احسن طيران للسفرات الطويله

[om_katkat]

السلام عليكم

بنات انا مفكره هالسنه بسفره طويييله (انشاءالله ميامي )
و محتاره باي طيران اروح ..تدرون الرحله طويله و ابي طيران مريح و ممتاز
شرايكم بطيران الاتحاد.. انا انشاءالله بالاتحاد على الدرجه السياحيه
تنصوحني فيه & شرايكم فيه
​

 

[almost famous]

آنا مجربة الاتحاد سفرة 7 ساعات تقريبا على السياحية

حبيتها وايد مريحة مشالله و خدمتهم حلوة ;d

و جربت القطرية هم حلوة بعد بنفس مستوى الاتحاد

و الوطنية تهبل بعد

 

[مارياq8]

رد : احسن طيران للسفرات الطويله

ان شاء الله البنات يفيدونج

 

[دلوعة أبوهآ]

طيرآن الاماراتيه ولا أروع ..

 

[om_katkat]

اي انا سمعت ان الطيران مريح و كذا بس شنو الخدمات الي يقدمونها و المميزات و هل تنصحاني اروح فيها لرحله طويله حييل زي ميامي

 

[om_katkat]

الاماراتيه مايدونك الا 20 كيلو للوزن

 

[مزيونة الهيلا]

الاماراتية والقطرية والالمانية اللوفهانتزا

 

[أم@الحلوين]

طيران الاماراتيه وبس

 

[الجوري74]

انا جربت البريطانيه والاتحاد والقطريه مريحه

 

[الشامريه]

ررررفع

 

[&موناليزا&]

الاماراتيه
القطريه

 

[ترف بابا]

الاتحاد والقطرية والفرنسية والبريطانية فقط

 

[!amorra!]

والله التركية اريح وايد من القطريه!!

القطريه تراجع مستواهم واااااااايد

الكراسي صغروها وتحسين الطياره باص وريحه وخنقه

انا كان عندي طيران القطريه التوب ون

بس من كثر مالاجانب يستخدمونه خربوا الطيران صار حده ,low ومو نظيف

حتى الطياره تخنق من ريحتهم وماكو اي ردة فعل من الطاقم

عالاماراتيه كان يشغلون مثل البخار وعطر يعطرون الطياره كل شوي عشان الكتمه والخنقه اما القطريه تلوع جبدج من الريحه وماكو احساس!!

و الخدمة بارده وتفشل

من ناحية الاكل التركيه اكلهم موطبيعي ويعطونج وجبتين رئيسيتن بس الطعم ولا اروع مطعم باسطنبووول

اما القطريه وجبه سناك ووجبه رئيسيه والطعم لج عليه!!

ميزه التركية قليل اللي يسافرون عليه فتقدرين تاخذين سطره كراسي تتمددين عليها

ومايصكر الكاونتر الا على اخر اللحظات يعني لو متأخره يزرقونج

اما القطريه الكاونتر يصكر قبل ساعه بالضبط من موعد اقلاع الرحله!!

واذا ميزانيتج قويه انصحج بالفيرست او البزنس عالاماراتيه صج دلع

وان شالله البنات يفيدونج اكثر

 

[اخت خالتهم]

الإمـاراتيــــة

 

[درابيل كويتية]

لوفتهانزا بالمواعيد رقم واحد بس حطي عليها x بالباقي ( وزن - أكل - خدمة )
عندج البريطانية والهولندية...