اتكلم ولا اسكت ؟؟

[g6wa>]

شووفي حبيبتي اذا انتي حاسه انه امها ماترضى بالغلط وام دينه كلمي امج اتكلم امها واذا ماتقدرين انا من رايي اذا واعدته روحي للمكان الي اهيا في وصوريها فيديو هي وياه قبل لا اتسوين اي شي وبعدين روحي لها وهدديها وانصحيها وقولي لها ماكو ريال يتزوج بنت بهالطريقه لاتعيش باحلام مثل الافلام لان فعلا بهالزمن مااااااافيي احد يتزوج بنت يكلمها اصلا قاعد يقزرها عليها مني لين يتزوج ويعطيها بمبه يدووس عليها مثل الزقاره وقولي لها اذا ماتركتيه ترا الفيديو بيندز حق امج وترا راح اعرف اذا هديتيه والا لا​

 

[g6wa>]

لان هالاشكال ماينفع معاها الا التهديد والقرص ماينفع تجينها وانتي مو ماسكه عليها ممسك​

 

[بحرانيـه]

لا تكبرون السالفة يجوز يحبون بعض لاتتهمون الولد بسرعه قلتو يلعب ويقطها هدو هدو شوي سويتوها فلم كلمي الولد احسن شي وقولي له انج تصيرين لها مع اني اجوف حركة غبية او خلي البنت تفتح لج قلبها وتكلمين الولد لان مثل ماقلتي عمرها 18 يعني ياهل يمكن خايف تروح منه البنت شدراكم انتو بس لوووووووووووول

 

[قمر بيت أبوها]

اخاف اقول تكلمي تتبلاك البنت ولاامها تتهمك الناس هالزمن يقطون وصاختهم علي الناس
واخاف اقول اسكتي واخذ اثمها بكلمتي هذي
لمحي لها وقطي بدون كلام مباشر
ولا خلي احد ثقه من اهلها يكلم امها من غير مايجيب طاري لك نهائي
الله يستر علي اعراض المسلمين

 

[Tulips]

قولي حق امها صدقت كان بها ماصدقت ماتشوف شر اهي وبنتها

انتي اللي عليج سويه بس علشان ضميرج يرتاح ومايأنبج

الباقي على امها

 

[ندى الذكرى]

استري عليها وادعيلها باهدايه
واذا قدرت تنصحينها يكون احسن
عشان تبرين ذمتك
وشي ما شفتيه بعينك لا تصدقينه ميه بالميه
ترى يمكن البنت تهول شوي
وانتي ما تدرين عن الناس
الله يهديها ويستر عليها
ويستر عليك بالي تحبين

 

[اوبالز]

انها تكلم الولد هالشي انا ادري عنه ومتاكده
والصور اللي شفتها رفيجتها ورفيجتها بنت خالي يعني واثقه وقالت لي وقالت انا بكلم امها وانا قلت لها لا تكلمين خليني انا اتصرف
وماتكلمت عند احد غيري ولما تكلمت وقالت لي كانت حيل خايفه عليها

وصدقيني لو كنت شاكه بـ 1% انها ممكن تبله عليها ماتلقيني احاول اساعدها

مكن ردي غريب شوي البنت قالتلج بتقول لام البنت وانتي رفضتي ليش ماخليتيها تتصرف بعيد عنج؟
والحين انتي محتاره تدورين حل وانتي ماشفتي بعينج مجرد كلام منقول !!!!
يعني لو يسئلونج عن المصدر من وين ؟؟؟يمكن الي قالت لج تنكر وتطيح براسج خاصتا انها رفيجتها
هذي مسؤليه الي شاف وسمع مو مسؤليتج انتي

 

[دآنة آلرشآيده]

يمكن مو صج وهالبنت تطلع عنها حجي
واجهيهم وتاكدي

 

[الفراشة 90]

هالزمن محد يتقبل نصاايح
وان درت البنت ان انتي متكلمه يمكن تطلع عليج سووالف وتسبب لج مشاكل انتي في غنه عنها
وعمرها 18 مب ياهل تفهم وعاقله مب توها ام 13 سنه حق احد يقص عليها

احسن حل اختي سكتي ولا جنج جفتي ولا سمعتي

 

[تبيني آرضى عليك]

لامحي للبنت بشكل غير مباشر
اما تقولين لامهااااا لا لا

 

[* ليــــدي *]

إبعد عن الشر وغني له

 

[لقيمات وزلابيا]

النصيحة ضرورية في هذي الحالة لكنها دايما ثقيلة ومن الصعب تقبلها فما بالك ان كانت لمن بمثل عمر هذي البنت
بس لازم اللي ينصحها شخص قريب منها وتتقبل منه ولايكون باسلوب التهديد لانها اكيد بتعاند
وشكل الام مهيتة بنتها وماتدري عنها ومعطيتها الثقة الكاملة فما اظن ان فكرة ابلاغ الام صحيحة ممكن تتعقد السالفة مثل ماقالوا بعض الاخوات وانت تنضرين
رأيي البنت تحتاج من يسمع لها ويحسسها بالحنان والاهتمام اكيد مالقته بالبيت فراحت تدور عليه بمكان ثاني

 

[Patcholli]

مادري والله ماله داعي الفضايح كلميها ونصحيها وحاولي تفتحين عيون امها بس بصوره غير مباشره

 

[dalo0oa121]

ابعدي عنها لاتخربج انتي بعد
​

 

[اوراد الحلوة]

شوفي حبيبتي قولي حق بنت خالج تقول لها
اذا الولد شاريج خليه يخطبج واذا قاعد يلعب عليها خل تتركه
وادعي لها بالهدايه

 

[تناهيدالحياه]

خليك بعيد عنها حبيبتي بكره لوكبرت السالفه الله لايقدر بتشربكك فيها