اتكلم ولا اسكت ؟؟

[ShoO8ShoO8]

مرحبا بنات


عندي مشكله حيل محتاره فيها


بنات انا وحده من جماعتنا القراب حيل صغيره عمرها 18
تكلم واحد وانا ادري من زمان عنها بس هي ما تدري اني ادري عنها

سكت وقلت مراهقه وبتنسى
بس اشوف الموضوع قاعد يكبر حيل لدرجه انها صارت تطلع معاه وتقط عبايتها وتصور معاه طبعا اخبارها توصلني عن طريق رفيجتها الخاصه


وانا يابنات وربي حاسه بضيقه عشانها اخاف يصير فيها شي


ودي اقول حق امها بس اخاف ما تصدقني والبنت اكيد بتلف ودور على امها وبطلعني غلطانه
والام معطيه البنت حريه وماتدري عن بلاوي بنتها


تكفون انصحوني شنو اقدر اسوي

اتكلم ولا اسكت ؟؟

 

[Tom ♥ Jerry]

.


كلميها اهيه و نصحيها
امها لا تقولين لها !!


خلج وراها وراها بالنصيحه على طول نصحيها
الله يهديها يارب

 

[اميره1980]

شي ما شفتيه بعينج شلون تصدقينه ؟؟
و هذي رفيجتها الخاصة لو كانت فعلا تحبها ما افضحتها عندج و عند غيرج
سكتي احسن دام ما عندج دليل قوي على صحة هالحجي
و لا تظلمين الناس حرام

 

[am faisal]

باللعنة اللى تلعنها
ابتعدى عنها صدقينى
بنات هالوقت ينخاف منهم
اختى عندها بنت حماتها وطاقة الصحبة مع اختى وقالتلها اخذيلى خط لما كانو بالسوق وتقول كسرت خاطرى وتونى بالف بالسيارة طفت اللفة وقلت تاخرنا خليها يوم ثانى
الا بعد كم اسبوع صايرة سالفة شكبرها وربى نجانى من الفضيحة
طلع واحد من العايلة شاك فيها وخذا تلفون اللى شاك انة يكلمها ولقا الرقم وطلع مطلعة باسم امها وامها ما تدرى وعرف ودق على ابوها وخوانها يقول عقلو بنتكم
فضحتنا بس لو طلع الخط باسم اختى يمكن دق على زوجها وصارت فضيحة وتطلقت
والسبة بنات ام 18 على قولتج
هذولا امهات اربعة واربعين
لا يحوشج
ابعدى عن الشر وغنيلة

 

[رهوفه عرعر]

الساكت عن الحق شيطان اخرس اتصرفي تقربي منها

 

[ShoO8ShoO8]

شي ما شفتيه بعينج شلون تصدقينه ؟؟
و هذي رفيجتها الخاصة لو كانت فعلا تحبها ما افضحتها عندج و عند غيرج
سكتي احسن دام ما عندج دليل قوي على صحة هالحجي
و لا تظلمين الناس حرام

انها تكلم الولد هالشي انا ادري عنه ومتاكده
والصور اللي شفتها رفيجتها ورفيجتها بنت خالي يعني واثقه وقالت لي وقالت انا بكلم امها وانا قلت لها لا تكلمين خليني انا اتصرف
وماتكلمت عند احد غيري ولما تكلمت وقالت لي كانت حيل خايفه عليها

وصدقيني لو كنت شاكه بـ 1% انها ممكن تبله عليها ماتلقيني احاول اساعدها

 

[ShoO8ShoO8]

مشكورين لكل البنات اللي ردوا

ودي اكلمها بس المشكله اخاف تقلب السالفه علي

ومرات ودي اقول حق امي وهي تتصرف لانه هي حيل مع ام البنت

 

[كيكه توفي]

مادري بس انا لو مكانج اسكت ومالي شغل ليش ادخل نفسي بسوالف كل واحد عليه من نفسه وبس

 

[نونه المنكوشه]

لاتسببين ع البنيه مالج شغل فيها عندها اهل يربونها وقولى حق بنت خالج اللى اهيا رفيجتها تنصحها واذا ماعقلت اتفج عنها وذنبها ع جنبها

 

[سمو ذاااتي]

نصيحها اهي وادعيلها بالهدايه والستر

الموضوع صعب شوي ويمكن تقلبه عليج ولا تقول انج تبلين عليها وطلعج بالشينه اذ كلمتي اهلها

 

[مياسه الحساسه]

الله يستر عليها وعلينا وعلى بنات المسلمين
خلي رفيجاتها ينصحونها ..هم اقرب لهاا
وادعيلهاا

 

[تامي العسل]

انا رايي من راي بعض الاخوات كلمي البنت ونصحيها .. بتاخذي أجر من وراها وبتنقذيها من الضياع والله ... فهالعمر البنات في منهن ما محصلات حد ينصحهن ... توكلي على الله وربي يوفقج حبيبتي ...

 

[كسرنى الهم]

حبيبتى جلسي معاها ايذا علاقتج معاها حلوه
وحاولى تقولين لها ترى فيه ناس شاكين او عارفين انتبهى لا يوصل حق اهلج الكلام
ايذا صج ابتعدى وقوليلي وصديقنى راح نحل المشكله بسكات وبدون ماحد يدرى وعشان مايوصل حق اهلج
يعنى عطيها تهديدات وشرط بتخاف وبتقولج وتقدرين تحلين معاها المشكله الله يستر على البنات يارب

 

[granted]

دزي لها مسجات انج بتفضحينها وانج تدرين بعلاقتها وبتقلبين الاولي والتالي وتنشرين صورها بالنت وتوصلينهم لابوها واخوانها
وان هالي تطلع معاه طالع مع عشره غيرها
تهديد اعتقد ينفع

 

[بحرانيـه]

دزي لها مسجات انج بتفضحينها وانج تدرين بعلاقتها وبتقلبين الاولي والتالي وتنشرين صورها بالنت وتوصلينهم لابوها واخوانها
وان هالي تطلع معاه طالع مع عشره غيرها
تهديد اعتقد ينفع

ههههههههههههه لا والله خوش شي من رايي البنت اذا اوك علاقتج فيها وتحسينها حبوبة كلميها اذا لا مالج شغل الله يتكفل بالعباد واذا كلش غايصة بجبدج السالفة سوي نفس ماقالت هذي لووووووووووول

 

[قموووره]

انا اقول اذا قلتي لامها الام ماراح ترضى على بنتها هالكلام وممكن يطلعونج جذابه وراح تدخلين نفسج في مشاكل
والبنت انتي ماتدرين الاكلام اكيد او لا ؟؟؟ وسواء كان اي ولا لا .. لا تتوقعين انها راح تعترف لج فيه
انا اقول نصحيها بشكل غير مباشر يعني جنج توصلين لها رساله بشكل غير مباشر والله يهديها ياعيوني​

 

[قموووره]

انك لا تهدي من احببت ولكن الله يهدي من يشاء​

 

[عادت ذكرياتي]

آنا ضد إنج تقولين لأمها

وضد تهديد البنت لأن أسلوب التهديد ما راح يفيد مع المراهقات ويمكن تصر وتعاند هذا رايي


آنا انصحج تدزين لها مسجات عن الهداية وشلون إن العلاقة المحرمة بين الجنسين لها أضرار يعني اهم شي بطريقة غير مباشرة أفضل شي ...


وادعي لها


في حديث بما في المعنى ((( دعوة المرء المسلم لاخيه في ظهر الغيب مستجابة )))


والله يهديها يارب ويبعدها عن الحرام ....

 

[راقية بذوقها]

الله يهديها انا اذا البنت تهمني اكييد بنصحها لو اعرف عنها شي الله يعينك

 

[دلوعة أبوهآ]

كلميهآ وآنصحيهآ ..