احتفالي الخرااااااافي .............كل عام وانا بخير

[shak!shoka]

قوه بنات
اول شي كل عام وانتو بخير يارب وانشالله تكون هالسنه حلوه عليكم

​

بنات ابي رايكم ونصحوني وقولولي مواقع الغلط ... انتو فيكم حريم كبار نستفيد منهم وانا وايد اتابعكم وووايد استفدت منكم

انا متزوجه من سنه ونص طالبه توني وعندي بيبي
ما عندي خدامه
ماعندي سياره
ساكنه مع اهله
مصروفي الشهري > سوري اقصد مصروفي السنوي لانه شهر اي و 11 شهر سيفووون !!الي اهو طبعا وبكل فخر 40 دينار كويتي فقط لا غير
و يشمل : مصروف الجامعه . رصيدي .السوق .الصالون. واذا عندي مناسبه او عرس لازم قبلها بثلاث او اربع شهور اوفر واقتصد او ادش جمعيه << شخباري .. او اتسلف << طبعا ماكو غير امي الله لا يحرمني منها ولا يحرمكم من امهاتكم

ريلي : موظف بالقطاع الخاص معاشه وااايد زييييين
بس مشكلتي معاه ماني قادره اصنفه ولا احب اقول عنه بخيل بس مقصر ماديا علي وصراحه وااايد مو شوي

مو من المصاريف ولا الاقساط الي على ظهره
انا والله اذا قالي ما عندي اقدر ولا اطلب منه

تخيلو صارلي سنه الحين من يبت البيبي اقوله ابي خدامه يقولي صبري علي توه الشهر الي طاف استوعب انه فعلا نحتاجها

بنات اذا بغيت اطلع مكان انذل ياربي رايحه السوق يعني دثره وشغل سريع سريع يقول يا ناخذه يا نوديه عند اهلج !
واذا باصعب الظروف خليته عند اهله ما اتهنا قاعد ويحاتي لا يكون امه وخواته بيطلعون او مشغولين وولدي مكلف عليهم شدعواااااااااااااااااا


خلوو هذا على صوووب

توه اول امس رحت السوق وانا صارلي فوق ال 3 شهور مو طابته اول ما وصلنا تخيلو وداني البنك قالي سحبي انا مو معارضه اساعده ماديا بس وين حقي الشرعي وانا ما اطلب غير الضروريات ما عندي تفلسف!!

نكمل:
حبيبي شسحب عندي 30 بحسابي << يا فرحتج
*اي سحبيهم واشتري فيهم الي تبينه

الي ابيه : جسوه شتا ؟؟ دراريع , ملابس داخليه ,عبايه حق الدوام ,بجايم !!!!!!!! ياربي يمكن اشتهي اشتري عطر او مكياج او قميص يعني الثلاثين شسوي فيهم

قالي سحبيهم ومالج غيرهم وانا ما عندي الحين جدامج ابي اسحب حق الولد علشان اشتريله << طبعا مان علي ويعني متكرم
معاشك ما صارله 5 ايام نازل وين راح

الاخ يلعب يمين ويسار شاري اشرطة دي في دي والعاب بلاي ستيشن حق المخيم بو 22 دينار وطبعا قطيه المخيم ما ننساها 50 غير العشا الي كل جم يوم لازم على واحد فيهم

انزين وانا ويني من هذا كله

يعاملني معامله موظفه عندها 600 دينار

بنات تكفون انا غلط ؟؟؟
كلمته وعاتبته زعل وطنقر وخلاني عند اهلي يومين ولا سأل ولا دق
دقيت ابي اسأل عنه رد علي بنفسيه جان انهي المكالمه بسرعه وادزله مسج وعاتبته بعدين قلت شحقه احرق اعصابي طاف

رد علي بعدها بقرن " انا مسامحج ع الكلام الي قلتيه وكل عام وانتي بخير "<<< توووه تذكر ؟!!

شسوي معاه ؟؟؟؟

 

[koky 7yati]

الله يعينج عليه ترا مو حلو الريال بخيل اذا اهله زينين معاج كلميهم بمشكلته اما اذا لا مالج الا اهلج يتفاهمون معاه ويقولون له انه بنتنا كانت عندنا عازينها رازينها والله يهديه لج يارب *

 

[سموى88]

حبيبتي اذا اهو زين معاج ومحترمج ومافيه الا هالعيب مالج ان دخلينم ابوج بالموضوع او اخوج الكبير مثل ماكانوا يصرفون عليج من غير تمنن و من طيب نفس وعطوج اياها معززة مكرمة مو ناقصج شي لازم يسوي نفسهم واكثر لانه ريلج وماخذ منج الاكو والماكو اسمحيلي على الكلام بس اعتبريني اختج حياتي ماخذ منج صحتج مجابلته اهو وولده و عمرج و وقتج اقل شي اقل شي يوفرلج كل الماديات الي تحتاجينها و على فكرة حتى بعد ما تتوظفين ماله شغل بمعاشج وين وشحقه تصرفينه حبيبتي الصراحة انتي معطيته ويه مدام يصرف على ربعه و مقصر معاج اذا الخطا منج لا تتسلفين من امج ولا تعطينه خبر اذا تسلفتي لان ريلج واضح عليه متكل على اهلج بكلشي يبيله وقفه وشخله من اهلج ولا على جذي راح يستمر وانتي قوي شخصيتج ولا تضعفين ولا تستهينين بحقوقج ما طلبتي بيت ولا سيارة ابسط شي ما يوفرة اشخانته ريل

 

[شموسة كيوت]

رد : احتفالي الخرااااااافي .............كل عام وانا بخير

اللة يعينك واللة مدري شقولك

البخل شين

 

[امواج الكويت]

الله يصلحه ويهديه لج

 

[Čut!e Quèéи]

رد : احتفالي الخرااااااافي .............كل عام وانا بخير

امبيه شنو هذا ؟؟؟

حقج انتي عليه ديون وقروض

وحق وناسته و المخيمات واللعب معاشه صافي ؟

ترى مايصير جذي انزين اخذي مصروفج الحكومي حقج من الدوله 100 مو 40

لا يبا هذا شي ما ينسكت عليه قعدي معاه كلميه قولي له بشوف اوراق ديونك

اذا صج مايصفاله شي لا حول ولا قوه

بس اذا طلع يقص عليج لا تسكتييييين قولي له انا ابي حقي كل شهر 100 الحكومه

مو طالبه شي من معاشك انتي بنت ولج خصوصياتج بالمشتريات وغير الصالون كل شهر

تكلمي معاااااه واذا حسيتي انه يلف ويدور كلمي ابوج قولي له اقعد مع ريلي وكلمه وتأكد من ديونه

حرام عليه الي يسويه فيج اذا كان يقص عليج لا تسكتين واذا عنده ديون قدريه وخلج واقفه معاه

 

[Daleela]

والله عبالي احتفال وخابه عمرج براس السنه

الله يعينج على بخل ريلج

قوليله انا مو موظفه ولازم تخصصلي معاش مثل اي وحده ما تشتغل

انا تزوجت وانا طالبه فكان ريلي يعطيني 100 مع الاعانه من الجامعه ومشيت اموري والله خير يصرف عالبيت اما مالي شغل

وانتي بعد شكو تصرفين وعليه عليج

انتي كلميه وتفاهمي معاه واذا ما رضى لازم احد من اهلج يتدخل واكيييييييد راح ينحرج

 

[Marymary]

اختي مفروض كنتي تعلمينه من البدايه تعلمينه ان يصرف عليج
وولدكم اهوه مسؤول يشتريله صدقيني باجر تشتغلين ويعتمد عليج اعتماد كلي
وريلج مو بخيل تدرين ليش ؟؟؟ لان مو بخيل على نفسه وربعه ووناسته بس بخيل عليج وعالبيت وعلى ولدج

 

[شقرديـه عالطل]

الله يعينج

 

[mich79]

رد : احتفالي الخرااااااافي .............كل عام وانا بخير

عفوا حبي بس انتي تتكلمين جد ولا تضحكين ؟؟؟
حياتي إذا الخدامه وإهي خدامه معاشها من ٤٥ لي ٥٠ ويمكن أكثر بعد
يبا ريلج يبيله وقفه جاده منج انتي اللي زعلي وطنقري اخذي ولدج وروحي بيت أهلج وقوليله ياإنك تكون رجل بأفعالك مو بس بشكلك يا إني برفع عليك قضية طلاق للضرر ( طبعا مجرد تهديد مو تسوين هالشي صج ) وقوليله ال ٣٠ وال ٤٠ هذي كانت تكفي على أيام يدي ويدتي مو بوقتنا هذا وبعدين ليش أساسا متزوج إذا أهو مو قد إنه يفتح بيت ؟؟ بصراحه وايد احتريت عليج لأن أكره وأسوأ صفه بالإنسان إهي البخل .. الله يعينج حبوبه بس نصيحه خليج قويه لما تكلمينه ويستحسن بوجود أبوج أو أحد من أخوانج لأن هالشي ماينسكت عنه خصوصا إنه يصرف على ربعه ووناسته ويقتر عليج

 

[الأميرة جوري]

رد : احتفالي الخرااااااافي .............كل عام وانا بخير

الله يعينج ..

 

[Hello_kitty]

الله يعينج المفروض ما تسكتين عن هالوضع كلش وريلج عاجبه الوضع ومرتاح بعد وانتي زوجته ومسؤله منه موعارفه تدبرين امورج

المفروض يعطيج مصروف ما يقل عن 150 بعد لا اجار ولا خدامه وانتبي ما تشتغلين والحكومه تعطيه 70 للزوجه

و100 دينار تعطيج الحكومه بما انج طالبه

الله يفرج همج هذي موعيشه ماخذج من بيت اهلج عزيزه مكرمه المفروض يوفرلج الاساسيات على الاقل

 

[Petite]

مادري شقولج عورتي قلبي

الله يهديه ويحنن قلبه

ترى أصعب شي ان الريال يكون بخيل

وكل عام وأنتي بخير :*

 

[Gourges]

رد : احتفالي الخرااااااافي .............كل عام وانا بخير

انتي عندج خوات متزوجين؟

اذا اي

قعدي معاه وقوليله ليش تحب تفشلني ؟ بيقولج ليش قولي والله ليش اطلعني بين خواتي جني الفقيره اللي مفلسه ولا اشتري ولا اونس نفسي مثلهم .. والله شكثر اشوفهم يطلبون اشياء بالنت ويستانسون وانا كله بس اشووف لان ماعندي ...

ولو ماعندك اقول اوكي ... بس ترى انا اولا من المخيم يعني اول شي لازم توفرلي وتوفر حق بيتك بعدين تفكر بوناستك والمخيم ..

انا ما اقدر اعيش هلعيشه ... وين بدل الاجار وين الزوجيه الي تمشيلك !!! يبا عطني ياهم وانتا لك معاشك مابي منه شي ...

لاتصير اناني وطماع لان عمره محد يقدر ايعيش العيشه الي قاعد تعيشني فيها .. عيل في مرا كبيره ام يمشيلها ريلها 40 دينار !!!!!!!!!!!!! حتى الخدامه معاشها اكثر اقل خدامه معاشها 45 دينار !!!!!!!!!!!!!!!!!

قوليله انا اذا ماعندك ومو قاعد تصرف شي اقول امري لله بس انتا قاعد تصرف على المخيم وعلى غيره من اشياء لك وانا ولا شي ...

وبعدين انا وايد استغربت وعورني قلبي لمن اروح معاك السوق تقولي سحبي فلوسج واشتري حق نفسج ... وين الي مايرضا ان زوجته تدفع واهوا يمها !!!!!!!!! عمري ماشفت ريال سواها بسوق ماشفت هلشي الا معاك

بيقول يعني مقصر؟

قولي اي مقصر .. خنكون واقعين مقصر وايد بعد .. انتا شايف السوق شلون اسعاره 30 دينار شتسويلي؟؟؟؟ اشتري فيها شنو واخلي شنو .. كا هدومي قطنت علي وساكته ... اعيد هدومي مليون مره وهم ساكته .. بس لي متى ؟؟؟؟


وعاد انتي عطيه من الحجي صج بتجرحينه بس عل وعسى اييب نتيجه معاه يارب

وكل عام وانتي بخير حبيبتي

 

[\بانه]

رد : احتفالي الخرااااااافي .............كل عام وانا بخير

الله يسخره لج

 

[شيخة المعازيم]

رد : احتفالي الخرااااااافي .............كل عام وانا بخير

حبيبتي ابي افهم شغله تتصلين حقه ليشششششششششششششششششش؟؟
الحين منو الغلطان ؟؟؟
خلنا نكون واقعيين اوكي انا ما احب الكلام المرتب واكون دبلوماسيه بردودي لا والله انا دايم احط نفسي محل الوحده صاحبة المشكله
شوفي خليني اقولش شغله كل اللي صار غلط بغلط اوكي مدام زعلتي واشوفه من حجش بعد المفروض تحقرينه ولا تتصلين لين ما يتأدب
ويعرف اللي له واللي عليه هذي شغله اوكي بعدين الزوجه من حقها راتب ولابنها بعد يعني الفروض على الاقل على الاقل يعطيش مية دينار
شوفي الحياه الزوجيه لازم يكون كل شيء بها واضح عشان لا نحقد على بعض بعدين
شوفي انا ريلي كان ضد انه يعطيني معاش شهري بس تميت وراه وعفست الدنيا خاصه انه كان السبب اني ما كملت دراستي ولا توظفت
بسبب سفري الدايم معاه المهم الحين يعطيني 300 دينار بالشهر ويالله يكفوني بعد وغير اذا بغيت شغلات ثانيه او في مناسبه معينه
لازم يكون لها مصروف ثاني الحين اللي ابيش تسوينه تقوين قلبش وتحقرينه اي والله ونا صادقه يعني يغلط ويقصر ونا اتصل عليه
هذا خلاص اعترفتي له انش غلطانه قويتي شوكته لا حبيبتي بنات الناس مب لعبه حبيبتي دخلي في الموضوع رجال
وخليه يعرف انو وراش ناس وبنت اوادم مو مقطوطه بالشارع سوري حبيبتي بس الدنيا كذي يبيلها مو اكون حنونه وفقيره
لا عيوني ترى اذا ما قط عليش اليوم بكرة يقط اللي قدامه واللي وراه على وحده ثانيه تعرف تلعب عليه

 

[trakmia]

ماعندج سالفه اللي ساكتة عنه

 

[جوري الكويت]

رد : احتفالي الخرااااااافي .............كل عام وانا بخير

يا حياتي و الله عورتي قلبي

الحين الخدامه معاشها تاخذ 60

و انتي في بيت ابوج اهلج ما سالوج

ليش قاعده عندهم ؟؟

تدرين ان المره و هي زعلانه و في بيت ابوها حتى لو ما تطلقت لها نفقه

هذا و هو بعد ما جليسها ولا هي عنده

خل ابوج يخرعه و يقول له اذا ما تبي تصرف و تتحمل المسئوليه

محنا عيزانين عن بنتنا و ولدها

ريلج دام موظف بالخاص معاشه زين

قولي اقل شي 500 دينار من دوامه و 650 دينار من دعن العماله

و ما يدفع اجار ولا خدامه

يعني الف دينار على روحه

الله يعينج خل اهلج يكلمونه

 

[جنون العشق]

الله يعينك الصبر زين ولا اشتغلتي وقضبتي المعاش ساعتها ماراح تحتاجين لاي حد

 

[ام كوشه منكووشه]

رد : احتفالي الخرااااااافي .............كل عام وانا بخير

الله يعينج والله

بس قلبي لازم تاخذين موقف وتلزمينه يحط مصروف شهري لج مو اقل من 100