اجهضتي؟؟تعالي قوليلنا تجربتج ونصايحج للحوامل

[ككوته]

السلام عليكم ورحمه الله وبركاته
خواتي المجهضات عسى ربي يعوضكم ويرزقكم الذريه الصالحه وان شاء الله عيالكم ينطرونكم عند باب الجنه يااارب

حبيبتي المجهضه ياريت لو تقولين لنا سبب اجهاضج وشنو نصايحج حق الحوامل وبالذات البجريات
وعسى ربي يعوضج ويرزقج يااارب وشنو الاعراض الي حاشتج ياليت لو تفيدينا
انا وايد اسمع بنات اجهضو بالخامس او الرابع او حتى بالبدايه بس مايذكرون الاسباب احنا نبي نعرف السبب للافاده

ان شاء الله الله يعوض الي اجهضت يارب ويرزق الي ماحملت ويتمم على الحامل

ناطره ردودكم

 

[Model Look]

اختي اجهضت بالشهر السادس وماكو سبب سألنا الدكتوره قالت مافيه شي واضح

صديقتي بالتاسع ياها طلق واهي بالبيت انفصلت المشيمه من الياهل وتوفى ببطنها وراحت المستشفى ولدوها

 

[فديت سالم]

هلا حبيبتي
انا اجهضت بشهر ونص بعد رحلة علاج مدتها سنتين وفرحت بحملي حييييييييييييييييل وبكييييييت لما تبشرت بحملي
المهم من حللت بدت معاي التهابات ورحت للعدان الله يسامحهم قلتلهم اني حامل وفيني التهاب اصرفوا لي تحاميل والله والله من حطيت اول بدئ النزيف وانا قلتلهم توني بأول شهر قالي عاادي الدكتور الله يسامحه ،، وبدئ النزيف يزداد وتوقف نموه ولما رحت مستشفئ خااص قالتلي التحميله فتحت عنق الرحم بكييييييييييييت ماني قادره اتخيل شلوون سقطت نفسي بنفسي الله يسااااامحه الدكتوور ،،،
بس قلت بيني وبين نفسي
الله عطا والله اخذ والله كريم والحين لي تقريبا سنه اتمنئ واتشفق الحمل وادعي بالليل والناس عسئ الله يرزقني ويرزق كل من يتمنئ الحمل يااااارب

 

[Ga6waah83]

هلا حبيبتي
انا اجهضت بالاسبوع الثاني لا اساسا حملي كان حيل ضعيف
والدكتوره قالت لي لازم ترتاحين وماتبذلين جهد وتوقفون جماع لمده ٣ اسابيع
وقفنا جماع بس انا اللي يهديني قمت اسفط الملابس واحط بالكتب واقول اي هذي الشغله ماتعب واسويها وانا قاعده
وانظف اهني واهني والظاهر عشان جذي طاح
وهم ما ادري اذا له علاقه نفسيه لان فتره حملي ريلي راح العمره بالسياره وكنت حييل حيييل خايفه عليه لان اول مره من تزوجنا يسافر ويخليني
سبحان الله اول مارجع الصبح الظهر طاح
مسكين يقول الظاهر ناطرني اييي عشان يطيح انا اقول يمكن من لمحاتات مادري
الحمدلله على كل حال واحنا تونا معاريس والله يعوضنا ان شاءالله

 

[Ga6waah83]

هلا حبيبتي
انا اجهضت بالاسبوع الثاني لا اساسا حملي كان حيل ضعيف
والدكتوره قالت لي لازم ترتاحين وماتبذلين جهد وتوقفون جماع لمده 3 اسابيع
وقفنا جماع بس انا اللي يهديني قمت اسفط الملابس واحط بالكتب واقول اي هذي الشغله ماتعب واسويها وانا قاعده
وانظف اهني واهني والظاهر عشان جذي طاح
وهم ما ادري اذا له علاقه نفسيه لان فتره حملي ريلي راح العمره بالسياره وكنت حييل حيييل خايفه عليه لان اول مره من تزوجنا يسافر ويخليني
سبحان الله اول مارجع الصبح الظهر طاح
مسكين يقول الظاهر ناطرني اييي عشان يطيح انا اقول يمكن من لمحاتات مادري
الحمدلله على كل حال واحنا تونا معاريس والله يعوضنا ان شاءالله

 

[@ديومه@]

وعليكم السلام
حبيبتي انا أجهضت بأول أسبوع. بالثالث
وأول مراجعه لي قالي الدكتور جنين مشوه وراح ينزل من نفسه ومانزل
وغيرت دكتوري وقالي كيس بدون جنين.
ورحت مستشفئ الفروانيه وسويت عملية تنظيفات
وهذا. انا أدور الحمل صار لي 3 شهور وماكو حمل
االله يرزقنا يارب.

 

[rana91]

مرحباً
انا أجهضت بالأسبوع. السابع تقريبا و السبب كنت اخذ حبوب من ٦ شهور قبل الحمل
تخيلوووو كثير مفعول الحبوب قوي
بس الحمد لله بعد ٥ شهور حملت
نصيحتي انك ما تحملي ع طول يعنى بعد ثلاث شهور ع الاقل من الإجهاض

 

[الدكتورة سلام]

انا اجهضت بشهر ونص حيل زعلت والسبب اني اطبق في المستشفى ولا كنت منتبهة اني حامل لانه توني متزوجة ولاحطيت في بالي ان يمكن يكون حمل

 

[الغلا مشاري]

السلام عليكم....
انا توني مجهضه بالشهر الثالث ما أدري شنو السبب فجأه جاني مغص ونزفت وطاح
والحمدلله ع كل حال وربي يعوضنا بالأحسن ..
..
....عندي سؤال .. الحين لي 3ايام مجهضه كم المده وخلص من المفاس وعوار البطن والظهر
اهو نفس النفاس الولاده الطبيعيه ولا ؟؟

 

[الغلا مشاري]

السلام عليكم....
انا توني مجهضه بالشهر الثالث ما أدري شنو السبب فجأه جاني مغص ونزفت وطاح
والحمدلله ع كل حال وربي يعوضنا بالأحسن ..
..
....عندي سؤال .. الحين لي 3ايام مجهضه كم المده وخلص من المفاس وعوار البطن والظهر
اهو نفس النفاس الولاده الطبيعيه ولا ؟؟

 

[ككوته]

مودل لوك الله يعوض اختج وصديقتج يارب اكيد كان شي صعب لان البيبي كبير اشوي والي زهبت الله يصبرهم ياارب

 

[ككوته]

فديت سالم ياحياتي انتي انا بعد حملت بعد علاج وسنتين والحمد الله حملت الله يتممه على خير ويعوضج ياربي ويسامح الدكتور الي صرف هالتحاميل

 

[ككوته]

قطوه حبيبتي فعلا النفسيه تاثر انا امي اجهضت والسبه الخوف والمحاتات الله يعوضج ان شاءالله ويرزقج يااارب

 

[ككوته]

ديومه حبيبت قلبي وعسى ان تكرهو شيئا وهو خير لكم الحمد الله عسى ربي يرزقج بالطفل السليم ياارب

 

[ككوته]

رناه الف مبروك ياربي عسى الله يتمم عليج ويحفظه لج ان شاء الله ممكن تقولين لنا شنو هالحبوب والدكتور الي راجعتي عنده مامنعج منهم ؟؟ لان معروف الحامل بالول الاشهر مايعطونها غير نوع معين من الفيتامينات والحبوب

 

[ككوته]

الدكتوره سلام حبيبتي وايد بنات نفسج ويجهضون والسبه ان مو عارفين انهم حمل حبيبتي المره اليايه انتبهي على روحج ولاحظي نفسج ان شاء الله يرزقج ويثبته لج

 

[ككوته]

الغلا مشاري ياقلبي معضه ان شاء الله وبخصوص سؤالج انا ما اعرف بس اعتقد لمن يوقف الدم ان شاء الله البنات بيفيدونج


مشكووورين حبيبتاتي على ردودكم وتجاوبكم وان شاء الله تبشروني بحمالكم من بعد التجربه الصعبه وكله بميزان اعمالنا

 

[عبره]

انا اجهضت ب 16 جولاي
وكان السبب كيس بدون جنين
سبحان الله ..
وليما الحين ماحملت
الله يرزقنا جميعا ..

 

[ككوته]

الله يرزقج حبيبتي عبره
مرت حماي نفس الحاله وهم اجهضت
الله يعوضكم يارب

 

[mi corazon]

بسم الله الرحمن الرحيم

" وَنُقِرُّ فِي الْأَرْحَامِ مَا نَشَاءُ إِلَى أَجَلٍ مُسَمّىً"

الحمد لله على كل الأحوال .. أسقطت في الشهر الخامس وكان تااااام الخلق الحمد لله

السبب السريع والمباشر عند الاطباء هو ضعف عنق الرحم

لكن حبيباتي في انوااااع عديده من التحاليل تعتمد التاريخ المرضي للام الحامل

منها الوراثي والجيني واللي يعتمد عالكروموسومات

ومنها الحيوي واللي غالبا يرجعون توسع عنق الرحم والولادة المبكرة للالتهابات انا كنت أعاني من افرازات لكن كانوا يقولون لي طبيعي افرازات بالحمل اذا كانت بدون ريحه ولا لون غريب

لكن يجب عالعموم على اللي تفكر تحمل انها تتأكد انها خاليه من الالتهابات والإفرازات

عندج أمراض القطط تسبب اجهاض في مراحل مبكرة من الحمل الشهور الثلاث الاولى الا اذا كانت الأصابه بفيروس القطط ( التكسوبلازما) قديم والجسم كون ضده مناعه .. هذا يبين عن طريق تحليل الاجسام المضاده بالذات للتكسوبلازما اذا كان igg موجب والـ igm موجب هذا نشط وضار و ( ممكن) يسبب تشوهات او اجهاض مبكر ( في الأشهر الثلاث الاولى ) اما اذا كان igm سالب فما في خطر بإذن الله


عندك تحليل تخثر الدم غالبا يسوونه للمجهضه لان احيانا زيادة نسبة تخثر الدم تسبب تجلط بالشرايين اللي توصل الدم للمشيمه بالتالي الاجهاض الله يكفينا ويكفيكم شره

تحليل الغده الدرقيه

احيانا سبب الاجهاض يكون اختلاف في كروموسومات الام والأب والجنين فا جسم الام يعامل البيبي كانه فيروس ويكون أجسام مضاده تهاجمه وتنتهي بالإجهاض

عن نفسي حتى الان سويت بس سونار داخلي وشاكو ان عنق الرحم سمكه ٢ سانتي وقالوا لازم ربط في المره اليايه

بس هم بسوي بإذن الاه تحاليل دم شامله نفس اللي فوق علشان اكون مرتاحه واللي يكتبه الله كله خيره