احسن كريم مرطب للبشرة الدهنيه

[zzZ-ZoZa-Zzz]

السلام عليكم خواتي كويتيات. حبيت اعرف شنو احسن مرطب جربتيه وفادج البشرة الدهنية لان جد مليت اشتري واقط :eh_s(11):اللي جربت كريم مرطب مضمون وسنع:bbbiu: بشرتها تفيدني وشكرررن:eh_s(4):*

 

[فلورنسيا]

حياتي الحال من بعضه اشتريت اكثر من نوع وبمبالغ وكلهم عزج الله بالزباله الحين اول يوم اجرب مرطب من ماركة cosval اتوقع كلها اعشاب لان كل ما لفيت ويهي شميت ريحته اقلبت معدتي ومادري انشالله خير
وانشالله البنات ما يقصروون

 

[خُزام]

واااااااااااااايد كريمات زينة
شوفي من هالماركات اللي يناسبج منها
lancaster و clinique وvichy و eucerin كلها طبية وزينة مجربتها
بس عموما لما تشترين كريم للبشرة الدهنية أو المختلطة
أهم شي يكون oil-free و لا تاخذين اللي قوامها وايد كريمي ثقيل عالبشرة الدهنية
فيه أنواع يكون مكتوب عليها gel-cream على جل شوي أخف
و من فترة كنت أحوس بالمواقع الأجنبية
وعلى قولتهم حاربي الزيت بالزيت بس تحطينه بالليل
وطبعا مو أي زيت يعني زيتون ولوز ما ينفع كلش
كلارينس عندهم زيت اللوتس للبشرة الدهنية
وزيت الجوجوبا أشوف واااايد يمدحونه كمرطب للبشرة الدهنية يمكن تحصلينه بالصيدليات

 

[al5br]

عندك كريم لوريال بانتعاش الثلج حلوو
وفيه من كلين اند كلير ماجربته
عموما هي زي ماقالت الاخت خزام
لازم تكون oil-free

 

[ii DareeN ii]

احسن شي للبشرة الدهنية السيرم والجيل وخري عن لكريمات كليا الا حق الليل والي تكون اويل فري الصبح لاتحطين اي كريم حطي سيرم انا استخدم كولاجين من استي لودر كولاجين وفيتامين سي فير اند وايت جيل وايد حلو ويصفي البشرة واستغنيت عن اي شي قبل المكياج فيه وايد مريح

 

[&موناليزا&]

عزيزتي رفع لعيوووووووووووووووونج

 

[عزوتي خمس صقور]

رفع حت انا ادور

 

[Gold gem]

رفع معاكم

 

[Lovely_R]

up up

 

[قاهره عذالي]

احس كريم مرطب للبشره الدهنيه هو كريم بيبانثين الازرق