احترقت اعصابي..

[&رعبوووبه&]

مرحبااا

والله محتارة ولا ادري شسوي .. بقولكم اشصار معاي بالتفصيل ولا تبخلون علي

بردودكم ... يات لي الدورة 19-7 واخذت حبوب كلوميد من ثاني يوم ولاني بسافر

كتب لي الدكتور على ابرتين اخذتهم يوم 27-28\7 حلــــــــو

اكمل قالي بعدها جماع لمدة اسبوع وصار كل اللي قال عليه الدكتور

والمشكله يا بنات

اليوم شوفوا كم التاريخ 24-8 وما يت لي الدورة يعني متاخره 5 ايام

سويت تحليل منزلي مرتين ومافي حمل زين ليش ما نزلت

وبيني وبينكم انا ما احس باي بوادر حمل يعني لا تعبانه ولا دايخه

اعتقد انه دكتوري مسافر جهازه مغلق شسوي ..؟

هل صار معاكم انها تاخرت وانتوا ما خذين منشطات​

 

[m e m e]

اي عادي ليش تحترق اعصاابج خلج ريييلااااااااااااااااااااااااكس انا تأخرت علي مره مع المنشطات ٩ ايام و الدكنزر قالي نطريهه تنزل احسن


بس رووحي سوي تحليل حمل دم منتي خسرانه شي اذا انشاء الله حامل راح يبين بالدم

 

[غيـ الناس ـر]

مو شرط لما تاخذين المنشط معناه تحملين ..


خلي املج بالله قوي .. وسوي تست دم واذا ما كنتي حامل ادعي ان الله يعوضج ..


ولا تتعودين عالكلوميد ترى يتفخ

 

[pink-rose]

اذا مستعيله سوي تحليل دم

بس انا كذا مره تتأخر علي مع المنشطات

 

[الاسطورية]

انتي اعصابج بس سبب كافي لتاخيرها هدي عمرج والي الله كاتبه بيصير لاتكبرينها

 

[bnt_kwt]

النفسيه تلعب دور كبير بتأخر الحمل
واضطرابات الدوره الشهريه
ووايد صارت معاي تتأخر الدوره عقب المنشطات
وعقب ما اسوي تحليل يطلع نيجاتيف

الامل بالله كبير والحمدلله على كل حال

 

[miss.lala]

نطري لاتاكلين شي
خليها على الله
لو تنطرين شهر
اهم شي لاتاكلين ادويه حبوب وهالسوالف
يمكن يكون حمل بأوله
وبعدين حللي لين يبين ان شاءالله

 

[&رعبوووبه&]

ريلي مو راضي اسوي تحليل دم

يقول لما تدرين انه مافي حمل ماتشوفين شيصير فيج كل شهر على هالحاله

انا يعورني قلبي عليج...

بنات ودي اكووووون حامل بس انا اريد وانت تريد والله يفعل ما يريد ونعم بالله

والف الحمد لله والشكر عندي بنيتي الله يخليها لي

شاكرة مروركم