احبها صح ,,, بس اتزوجها لـــيـــه((انا مهبول)) ؟؟؟!!!!!!

[tolay]

ماجاوبت على اسألتج :d



هل تخجلين من معرفة الناس انكـ تحبين ...؟

اذا حب بدون زواج اخجل لكن اذا تزوجته طبعا لاااا




وما رايكي في الموضوع بوجه عآآمـ في العصر الحآآآلي ..؟

العصر الحالي يواجه مشكله مع الحب .... الحب موجود بهالزمن بس وجود الحب القوي نادر




هل الحب موجود؟؟ وهل هو ضروري؟؟

موجود وله انواع في حب خفيف في حب فتره وتعدي في حب شبه اعجاب في حب نزوه ... لكن الحب الحب نادر وجوده

وطبعاااااااااااا ضرووووووري اهم شي الحب ولاصعبه الزواج بدون حب



ومارأيك بالذي يقول لك بهذا العصر

((إن العلاقه الهاتفيه او النتيه حب؟؟))

اييي في حب عن طريق الهاتف او نت اذا انتهت بزواج او كانت مشاعرهم صادقه وماتتغير

 

[yam_yam]

موضوعج روعه و يعور القلب
فعلا تغير مفهوم الحب هالايام

 

[فينوس]

احب اشكر كل الي الي ردوو على الموضوع

وتقريبا الاراء متشابهه وقريبه من بعضها

وياليت نسمع بعد من البنات

 

[تفـاحهـ]

صح كلااامج وربي

 

[حـــ~ـــور...!]

هل تخجلين من معرفة الناس انكـ تحبين ...؟
لآا...
وما رايكي في الموضوع بوجه عآآمـ في العصر الحآآآلي ..؟
بصرآحـه .. اشوف ان آلحـب موجود بس مو بطريقه النت وآلتلفون لانه هذي طريقه فآأشله ومآا ادوم محبه فيهآا....

هل الحب موجود؟؟ وهل هو ضروري؟؟
اكييد موجوود .. واكييد ضروري .. لانه اذآ مآفي حــب مآفي حيآه ....

ومارأيك بالذي يقول لك بهذا العصر

((إن العلاقه الهاتفيه او النتيه حب؟؟))
غلطآآن .. هذآ خرآبيط مو حــب ...

بنظري الحب الحالي الوهمي علاقات محرمه مختبئه وراء اسم الحب

مارأيكم انتم؟"
لآ .. في حـب يكون بطريقه مو حرآم يعني انتـي تحبينه وهو يحبج بس مآتكلمون بس تدرون عن بعض عن طريق الاهل ...
هذآ مآيعتبر حرآم لانج مآكلمتييه ولآ شي ....


يـسسسسلمو موضووع رووعه انتــظر جديييييييدج !

 

[نونه العنونه_H]

الحب موجود ومافب احلى منه,,
بس لازم ما يتعادااا الحدود,,
حب بريء

 

[عيا زماني]

هل تخجلين من معرفة الناس انكـ تحبين ...؟
ااذا كانت ماهي بشرع الله اكييييييييييييد بخجل مو من الناس لا؟ من رب الناس ثم الناااس

وما رايكي في الموضوع بوجه عآآمـ في العصر الحآآآلي ..؟
هالمووضوع يتكلم عن واقعنا للاسف الاغلب الا من رحم ربي ..الله يهدي الجميع وخصووصا البنات ويستر عليهم

هل الحب موجود؟؟ وهل هو ضروري؟؟
والله يااختي الحب الصااادق هو حب امج وابوج لج وزوجج واللي تحبين فقط اما حب هالايام خرابيط ومجرد تسليه وتمضيع بوقت وياليت مضو هالوقت بطاعه ربهم .. اما انه ضروووري اكيد انه ضروووري اذا كان بالحلال لانه يحسس الانسان بالسعاده والراحه>>فيلسوفة زمانها

ومارأيك بالذي يقول لك بهذا العصر

((إن العلاقه الهاتفيه او النتيه حب؟؟))

ماااااااااااااااااااااااعنده سالفه ..


مشكوووووووووورة اختي عالموضووع يارب يكون بداية لصلاح بنت وندمها .. الله يصلح الحاال ويستر علينااا يارب

 

[درة أهل الطولات]

مـــا ألوم اللي ما يرضــى يتزوج وحدة تكلمه

لأن احنا البنات لما نبي نتزوج نسأل عن الأخلاق

وما نرضى بصاحب العلاقات


شنوو حلال علينا حرام على غيرنناااا

 

[بحط قلبي بين إيدينك هدية]

هل تخجلين من معرفة الناس انكـ تحبين ...؟

الناس اللي ما تتفهم ما ودي انها تعرف هالشي, إلا ان تم كل شي على خير بالزواج.


وما رايكي في الموضوع بوجه عآآمـ في العصر الحآآآلي ..؟

بالنسبة للموضوع اللي ما يتزوج اللي يحبها, هذا واحد من اثنين:

1- يا تفكيره مريض ويعمم على بنات الناس حتى اللي محترمة وما عرفت غيره بحياتها, وينطبق عليه المثل "كل من يشوف الناس بعين طبعه".

2- يا انه ماخذ الموضوع تسلية, ويدري ان البنت اللي يكلمها مو مضبوطة مثلا أو ما تلوق له, أو مثلا ما يبي يحط نفسه بموقف محرج مع أهله أو شي جذي, فما يبي يرتبط فيها.

وعندي ان هالشيين غلط, لأن إذا اهوا زين وبنت الناس محترمه وعاجبته شاللي يمنع ياخذها بالحلال بدال ما يلعب بمشاعرها؟!


هل الحب موجود؟؟ وهل هو ضروري؟؟

أظنه موجود وضروري, بس يكون بأشكال مختلفة, غالبا لما ايي طاري الكل عباله انه بس ايي بالعلاقة ما قبل الزواج, وان الزواج التقليدي مثلا خالي منه, وينسون ان النظرة الشرعية أصلا موجودة كأول خطوة لزرع الحب بين شخصين عشان يتزوجون. بس الشي اللي مسبب المشاكل للكثير من الناس ان ساعات هالشي يصير مع ناس تصادفهم أو تحتك فيهم ويتعلق القلب فيهم, وهني الواحد ما يضمن إذا مثل هالعلاقة راح تنتهي بزواج ولا لأ


ومارأيك بالذي يقول لك بهذا العصر

((إن العلاقه الهاتفيه او النتيه حب؟؟))

إذا هالعلاقة محدودة بهالوسيلتين بس, صعبة ينقال انه حب, خصوصا ان الشين غلب على الزين فيهم, وكل من ياخذ هالشغلة لعب وجذب بجذب. بس أصابع الإيد مو سوى, ان كان الأكثرية جذي فمو الكل جذي, صج انه ناااااااااااادر اللي تلقين الزين, بس هم أقول ان هالوسيلتين مو مقياس حب بحد ذاتهم, لأن الحب فيه تضحية والتزام وتفاهم.

وطبعا لازم اللي يحب يثبت هالشي برغبته بالزواج ونيته الصادقة فيه, مو يقول أحبج بس مابي أتزوجج, اللي يقول جذي هذا ما يستاهل البنت تتم حتى لحظة معاه, ولا مثل ما سمعت عن وحدة, ان حبيبها يقول مابي أخطبج ويردوني أهلج, لأن كرامتي ما تسمح بهالشي, وان صار وردوني ما راح أتقدم مرة ثانية @@<<<<<<< شفيه أبو الكرامة!! إذا ما تبي تتنزل حضرتك عيل وين حبك اللي تتكلم عنه إذا مو مكلف نفسك تتعب عشان اللي تحبها, هذا ان كان يحبها أساسا

 

[بحر هادي]

وما رايكي في الموضوع بوجه عآآمـ في العصر الحآآآلي ..؟
الفكره ان الحب وقتي ويجي يوم وينتهي..ويتزوج شخص آخر<< هذا مو حب..هذي مجرد علاقه..وش ماكان مسماها..

هل الحب موجود؟؟ وهل هو ضروري؟؟
موجود ايه..بس نآآآآآدر


ومارأيك بالذي يقول لك بهذا العصر

((إن العلاقه الهاتفيه او النتيه حب؟؟))

الحب شعور بغض النظر عن كيفية تكون هالعلاقه..
يعني لما نحب ماتفرق وين وكيف بدت وصارت العلاقه..

والله سبحانه قال ( ولا تزنوا حتى لا يزنا في بيوتكم )

اختي هذي مو آيه..
ياليت نتأكد قبل لانحط كلام على انه آيه او حديث..
الا كلام الله.

 

[الغدق]

والله انا غسلت ايدي من شبابنا
وكرهتهم ====لوووووووووووووول صرت راويه اللي بالحريم
مااتوقع في حب من النت أو بعلاقة بالتلفون
ويسلموو عالموضوع