احسن دكتور اطفال انابيب ؟

[عروسه 99]

انا سامعه انه الدكتور باتريك وااااااااايد شاطر ومنصور العرف والله يرزق كل محرومه يارب

 

[حبيبة زوجها2009]

يا هلا بأم علاوي احنا كلنا خوات ونبي الخير لبعض واي وحدة عندها نصيحة انشاء الله ماتبخل فيها على الثانية واللي تحمل وتفرح نفرح ويها وندعي لها الحمدلله ومشكورة ياعروسة على الرد

 

[الزيزفونه]

الله يرزق الجميع الذريه الصالحه من غير لا عمليه وله واسطه وله علاج بالخارج قولوا اميـــــــــــــــــــــــــــــــن

 

[حبيبة زوجها2009]

الله يسمع منج يازيزفونه ونحمل كلنا يارب

 

[zooona]

مرحبااااااا .. موضوع مهم وحساس .. شوفى عزيزتى اخذيها منى ..اللى امجرب ونفع معاه وصار اكيد راح يمدح .. والله يرزق كل وحده محتاجه اطفال .. انا ماخليت احد بس بصراحه ما سويت انابيب لاتى يايبه .. وناطره رحمت ربى سويت تلقيح عند باترك بمستشفى لندن .. طبعا هذا اسإلى عنه مافى وحده مو سويه عنده وزين .. وانا اقول ربج اذا قال كن فيكون كل شى بحكمته حبيبتى .. الله يرزقج ويرزقنى فديتج

 

[حبيبة زوجها2009]

مشكورة يا زونا نجح التلقيح معاج ولا لأ ؟

 

[madam_cake]

حبيبتي انا الحين قاعدة ابلش علاج لطفل انبوب مع الدكتورة ليلى اشكناني جربيها وماراح تخسرين

 

[بساط الريح]

انا سويت عند باتريك اول مرة والحمدالله نجحت وكان عندي كسل في التبويض وزوجي بعد في انسداد وثاني مرة عند عماد غزاوي برويال حياة والحمدالله بعد نجحت والله يكتب حق الكل الذرية الصالحة بصراحة انا ارتحت حق الاثنين وبالنسبة للجماع وقت ترجيع الاجنة ممنوع ممنوع والدكاترة يحذرون من الجماع لان في مضرة وانا اول 3 اشهر مافي جماع حرص بصراحة الضنى غالي ماودي يخترب كل شي على سبة جماع واكيد الزوج بيقدر هالشي

 

[حنين76]

مـــــــــــــــــــرحــــــــــــبا بنات شلونكم

انا بالنسبة لي احسن دكتور ناهض حمادية بالمواساه انسان فاهم وتعامله روعه انا الحين رجعت الاجنة تكفووووووووووووووون ادعولي انها تثبت وربي يفرح قلبي وقلب كل محرومة امييييييييييييييييييييين

 

[ام كتكوت]

والله حياتي انا ماعندي خبره عن اسم الدكتور بس والله العظيم الله سبحان وتعالى هو فوقهم كللللللهم يقول للشي كن فيكووووون

بعد كل صلاه قولي ( ربي لاتذرني فردا وانت خير الوارثين 40 مره لمده 40 يوم ) وبتشوفين

الله يرزقج ويفرح قلبج انتي وكل من الحمل ياقادر ياااااااااكريم وماراح انساكم بالدعااااء

 

[حبيبة زوجها2009]

حبيبتي انا الحين قاعدة ابلش علاج لطفل انبوب مع الدكتورة ليلى اشكناني جربيها وماراح تخسرين

مشكورة يامدام على ردج واهتمامج

 

[حبيبة زوجها2009]

انا سويت عند باتريك اول مرة والحمدالله نجحت وكان عندي كسل في التبويض وزوجي بعد في انسداد وثاني مرة عند عماد غزاوي برويال حياة والحمدالله بعد نجحت والله يكتب حق الكل الذرية الصالحة بصراحة انا ارتحت حق الاثنين وبالنسبة للجماع وقت ترجيع الاجنة ممنوع ممنوع والدكاترة يحذرون من الجماع لان في مضرة وانا اول 3 اشهر مافي جماع حرص بصراحة الضنى غالي ماودي يخترب كل شي على سبة جماع واكيد الزوج بيقدر هالشي

الله يسامح الدكتور بغرفة العمليات يقولي الجماع عادي عقب مارجع الأجنة والله قلبي مقهور وانا زوجي الحمد الله متفهم ويقدر بس الحمدلله على كل حال اللي صار صار ومشكورة على ردج واهتمامج

 

[حبيبة زوجها2009]

ومشكورة ياحنين على ردج والله يرزقج الذرية الصالحة قريبا عاجلا وليس اجلا
ومشكورة يا ام كتكوت على ردج ونصيحتج تكفين لاتنسيني انا وبنات هالقسم من دعاج

 

[سمسومه]

والله حبوبه اهي لا ماجده ولا فوزيه و لا منصور كله بامر الله

انا اقولج اهم شيء تسوينه انج تكثرين من الصدقات بنيه الانجاب و الشفاء و تسوين لج كافل يتيم ...و الاستغفار ما يطيح من حلجج و لا من حلج ريلج

و الدعاء بالسجود و انتي واثقه ان الله راح يستجيب لج و تدعين باصعب شيء ( مثل اللهم ادخلني الفردوس الاعلى بغير حساب )

لان من آداب الدعاء تطلبين من الله اقصى شيء تتخيلينه لان ما في شيء صعب على ربنا سبحانه ..

انا كنت دايما ادعي اللهم ثبت اجنتي و ارزقني الذريه من حيث لا احتسب

و عند الترجيع دعيت ( اللهم باسمك الاعظم الذي اذا دعيت به اجبت ان تثبت اجنتي كما ثبت السماء بلا اعمده و ترزقني الذريه كما رزقت زكريا بيحيى يا حي يا قيوم يا واحد يا احد)



و صدقيني الله ما راح يخيب ظنج ان شاء الله [/COLOR][/B][/SIZE]

:klhfl:​

 

[zalabia84]

حبيبتي انا انصحج بالدكتور ناهض حمادية بمستشفى المواساة , بنت خالتي 5 سنين ما حملت وماكو دكتور من الي ذكروهم البنات ما راحتله وللحين 10 مرات مسوية انابيب و 5 مرات تلقيح صناعي وسبحان الله شهر 5 الي طاااف المواساة يابت هالدكتور وو بنت خالتي راحتله اهي كان عندها ضعف تبويض والدورة ما تيييلها الا بالادوية المهم هالريال مخه نظيف بدا معاها علاج للدورة ضبطها وو سوالها العملية ( انابيب ) شهر 11 اللي طااف وسبحاااااااااااانك يارب حملت البنت والحين اهي داشة السادس بعد عمري والله... فحبيبتي انصحج فييه وانا احتمال اروح اسوي العملية عنده اذا الله كتبلي .. ومع احترامي للدكاتره اللي انذكروا بس صراحة هالدكتور مخه كلللش مو فلوس يعني الي ما فيها شي يقولها لا تيييني مافيج شي روحي وجربي حمال طبيعي واذا ما حملتي تعاليلي بعد 6 اشهر ( هذا اللي قالي ياه ) بس الله ما كتبلي طبيعي والحين ببدي فحوصات عنده من الصفر ابي ابدي معاه وانشاااله يرزقني ويرزق كل وحده ماااا عندها بيبي بالذرية الصالحة في القريب العاجل

 

[zooona]

حبيبة زوجها 2009 .. اشلونج ... لا والله كل شى بإرادته .. بس د. باترك وايد امسوين عنده ... وانا سويت تلقيح بعد عند د . هانى العقده .. بعد مانجح .. والله كريم حبيبتى ...

 

[حبيبة زوجها2009]

مشكورة يا سمسومة ويا زلابيا الله يرزقكم الذرية الصالحة قريبا ان شاء الله وانتي يا زونا مشكورة على اهتمامج