احتفل ولا ما احتفل

[بنت النوخذا]

خير الامور ابسطها و اسهلها

طلبي كيكه عرايس صغيره
علبه كاكاو صغيره
مع شويه عصير تحضرينه بالبيت
و طلعي البوم عرسكم
و نثري علي سريكم ورد طبيعي
و حطي موسيقي زفه معاريس


وربي يتمم عليكم عشرتكم يا رب

 

[manoooram]

حبيبتي ما يمنع تفرحين معاه بس بشي بسيط
كيكه وعشا صغير على قدكم وكشخي له والسلام
بس في شغله مهمه زوجج مسؤول عنج وواجب ان يصرف عليج
واعتماده مو بس على الاعانه ان تكون مصرف لج
والله يخليه لج

 

[the-angel]

حبيبتي انتي كشخي وكيكه صغيره وشموع وعشا خفيف انتي سويه وعصير واغنيه حلوه وكفر للسرير جديد وقميص نوم ناعم ما اتوقع بكلف وامج اكيد ماتقصر وميك اب خفيف وضبطي شعرج ويفضل بحركه جديده

 

[زبــــــــدة]

حز بخاطرج لانه مايدفع عشان تحتفلون بيوم زواج بس ماحز بخاطرج انه مايدفع فلوس ولادتج !!!

خلي اعانتج للاحتفال بيوم زواج سوي شي بسيط كيكه جذي بس الولاده شلون تدفعين وانتي طالبه !!!! خليه اهوه يدفع اذا الولاده مايدفع عيل شنو بيدفع!!!

مولازم يدفع سوالف استقبال وجذي بس ولادتج !!'

:rerrerek: صح كلامها !! استغربت شلون بتدفعين وياه حق ولادتج والمشكلة انج طالبة بعد ...

الحين الموظفات ما يدفعون ولا فلس حق ولادتهم !!!


المهم

حبيبتي مو لازم تكلفين على عمرج بهاليوم سوي شي بسيط وجوو رومانسي

اشتري كيكة صغيرة ...وحطي شمووع ... ولبسي قميص نوم مال اول يوم ..بس اذا حامل لا طبعا خخخخ


وبس اشتري ورد وحطيه يم الكيكه وكتبيله كرت وبس

 

[كويتية بروما]

سؤال انتي طالبه وما يعطيج مصروف واعانتج تخشينها انتي اشلون تصرفين ع نفسج من وين؟؟؟

موكفو تسوين له شي
حتى الاستقبال اهو مكفول فيه مو ضناه وشايل اسمه
لا تغلبج الطيبه ترا الرياييل مو كفو
الحريم معاشاتهم تطق الالف ومصرفها من الريل 200 الى 300 اصلا اقل شي 80 من الزوج غير معاشها
مو وحده اعرفها ولا ثنتين كل المتزوجات اللي اعرفهم جدي الا ريلج لا تعودينه ع البخل
موفقه

 

[al-musk]

البنات ماقصرو وانا رايي اذا ودج تحتفلين فليش لا

 

[PuPa^^SWeeT]

اهاااا


دام وضحتي الامور جذي


عيل احتفلي


بكييكة و زيني الغرفة بورد احمر



و اشتري هدية عطر ماتكلف ترا عطورهم تبدي من 15 و طالع



او بوك من ماركة فوسل على امكانياتج


او ميدالية سيارة

 

[أحلى عروس 2012]

اكيييييد سويها
وحلاتها بسيطة وهادية ومافيها اي تكلفة

 

[بكيزة هانم]

الله يوفقج وكل سنه وانتي بخير