احتفلتي ويا زوجج بمطعم او فندق .. تعالي شاركينا

[Patcholli]

السنة اللي طافت واللي قبلها كنا مسافرين
فأول ماوصلنا الفندق عطيته هديته كنت شاريتها من الكويت


بس المناسبات الثانية نفس ذكرى زواجنا لازم كل سنة في لانوتر البحر .. هذا عرف عندنا لوووول

وحده وناسة صراحة المطعم راقي واكله حلو مايقعد عالجبد

ناوية هالسنة (بما ان عيدميلاده بعد شهر) اعزمه على لانوتر بس هالمرة اقولهم يجهزون الطاولة من ورد وكيك

والله يعينا عالمصاريف لووووووول

لوووووووووووووول ام مريومه عليج بالف عافيه وصج الله يعينا عالمصاريف
اتصدقين مطعم لانوتر رحتله مرتين وماعجبني الظاهر ماعرفت اطلب اشياء حلوه
يالليت تظبطينا باحلى الاطباق لان فعلا قعدته حلوه ماتتفوت واحسه رومانسي وينفع حق هالمناسبات ..

 

[ạ7ạśêś ~]

امممم بحكم اني توني مع ريلي صار لي سنه
في عيد ميلاده الاول كان بالبيت .؟ وان شاءالله جريب عيد زواجي ووبصراحه ناويه على فندق

 

[' #sǎrǎh . . ']

الله يعطيج العافية

 

[عنووشه]

عيدميلاه كله بالبيت مروا علي ثلاث اسنين وكله بالبيت مادري لييش


اول سنه كنت استحي منه وجذي

ثاني سنه بنتي اصغييييره وماعندي احد اخليها عنده.


هالسنه هاذي كان ودي احجز وجذي فندق بس ماكان لي خلق لوووووووول

 

[خواطر شوق]

بنات انا رحت عشاء لمطعم الإطالي اللي برج النصار ..المطعم هادئ و رومانسي و جوه حده عجيييييب ,,,واغلب اللي بالمطعم محتفلين ...الزينه تكون ع الطاوله و بالارض يكون قلب احمر محدد بشمووووع اول ما تقعدوون يشبون الشموووع و صج جو رومااانسي من الإضأه و الهدووووووووء و الخدمه ممتازه ...<<<<<<جني طولت السالفه بس حبيت افيدكم ع فكره الحجز قبلها بيوم :eh_s(7):

 

[Le chat]

صارلي سنه متزوجه واول عيد ميلاد له سويته بالبيت كنت ابيها مفاجاه فتمصخرت وانا قاعده انطره ماادري متى بيرد من الدوانيه ولابسه الكعب وانا حامل واطل من الدريشه وكل شوي مسخنه العشا واااي كان عذاب ودي اعرف صج شلون يحجزون حق سفره شلون تعرف عنده شي بهاليوم ولا فاضي

 

[Le chat]

صج التسيمو اينن حده رومانسي انا رحتله مع رفيجتي كان وضعنا غلط بين عصافير الحب

 

[Patcholli]

^_^


لا يوقف ..​

 

[نـعـومـه]

واااي شوقتوني اعزمه على مطعم

انا اول يوم ميلاد عطيته هديه وخلاص هالسنه ودي اعزمه علي مطعم كنت ابي فرايديز بس لما سمعتكم تكلمون عن مطاعم ثانيه تشوقت ودي بشي غريب ومومألوف

 

[حورررية]

لا يوقف

 

[أميرة-]

حيل قديم الموضوع

اول عيد ميلاد كنت نفاس بس خليته يجي بيت اهلي وطلبت له كيكة كنت طالبتها من وحده بانستجرام الكيكة كلها ورد جوري

عيد ميلاده الجاي ماراح يكون بالديرة من غير شر

اول ذكرى زواج حجزت لونوتر وخليتهم يضبطون لنا طاولة صراحه ماعجبني اكلهم وسعرهم مبالغ فيه على ولا شي

 

[زهرة الخليج 81]

انا مافوت ولا مناسبة من هذي المناسبات بس كله اسويها بالبيت لانه انا اعرف زوجي بيتوتي ومايحب هالاماكن فانا ابدع فيها واركز على الهدية تكوت على مستوى عشان صج يستانس ولا هالخرابيط شموع ورد كله كماليات ودارجة دايما