احسس أني خبله~

[$ بنت علمي $]

السسلام عليكم~
:


الحمدالله على كل حال

أنا ماعندي ثقه بنفسي كلش

ؤهذذا اللي ذابحني وبسسرعه ينقصص علي~


احسس أني خبله والله~

طيبتي حيل لعبت فيني كله عبالي الناسس طيبين ~
eh_s(2):



بسس حبيت أفضض بليز مابي ردود جارحه~

 

[وحيدة امى]

رفع

 

[(( الذهب ))]

انتي مو خبله بس ما فيج خباثه مثل الغير تعاملين الناس عادي
والبلا فيهم

 

[مولاي الفرج]

فكري بكل شي قبل لاتسوينه وراح ترتاحين ان شاءالله


وبعدين ليش مو واثقه بنفسج شناقصج

 

[~ FOOSY ~]

اب اب

 

[حبيبة أهلها]

هلا حبيبتي بالعكس انتِ بخير وربي عطاك نعمة الطيبه في ناس محرومة منها

صلي ركعتين وانتِ ساجدة ادعي ربي يحفظك من كل شر اشتري كتب عن تقويه الشخصية وخلي ثقتك بالله وحدة وانتِ بسن تقدرين تكتسبين صفات حلوة اكثر بالقراءة والتمرين والدورات الله يسعدك ...~​

 

[نهى الأحمد]

هلا حبيبتي بالعكس انتِ بخير وربي عطاك نعمة الطيبه في ناس محرومة منها ​

صلي ركعتين وانتِ ساجدة ادعي ربي يحفظك من كل شر اشتري كتب عن تقويه الشخصية وخلي ثقتك بالله وحدة وانتِ بسن تقدرين تكتسبين صفات حلوة اكثر بالقراءة والتمرين والدورات الله يسعدك ...~​

جزاك الله خير يا الحبيبه

كلامج صحيح 100% :eh_s(15):


بنوته ياقلبي

اسم الله عليج لاتقولين عن نفسج جذي

الخبل اللي مايعرف يتصرف في اي موقف يواجهه في حياته

ترا الحياة مدرسة ياقلبي

واكيد واجهتي مواقف

استنتجي منها نقاط رح تهمج في المستقبل

الطيبه اصبحت نادرة الوجود في هذا الزمان

 

[بحةة آلشۈق]

ليش خبله اسسم الله عليج حبيبتي
اناواناصغيره كنت اقول جذي لاحبيبتي الحمدالله الطيبه نادر تششوفينهابهالزمنواذاشفتي احدبيقص عليج ع قولتج قوليهالدعاءوبتشششوفين



اللهم اكفينيهم بما تششاء وكيفماتشاءوانت على ماتشاء قدير

 

[عادت ذكرياتي]

الطيبة حلوة بس اللي بزيادة ما أحبذها

حاولي تستفيدين من كل غلطة ومن كل تجربة ومثل ما قالوا الخوات الحياة مدرسة وفيها تجارب تعلمنا دروس حلوة ...


ربي يوفقج حبوبة

 

[ياحُبِي لِلكويت]

لا تقولين الطيبه اخبال صفة الطيب نادره وبالعكس خلي ثقتج بنفسك قويه قولي انا احسن من غيري ,,, افتخري بنفسج شفتي الزمن الناس تسمى الطيب خبل دليل ماتعودو على امثالج ^_^ لبا قلبج واحمدي ربج ان هالصفه فيج

 

[حجيه هيونه]

قوي قلبج واشتري الكتب الخاصة بتقوية الشخصية

ودخلي على النت طلعي محاضرات وشوي شوي ترا ماكو شي يجي بين يوم وليلة

والله يوفقج

 

[اللهم الجنة]

لا تحطين براسج هالشي حتي اذا صار موقف وحسيتي فيه بالضعف خليه لج درس ومو غلط الواحد يتعلم بهالدنيا
وتاكدي ان رب العالمين يعطي كل واحد علي قد نيته
وان المكر لايحيق الا باهله

 

[amani]

الحياة فيها تجارب وايده وكل طراق بتعلومه

انا معاج ان الطيبه الزايده مو زينه بس بعد نعمة ما يمتلكها الآخرون نصيحه مني خلج طيبه احسن من صفات وايده مو زينه ولا تقولين خبله لا ربج فوقج وعالم مافي نيتج وتوكلي على ربج في كل شي وربج كريم

 

[متيمة بالشعر]

.. , حبيبتي بنوت لا تقولين جذي ..

الطيــبه صفه ماكو احلى منها .. و يا بخت من يعاشر انسان طيب ..

الغلط مو منج الغلط من بعض هالناس او خل نقول الاغلبية اللي للاسف صاروا يستغلون الشخص الطيب عشان مصالحهم وبعدها ولا كأن يعرفونه

انا كنت اقول جذي .. بس مع الوقت الواحد لازم يتغير لازم يشوف مصلحته ما يخلي الطيبه تضيعه ! ..
الطيبه مع الطيبين واللي يستاهلون ماكو احسن منها .. بس مو مع الكل لان مو الكل يستاهل .....

قوي شخصيتج .. عادي لا تستحين من اي شي .. عيشي حياتج مثل ماانتي تشوفينها صح .. اخذي راي امج اختج الناس اللي تحسين ان يخافون على مصلحتج ويبونج دايما تطلعين بالشكل الزين حتى لو انتقدوج او اختلفو معاج بشي سواء اهلج او اي احد تقبليه بروح مرحه عادي ..
لا تاخذين بكلام الناس اللي مهنتهم يتطنزون و يجرحون و ينزلون من قيمة اللي جدامهم لان هذول اهما اللي ما عندهم ثقه بروحهم ..........

استغفري ربج و شوفي نفسج دااايما بنظرة عالية ..
ومااحد كامل ترى ! الكل فيه عيوووووب .. ( الكمال لله وحده ) ..
بس المهم حاولي انج تخلين ثقتج بنفسج كبيره وهالشي بيدج .. , و ترى مو صعب ....



والله يعطيج على قد نيتج .. غلاآي ..

 

[caesara]

الحياه تجارب مثل ما قالو البنات فيها ابس وداونز
نصيحتي لك لا تخلين المواقف تحكمك وتحدد شخصيتك..بالعكس خليك مثل ماانتي وبتنعكس طيبتك على اللي حولك
والله يوفقك :*

 

[dubai girl]

من وين ياج هالاحساس؟؟

صار لج موقف يعني ولا بس جيه نشيتي وقلتي انا خبله !!

 

[Tom ♥ Jerry]

,


حبيبتي دخلي دورات تطوير النفس و اقري كتب آكثر !
صدقيني رآح تطورين ثقتج بنفسج آهم شي الثقه بالنفس
وهم لا تنسين الدعاء : ) ..

 

[$ بنت علمي $]

ياحلوكم وياحلو ردودكم ~

يشهد الله أنكم ونسستوني ورفعتوا معنوياتي~

وماتقصرون يالغاليات~


واللي خلاني أكتب الموضوع صارلي موقف قبلها حده قهرني ~

 

[عمرى شقا]

ياحلوج وحلو اخبالج ياعسوله

اذا الخبال مثلج ودي البنوتات كلهم يصيرون كلهم اخبول ههههههه

حبيبتى انتى نيتج طيبه ونقيه وماتروحين بعيد وهذا قليل من الناس

فيه هالصفه لانها امتياز مااحد يقدر يملكها ولو انها بتعبج مستقبلا

لانج ماراح تلقين اللى يقدر الشئ هذا بس الله يعطيج علي نيتج ياقلبي

ويوفقج يابنيتى :eh_s(17)::yaaaaaarb:

 

[بنوته كيكه]

اختي الطيبه وصدق مو خبال في العكس احلا شي انتي كنز وانتي الذهب الي محد يقدر يستغني عنه
وانتي لزم الكل غصب طيب يشترونج من السوق كل تمنا واحده صداقه وطيبه مو واحده شرانيه
في العكس عندج ثقه والدليل انج طيبه صلي ودعي الله