اتهقون صرت مريضه بسببهم

[جلكسيه اس 3]

السلام عليكم و رحمة الله و بركاته

بنات انا شاكه ان السلاحف يابولي مرض

حاليا بلاعيمي اتعورني و م ن جم يوم اشوف اذوني و خدودي اشوي محمرين و دافين
و بلعومي يعورني حيل مو شويه
مع العلم اني ما امرض و ما يحوش بلاعيمي شي
الا وين و وين
و صارلي يومين اشرب عصير برتقال
يروح العوار و يرجع

 

[r0007]

ماتشوفين شر حبيبتي
انا كان عندنا سلاحف وما صار شي ابدا
اعتقد تتكلمين عن السلاحف المائيه
المهم اعتقد هذا وسواس خناس ماعليج شر
بس يمكن من الجو لان الحين الجو يتغير يصير بين بارد الى صقيع

 

[بتبوتااا]

لا حوبي شكوو الي فيج التهاب ابلعومج او اذونج والحين وايد ناس جذي من الجو وعشان لا توسوسين لبسي كمام ودس وانتي تشيلينهم

 

[VET-Nour]

مو من السلآحف ,, من البررد

 

[Ańwăr Almlěssờń]

توا بداء الشتا و البرد و السلاحف مالهم شغل

و اي حيوان تربينه دام بيئته نظيفه مستحيل اييج منه مرض

و ما تشوفين شر

 

[7alom]

بالبداية ما تشوفين شر ،،، روحي الطبيب ومثل ما قالوا ما اعتقد من السلاحف لاني ربيت شكثر سلاحف وكنت انظفهم والعب معاهم ما صار فيني شي مع العلم ان مناعني حيل ضعيفة

لبسي كمام ودسوس ليمن تتعاملين معاهم وشوفي ان صار فيج شي ولا لا

 

[غزلان-2]

سلامتج روحي الطبيب وبلعووووومج اكيد فيج التهاب
اخذيلج مضاد حيوي قوي وانشالله تطيبين لان التهاب البلعوم لاااازم مضاد حيوي زين وقوي ولا راح تتعبين يروح ويرد لج
-----قبل لاتلمسين السلاحف لبسي دسوس وقايه ----

 

[ربي رجوتك]

مساكين
اللى فيك اكيد من تقلب الجو