احتياجات الخدامة من شامبو وصابون .. تشترينه من معاشج ولا معاشها ؟؟ تصويت

[nono78]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

كل شي نيبلهم ونشتريلهم

من ناحيه
الأكل والشرب والملابس والنظافه حتى حلويات وخرابيط حالهم من حالنا

بس سؤال ما طرحنا مبين بعيونهم كل هذااااااااااااااااااااااااا


والله مهما سوينا لهم ما تدش بعينهم النعمه

ان اكرمت اللئيم تمردا

حتى عيادي بالعيد نعطيهم وقرقيعا عيالنا نوزع عليهم

وفوق هذا فيهم هالخصل كلهم نفس الشي

الجذب

والبوق

وقساوة القلب

ما ادري ليش ياربي

 

[الــشــوق]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

مــرحبا ...


انا امــي تشتري للخدامه من حسابنا ,, كل احتياجاتها ....
ومع ملابس العيد ...

 

[آخر ذكرياتي]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

طبعا انا ما اشتغل وخدامتنا كل اللي تبيه انييبه لها منا احنا

الملابس انا كل وفترة والثانية اشتري لها هدوم واحيانا اليونيفورم وملابس داخلية وهالشغلات

اما باجي الأغراض مثل الشامبو والكريمات وهالشغلات كل مابغت شي توصيني واحيانا آخذها معاي للجميعة واشتري لها

واذا طلبت شي موجود اعطيها مثل صابون وشامبو وبندول وغيره

وصج مثل ماقالوا البنات اهي على الله ثم على هالمعاش لو كل شي بتشتريه من فلوشها مايبقى لها شي

مع ان في ناس وايد يقولون ان أغراضها الشخصية من فلوسها والله حرام

اهي راتبها كله 35 ولا 40 دينار ومتغربة وهادة عيالها كله عشان الفلوس ويخلونها تشتري أغرضها بنفسها والله حرام

 

[ريماا]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

واللة انا وزوجى ندلع الخدامة الانة نخاف على عيالنا
اذا رحنا الجمعية على قولة ولدى(جعمية)ههههههه ناخذها معانا وطبعا سلتها بروح تحط اللى تبية وزوجى يحاسب
بس اهى حرام تستحى القاها ماسكة سلتها فاضية واذا عجبها شى حطتة بسلتنا يعنى مستحية تحطة بسلتها

 

[أحلى الجياكر]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

السلام عليكم
أنا أول ما إتيى الخدامة أعطيها الجسوة ...و تشمل جميع الأغراض ...كل شى لمدة 3 شهور ...على ما تستلم المعاش ..و تالى لين قبضت المعاش أفهمها إنها لازم تشترى أغراضها بنفسها...عشان شوى تحس بقيمة الفلوس ...و أقول لها إنها كل ما كانت زينة و شاطرة و تبارى عيالى ..يا مالها من الخير
و هذا إالى يحصل والله أنا أشترى لهم والله أشترى شغل عدل مو أى كلام ..و إن شاء الله ما يضيع عند ربى .. و ساعات أعطيهم بونص و أطبع لهم من الكمبيوتر و رقة مكتوب عليها إنهم وايد متميزين هالشهر ..و هالسوالف ..و يستانسوون فقارة .. و يعلقونها بالدار و لي رحنا السوق ..و خاصة سوق بو 100 أعطىهم مبلغ و أقول يلا تشروا ..حالهم من حال عيالى و المعزبة وراهم تخمخم مثلهم

والله يكافينا شرهم ..و هم فوق كل هذا ..سوالفهم اللئيمة ما تخلص

 

[ساندى]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا كل شى اشترية للخادمة والنوع اللى تبية اجيبالها حتى اكلهم وبعض المرات تروح معاى السوق تشترى اللى ودها فية مساكين مو كافى متغربين عن اهلهم عمااااار ياكويت

 

[توتو الحلوة]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

تقريبا كلنا نشتري حق خدمنا من معاشاتنا

وقليل منا اللى يخلون كل شي على الخدامه

دام انها شايله الشغل وقايمه بواجبها تستاهل واهمه جايين يدورون لقمه العيش يكسرون الخاطر

انا هالشهر اشتريتلها تراجي ذهب مسكينه طارت من الفرح

 

[أغلى حبيبه]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله زين اتسوين توته فرحتي قلبها المسكينه

 

[om hasoooooooooon]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله حشا آخذ من معاشها
كل شي علي وتشرط بعد بطلباتها
بس عمري ماخذيت من معاشها، حتى مرات تطلب كروت تكلم ديرتها كله على حسابنا

 

[* LOVE STORY *]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

كل شي نشتريه لها من احسابنا

وغير الهدايا وكل مامرض ولدي وطاب عطيتها 5 على سلامته ماتسوى فرحتها

 

[ام علاوي وعزوز]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

الشامبو والفوط الصحية والفازلين يعني اغراض الجمعية على الملابس بجميع انواعها انا اشتريهم لانه حرام معاشعا كله توديه حق اهلها ما ابي يقصر منه شي بعدين ما ابي احسسها انها ناقصة عنا بشي حتى سوق ابو اميه اخليها تشتري اللي تبيه منه اهي تستانس علية

 

[واحشنى موت]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا الله يعينى عليهم ثلااث عندى جنهم شرايج لازم اشتريلهم نفس الشى-صراحه تعودت من تزوجت اشترى لخداماتى كل اغراضهم الاساسيه من فلوسى ولا اطلب منهم شى احس السالفه ماتسوى وهالشى يحسسهم انهم من اهل البيت ومثلنا مثلهم- واغراضهم نفس اغراضنا يويلى خدامات الحين كل شى يعرفونه ماينقص عليهم يعرفون الاصلى من التقليد

 

[ليمونه الدلوعه]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله انا اشتريلها كل شي بس ساعات لا مثلا كروووووووووت حق تلفوتها من معاشها وساعات انا بس اغراض الجمعيه مني اعرف ناس ياخذون من الخدم وعليه شلي يكفيهم هالمعاش يدوبك يطرشونه

 

[s3ad]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله بصراحة انا ما اقصر عليهم بشي هالخدم حتى اذا شريت عصير وبطاط وكاكاو حق اليهال عطيتهم منه عشان مايصير بخاطرهم شي
وصارلي 14 سنة وانا اصرف على هالخدم وعليهم بالعافية
بس هذووول المينن اللي عندي طبعا صارلهم 3 سنين انا اعطيهم واشتريلهم وطريقتي ما غيرتها
لكن ملاحظة شغله علييهم اشتري لهم الصابون حق ملابسهم اللي فيه 24 حبة وخلال اسبوووع مطيرينة كله
والله بصراحة شي يقهر قمت وقلت لهم انا اعطيكم كل شي اكل ولبس لكن حق نظافتكم انتوا قلت بجرب شهر
والله وبدون مبالغة انهم شروا صابون الحجم العادي قام يكفيهم شهر ونص
بذمتكم ما تنقهرووون ماااااال عمك ما يهمك ....
امس اسالها اقولها عندكم صابووون يلا اوديكم الجمعية عشان تشترووون بجربهم بس يقولون لي لا ماما واجد فيه عيالت اللذينة
باطين جبدي

 

[شهدQ]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا اشتريلهم شامبو حجم كبير

الكوتكس 3 حبات

صابون الجسم حبتين الكبار

معجون اسنان

ديدورنت

فازلين

كريم نيفيا

وصابون هدوم ربطة

وكسوه كل صيف او شتاء

 

[ebleeesah]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

عمري ما مديت ايدي على فلوسهم لا حق مشتراهم ولا غيره ... بس اهدد ان اذا خربو شي من هدوم ريلي او هدومي او هدوم اليهال اقول لهم من معاشكم .. و اله هدومنا كلها اختربت .. كله بالغساله و يجذبون يقولون مدام هذا انا غسل ايد .. و ماي بارد طل بعينهم يبين حاطينه بالغساله و نشافه .. الالوان تنث و تنعفس .. و من اقول ودي اخصم منهم .. يعورني قلبي احنا معاشاتنا الحمدلله راهيه .. و مو مكفيتنا .. فما بالك اهمه على 35 و 40 .. فتهديدي على الطل ..

اما سالفت اللي ندعس عليهم كل حزه .. اوكي .. بالكريسماس و الايستر و اعيادنا .. يستاهلون مساكين كرف

بس الخراب خواتي على معنى و غير معنى يدعسون عليهم .. اطلع انا بينهم الجعصه

 

[srabeel]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

إحنا الكويتيين ما نقصر على خدمنها ما شفت معزبه ما تشترى حق خدامتها من فلوسها كل شى نشتريلهم بس عاد جان زين يبين بعينهم

 

[كيكة كاكاو]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

مسكينه الخدامه معاشها 45 اذا راح تشتري منه اغراضها جم يبقى لها
انا اشتري اغراضها من فلوسنا واشتري لها اللي تبيه من ماركات الشامبوات والكريمات والديودرانت وغيره
ترا هالاشياء ما تاثر على معاشاتنا بس تعتبر وايد على معاشها

 

[عذاري1976]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا كل شي اشتريه لهم حتي الاسكينول وفيراندلفلي والكريم الوردي مال الفلبينيات سنو سوي يكسرون الخاطر ونبيهم تزين نفسهم

 

[عالموضة]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

اكيد من معاشي اشتريلها اللي بتيه لأن حرام تشتري من معاشها اشيبقى منه !!! من حلاته ؟؟؟؟ لا لا ان اشترييلها االللي تبيه اصلا اقوول لها اي شي تبينه بس قولييلي واي شي القاها تشوفه من اغراضي احس انه عاجبها على طووول اعطيها !!! احسن اعطيها الثقة عشان لا تبوقني ولا تلعب من وراي