومن الحين ينزل قدرج يعني لو تزوجتي شنو بتشوفين!!!! ودراستج انسي انسي توقفينها عزي نفسج وحطي شروطج وافرضي رايج غصب واخذي حقج وخل يحط لج هيبه هو واهله ولا تحملي اللي بتشوفينه والله يكتبلج الخير لا تسمحين لاحد يقلل من قدرج ولا تضحين بحقوقج ترا والله محد بيقدر .

 

[مناير ...!]

حرام بعدج صغيره

 

[مــســك]

كله كووم وسفرت تايلند كووم .!!


حبيبتي لازم تعرفين آخلاقه عدل .. انا مابحط بذمتي بس ليش سافر لتايلند ؟؟


وآستخيري مره ومرتين وثلاث ... وانتي قلتيها هذا زواااج مو لعب ..!!


والله يكتب فيه الخير ..


ومبين من كلامج انج من اهل الامارات .. ويآحبي لآهل الآمارات ورمستكم ..^_&

 

[زبــــــــدة]

يا حلو امج وابوج الله يخليهم لج ويحفظهم ...


سمعي كلامهم لان صج محد يعز البن غير بيت اهلها ...

والريال يروح وايي بداله عشر

اذا انتي مو مرتاحتله ﻻ تكملين وياه ..واذا تبينه الله يوفقج

استخيري وشوفي

 

[Tom ♥ Jerry]

,


شكووووووووو مآ يعطونج مهر من صجججج آنتي !
خلي كل السوالف بصووووب و سالفه المهر بصوووب
مآ يجووووز من شروط الزوآج بالاسلآم المهر !!!!

اهيه مو سالفه انج تبين فلوس و بس !
لا بس هاذا شرط ! و لآزم قبل الملجه أو بيوم الملجه يكون عندج
شلون باردين انتوآ جذي وين آمج وين ابوج :/
ليش مآ كلموهم بهالسالفة :/ اهمه يرضون يزوجون بنتهم بدون مهر
وين قاعدين آحنآ :×
صدمتيني و الله آول مره اسمع انه وحده تتزوج و يصير لها 9 شهور بدون مهـــــرررر




موفقه :/♥

 

[لوكي وكلي دلع]

انتي بنفسج قلتي للحين على البر وتوج 18 سنه صغيره
شلي يجبرج اتزوجينه عادي يرزقج بالي احسن
انتي بيتكم واهو بيتهم كله ملجه ورقه
حبيبتي اذا يسافر تايلند بالشهر مرتين واضح الانسان الي مو انضباطي
باجر توهقين وتدبسين اذا حملتي تخسرين عمرج عشان الياهل
وماراح يكون عندج خيار غير اتحملينه
حاليا الامور كله بيدج اذا مهر للحين ما عطوج بالملجه كل شي انتو سويتوو
ومبوزين ومالهم خلق الكتاب واضح من عنوانه وفوق هذا اهو في عيوب شيلي عمرج
ويدقق على الفلوس ليش اهو عطاج شي عشان يدقق عليه اذا البخل واضح قبل الزواج اصلا واضح البخل
من لما خلو كل شي عليكم بالملجه ومادفعو المهر وشايفه نفسه. بعد انحاشي بعمرج
والله يوفقج مع الاحسن يارب واستخيري الخيره بما اختاره الله ''' واذا قررتي تكملين معاه استخيري بين فتره وفتره مرتين عشر لما تقتنعين
وصدقيني اذا مافيه خير لج الله يبعده عن طريجج والله يوفقج

 

[Combat]

اقول حبيبتي خن نحسبها سوى
مهرج ماعطاج
ويتفلسف وشايف عمره انا اقدر استغني عنج ومادري شنو الحب مو كافي
ورايح تايلند الله اعلم مابحط بذمتي
والصلاة انتي تقولين بينه وبين ربه
ويدخن وحرييص على الفلوس
ويتشرط ماتكملين دراستج الابعدسنة !!!!
حبيبتي هذي السلبيات انتي كملي الايجابيات ووازني الموضوع

 

[الدلـــع كله]

اختبريه بالاول وشوفي عنه ..
يعني من ناحيه الفلوس طلعي جذبة اي شي بس شوفي عنه كريم ولا لأ
ومن ناحية المسؤولية فكري عطيه مهمه اي شي صعب شوفيه ينفذه
طبعن هذي نصايح مرت اخوي ياحليلها
اختبريه اذا ماطلع كفو اسحبي عليه توكم ع البر والحياة جدامج واستانسي

 

[الـ ج ــوري]

من كلامه يبين ان جاهل مو قد المسؤوليه وشايف نفسه وبخيل إتركيه بعدج صغيره ربي يعوضج أحسن منه

 

[Zinab BH]

حبيبتي خلج قوية الشخصية من الحين اذا تبين تكملين معاه ولا تخلين كلمته اهيا اللي تمشي خل يكون عندج راي و يشوارج بكل صغيرة وكبيرة بحياته وانتي لا تستكتين له وكلشي ولا البخل الواحد مايقدر يتعايش مع البخيل وعلى قولتج دامج على البر سووي اللي يريحج حبيبتي لان محد بيعيش هالحياة الا انتي واذا تحسين بتنظلمين اكسري الشر وتوج على البر

 

[أم علي الرفاعي]

خليه يولي

المفروض الحين بهالفترة
1000 من يتمناج
بالذات انج صغيرة 18 سنة

يبا الملجة كلها دلع

المفروض الحين طاير فيج

لا تخشين شي على اهلج
ترى والله يندمين
وباجر بيلومونج ليش خشيتي عنهم سالفة تايلند

خير ان شالله ... توج مالج ورايح تايلند ....؟؟؟

ماعندك مرة تستانس وياها وبالحلال
احنا بالملجة لازقين فينا
اصلا ماكان يطلع من عندي
و24 ساعة هياته انا وياه
(هذا الوضع الطبيعي لأي زوج طبيعي!!!!!!!!!!)

وييييييييييييييييييييييييييييييع لو انا منج اعوفه دام اني عالبر

قولي حق ابوج عن سالفة تايلند
وقوليله دام اني مو هامتكم انتو بعد ما تهموني

ولا تخافين من كلمة طلاق
هالكلمة اللي مخوفة البنات
ومخلية الرياييل بمركز قوة

فلي السالفة دام انه ما دخل عليج

وخلي بوز اهله ينفعه !!!!!!!!

 

[الشهد كله]

عمرج 18 سنه

والرجال مو زين معاج ومسافر تايلاند ويتهدد فيج انه يتخلى عنج وانه الحب ما يهمه

واهله مبوزين بالملجه

خلي سالفة المهر

اهم دام حددوا العرس غصب لازم يجيبون المهر


دام هذا اسلوبه وكلامه

لو مكانج اخليه يولي

انا لما كنت بالملجه غمضت عيوني عن اشياء ومشيتها وبعد الزواج طلعت على راسي وطلبت الطلاق ونحشت

انتي بنت صغيره عمرج 18 حرام تدخلين عليه وعقب يغثج ويكسف فيج وترجعين لاهلج مطلقه


تطلقي من الحين احسن دام هذا كلام

واللي هذا اوله ينعاف تاليه

( وانا مجربه اني اخذ غرب ومو من ثوبي واخر شي طلاق

ولد العم لو مليون عذروب تحملينه

احسن من الغريب اللي ماتدرين وش تطيحين عليه )





اشلون تتطلق وهو ولد عمها ولازم تتحمله وأفضل لها من الغريب


مو هذا ردج على مزيونة الخبر

ولا الوضع تغير في نظرج الحين ؟؟؟؟؟؟؟؟؟؟؟؟؟؟

مع إن مزيونة الخبر عارفة ولد عمها مو كفو زواج بس

أصريتي إنه أفضل لها من الغريب بغض النظر عن أصله وفصله

 

[pusy cat]

كل اللي قلتيه شغلات عاديه

بس ما فهمت سالفة الصلاة يعني مايصلي ؟؟

اشلون مالج شغل هالشي بينه وبين ربه حبيبتي هذا اذا ماخاف من ربه ماراح يخاف الله فيج


الصلاة اهم شي اذا متأكده انه مايصلي معناته انه انسان فاسد وقلبه فاسد

اذا مايصلي وتدرين انه مايصلي تطلقي منه

 

[فاقده ابوهاااا]

لو قاريه هالموضوع من قبل بقولج استحملي وطوفي ومو كل شي الفلوس بس بعد تجربتي بالحياه الريال ما ينعطى ويه كثر ما عطيتيه يبي زياده واذا تنازلتي عن حقوقج في بدايه زواجج راح تتنازلين عن كل شي وبالنهايه انتي خسرتي حياتج وكل شي حلو فيها
خلج من البدايه صارمه مع زوجج وحقج اخذيه

 

[قاهره عذالي]

( وانا مجربه اني اخذ غرب ومو من ثوبي واخر شي طلاق

ولد العم لو مليون عذروب تحملينه

احسن من الغريب اللي ماتدرين وش تطيحين عليه )





اشلون تتطلق وهو ولد عمها ولازم تتحمله وأفضل لها من الغريب


مو هذا ردج على مزيونة الخبر

ولا الوضع تغير في نظرج الحين ؟؟؟؟؟؟؟؟؟؟؟؟؟؟

مع إن مزيونة الخبر عارفة ولد عمها مو كفو زواج بس

أصريتي إنه أفضل لها من الغريب بغض النظر عن أصله وفصله

ايه

لكل مقام مقال

هي زوجها مو زين معاها بالملجه واهله موبزين بالملجه ويتهدد

ليش تدش وتبهذل

18 سنه عمرها مو 28 نفس مزيونه

يعني اللي ما ترتاح بالملجه تطلق احسن

باط جبدج ردي

ردي لمزيونه لان ولد عمها يبيها وهي ما قالت عذاريبه ولا قالت انه مو كفو زواج بس راغب فيها



وبعدين انتي ما تحاسبيني على ردودي وتتبعين وراي كل رد وتحفظينه وتجين تنسخينه


ترا مافي شي قاعده بالحياة

ومافي شي ينطبق على كل الحالات


لهدرجه هامتج ردودي ومأثره فيج


انا انصح اي وحده ما ترتاح بفترة الملجه من زوجها تتركه احسن دام تسمع وتشوف تصرفات مو حلوه

انا اقصد ان ولد العم الوحده اذا خلاص تزوجته وصار ابو عيالها تحمله احسن لها دام طاح الفاس بالراس

اما اذا ملجه ومو مرتاحه خلاااص تفك احسن

 

[حبيبي مالكني]

شوفي حبيبتي
انتي حددي كل مطالبج
دامج على البر وخلي ابوج يكلم ولد عمج
لا تتنازلين ولا عن اي حق او مطلب انتي تبينه
وشوفي ولد عمج شنو يقول اذا وافق اهو شاريج اذا لا
دامج على البر وتوج صغيرة الانفصال هو الحل الانسب لج
والله يوفقج يارب

 

[الشهد كله]

ايه

لكل مقام مقال

هي زوجها مو زين معاها بالملجه واهله موبزين بالملجه ويتهدد

ليش تدش وتبهذل

18 سنه عمرها مو 28 نفس مزيونه

يعني اللي ما ترتاح بالملجه تطلق احسن

باط جبدج ردي

ردي لمزيونه لان ولد عمها يبيها وهي ما قالت عذاريبه ولا قالت انه مو كفو زواج بس راغب فيها



وبعدين انتي ما تحاسبيني على ردودي وتتبعين وراي كل رد وتحفظينه وتجين تنسخينه


ترا مافي شي قاعده بالحياة

ومافي شي ينطبق على كل الحالات


لهدرجه هامتج ردودي ومأثره فيج


انا انصح اي وحده ما ترتاح بفترة الملجه من زوجها تتركه احسن دام تسمع وتشوف تصرفات مو حلوه

انا اقصد ان ولد العم الوحده اذا خلاص تزوجته وصار ابو عيالها تحمله احسن لها دام طاح الفاس بالراس

اما اذا ملجه ومو مرتاحه خلاااص تفك احسن

حبيبة قلبي آنا مو قاعدة ألاحق ردودج ولا همتني ردودج

آنا توني قريت الموضوعين وقريت الردود كلها


بس اللي فهمته منج إنه تاخذ ولد عمها

وطبعاً فترة الملجة لازم يصير سمنة على عسل وياها

وعقب العرس يقلب عليها حزتها لازم تتحمله غصباً عليها لأن وراها عيال صح

أما إنها ترفضه بالخطبة لأنها عارفته مو زين لأ ما يصير لا زم تتدبس فيه

والله لو عمري 50 وانا عارفة إن ولد عمي ما يستاهلني ما

أتزوجه ، وعساني ما تزوجت !!!!!!


وبالنسبة لصاحبة الموضوع اللي نصحتيها تتركه سواء

بالملجة أو بعد العرس أو بعد العيال جذيه جذيه اسمها مطلقة


الله المستعان ​

 

[نـعـومـه]

بصراحه شي موطبيعي مايعطونج مهر وين قاعدين

ويهدد بتركج

وعيوبه وايد بصراحه بس استخيري وانا اشوف الحل الاول ابوج يكلمه عن كل هالشغلات مافاد انفصلي احسن

 

[قاهره عذالي]

حبيبة قلبي آنا مو قاعدة ألاحق ردودج ولا همتني ردودج

آنا توني قريت الموضوعين وقريت الردود كلها


بس اللي فهمته منج إنه تاخذ ولد عمها

وطبعاً فترة الملجة لازم يصير سمنة على عسل وياها

وعقب العرس يقلب عليها حزتها لازم تتحمله غصباً عليها لأن وراها عيال صح

أما إنها ترفضه بالخطبة لأنها عارفته مو زين لأ ما يصير لا زم تتدبس فيه

والله لو عمري 50 وانا عارفة إن ولد عمي ما يستاهلني ما

أتزوجه ، وعساني ما تزوجت !!!!!!


وبالنسبة لصاحبة الموضوع اللي نصحتيها تتركه سواء

بالملجة أو بعد العرس أو بعد العيال جذيه جذيه اسمها مطلقة


الله المستعان ​

مطلقه قبل الدخول للحينها بنت بكر ما تزوجت فعليا

تفرق عن مطلقه بعد الدخول

واذا طلاق ملجه يعني صوري

هي اللي رابطها معاه ورقه وبس

لا في عشره ولا بيت ولا ايام

انا وضحت فكرتي وانتي مصره تفهمينها بطريقه سلبيه

لو مزيونه قايله صفات مفهمتنا ليش الرفض اما تقول بس ولد عمي وعذرايب وخلاص ماكو توضيح

هو مافي رجال خالي من العذاريب

واذا في ناس متاكده انهم مو زينين سواء قراب والا بعاد

حلو تكشفينهم بالملجه او الخطبه وتتركينهم احسن من ما خلاص يتم الموضوع وتطيح الفاس بالراس

معاج لو ولد عمج وتدرين بعذاريبه انه مايصلح لا تاخذينه بس ان حصل زواج وما تدرين عن هالعذاريب وطلعت لج شخصيه جديده

مافي شي جبر

بس جان تبين تصبرين عادي اما غريب وتصبرين عليه صعبه

الغريب اما يعزج او خليه يولي

هذي وجهة نظري وانتي مو ملزومه تقتنعين

 

[الشهد كله]

مطلقه قبل الدخول للحينها بنت بكر ما تزوجت فعليا

تفرق عن مطلقه بعد الدخول

واذا طلاق ملجه يعني صوري

هي اللي رابطها معاه ورقه وبس

لا في عشره ولا بيت ولا ايام

انا وضحت فكرتي وانتي مصره تفهمينها بطريقه سلبيه

لو مزيونه قايله صفات مفهمتنا ليش الرفض اما تقول بس ولد عمي وعذرايب وخلاص ماكو توضيح

هو مافي رجال خالي من العذاريب

واذا في ناس متاكده انهم مو زينين سواء قراب والا بعاد

حلو تكشفينهم بالملجه او الخطبه وتتركينهم احسن من ما خلاص يتم الموضوع وتطيح الفاس بالراس

معاج لو ولد عمج وتدرين بعذاريبه انه مايصلح لا تاخذينه بس ان حصل زواج وما تدرين عن هالعذاريب وطلعت لج شخصيه جديده

مافي شي جبر

بس جان تبين تصبرين عادي اما غريب وتصبرين عليه صعبه

الغريب اما يعزج او خليه يولي

هذي وجهة نظري وانتي مو ملزومه تقتنعين

ترضين تزوجين ولدج واحدة مطلقة من ملجة بدون دخول ؟؟؟؟؟؟؟؟؟؟؟؟؟


بعدين البنت مقتنعة إن ولد عمها ما يستاهلها بدون ما تقولج شنو عيوبه

كلش ماله داعي تعرفين !!!!!!!!​