احسن فنادق بلندن ؟؟

[PearL]

بنات واللى يعافيكم ... كل وحده اتقولى احسن فندق انزلت فيه بلندن من حيث النظافه والموقع والسعر ..... ابي شي قريب يم الخدمات وسعره معقول ونظيف ,,, وشاكرتلكم

 

[ام رغودة]

مشاركة: احسن فنادق بلندن ؟؟

واللة انا سكنت بفندق جبال دبنهامز بالضبط يحلاتها من عيشة
والفندق راقى ونظيف والغرف كبيرة حتى حاطين لج الاوتى وطاولتة بي اسم الفندق احاول اتذكر اسمة بس موقعة عجيب بنص السوق ما تحتاجين للتاكسى

 

[s3ad]

مشاركة: احسن فنادق بلندن ؟؟

عندج فندق ساس Sas من باب الفندق سيده بو 200 متر شارع اكسفووورد عاد هالشارع غني عن التعريف
ومن باب الفندق يمين شارع اجور رووود واهو 5 نجوم سيكيوريتي واهم شي يوزعووون مكسرات باللوبي والكابتشيو مالهم يهبل والليله تقريبا 100 باوند
ههههههههههههههههههههههههههههههههه كله اكل
وعندج فندق كيمبرلاند توه يديد مسوينة كان عتيج بس الحين قبل 3 شهوووووور واااااااايد صاير غير ونظيف واسعارة معقولة بشارع اجور روووود ... تذكرت فندق جيرجل بس وايد غالي هذا
واذا تبين احد هناك يساعدج انا اعرف واحد خوووش ريال نعرفه احنا من قبل الغزووووو وراح هناااك يترزق الله يوديج اي مكان تبينه حتى لو تبين شقة دقي عليه قبل لا تروحين يضبط لج كل شي ... اذا بغيتي دزيلي عالخاص
وان شاء الله افدتج

 

[PearL]

مشاركة: احسن فنادق بلندن ؟؟

عندج فندق ساس Sas من باب الفندق سيده بو 200 متر شارع اكسفووورد عاد هالشارع غني عن التعريف
ومن باب الفندق يمين شارع اجور رووود واهو 5 نجوم سيكيوريتي واهم شي يوزعووون مكسرات باللوبي والكابتشيو مالهم يهبل والليله تقريبا 100 باوند
ههههههههههههههههههههههههههههههههه كله اكل
وعندج فندق كيمبرلاند توه يديد مسوينة كان عتيج بس الحين قبل 3 شهوووووور واااااااايد صاير غير ونظيف واسعارة معقولة بشارع اجور روووود ... تذكرت فندق جيرجل بس وايد غالي هذا
واذا تبين احد هناك يساعدج انا اعرف واحد خوووش ريال نعرفه احنا من قبل الغزووووو وراح هناااك يترزق الله يوديج اي مكان تبينه حتى لو تبين شقة دقي عليه قبل لا تروحين يضبط لج كل شي ... اذا بغيتي دزيلي عالخاص
وان شاء الله افدتج

مشكوره حبووبه ... كمبرلاند سعره شوي غالي اليله 75 وموقعه روعه عند ماربل ارش ستيشن بس سعره شوى ما يناسينى زين ساس سعره شوى كويس معقوله سعره 100 باوند ؟؟؟ اخاف مو وقت الصيف ؟ وعطنى اسمه بالظبط خل ادوره

 

[s3ad]

مشاركة: احسن فنادق بلندن ؟؟

ساااس مقابل فندق جيرجل بالضبط وبالصيف سعرة يصير 120 تقريباا بس

 

[ظلال القرآن]

مشاركة: احسن فنادق بلندن ؟؟

انا مابقى فندق ما سكنته كل فندق ليله واطلع منه من القذاره والريحه وما ارتحت الابهلتون لندن جبال الهيد بارك صج تحسين انج بفندق

ومره سكنت بفندق اسمه مونت كالم هم يهبل ونظيف واهم شي الحمام فيه بديه سوري بس انا وسواسيه

 

[sadan]

مشاركة: احسن فنادق بلندن ؟؟

عزيزتى pearl

انا سكنت بعدة اوتيلات لكن اذا كانت رحلتج طويلة ترى ماكو احسن من الشقة تلاقين راحتج فيها لان لندن مو مثل الدول الثانية يعنى لازم اوتيل جنج قاعدة بالكويت كل شى يمج

انا عشت فيها ماتحسين روحج غريبة

واذا رحلتج قصيرة عندج سلفرج بالسوق ومونترويال

واحسن لج السفريات تفكج من التعب كله

 

[BaiTotia]

مشاركة: احسن فنادق بلندن ؟؟

أحسن فندقين سكنت فيهم ساس و ماريوت
بس ساس وااااااااااايد أحسن
و أثنينهم موقعهم روووووووووووووووعة و ماتحتاجين تاكسي كله مشي و كل شي قريب منج

 

[PearL]

مشاركة: احسن فنادق بلندن ؟؟

يعطيكم العافيه انا سفرتى تقريبا 6 ليالي بلندن بعدين بروح مانشستر.... وابي سعر كويس وموقع
انا قبل سنتين نزلت بفندق اب ماربل ارش يم كمبرلاند بو 3 ستار يمكن عادى وايد بس الى عجبنى فيه الهدوء بس ابي مكان ارقى شوى ... ابى شي بحدود الخمسينات باليله

 

[BaiTotia]

مشاركة: احسن فنادق بلندن ؟؟

حبيبتي من ناحية موقع عندج ساس و ماريوت كل شي قريب منج حتى سألي السفريات
و أسعارهم ماأتذكر بس أعتقد الليلة أكثر من 50 دينار

 

[Dancing^Queen]

مشاركة: احسن فنادق بلندن ؟؟

ثيستل ماربل ارتش موقعه ممتاز وعند ماربل ارتش اندر غراوند ستيشن ماتتعبين
وابد بظهر نيكست
ساس شوي ابعد
سلفرج غرفه ضييييييييييييييييييييييييييييييييييييييجه مادري شلون مايازلي
تشترشل قديم

 

[كويتية في لندن]

مشاركة: احسن فنادق بلندن ؟؟

www.expedia.co.uk

هاذا موقع شامل كل شي .... حطي الفندق اللي تبينه ويحط لج الاسعار

اذا تبين فندق رخيص بس باكسفورد Mostyn hotel (best western)) هاذا بالسوق واعتقد ليلته ب 80 باوند ويوصل ساعات لي 100 باوند

بس بصراحة مافي على بورتمان ساس .. حلو ونظيف

 

[PearL]

مشاركة: احسن فنادق بلندن ؟؟

www.expedia.co.uk

هاذا موقع شامل كل شي .... حطي الفندق اللي تبينه ويحط لج الاسعار

اذا تبين فندق رخيص بس باكسفورد Mostyn hotel (best western)) هاذا بالسوق واعتقد ليلته ب 80 باوند ويوصل ساعات لي 100 باوند

بس بصراحة مافي على بورتمان ساس .. حلو ونظيف

يعطيج العافيه حبوبه جنج تدرين فكرت اب هالفندق طلع يم فندقى الى نزلت في قبل سنتين براينستون كورت نفس السعر تقريبا والناس الى فيه روعه ذهب والله