احسن نادي صحي بالمنطقه العاشره

[[]نهاوند[]]

السلام عليكم ورحمة الله وبركاته

شلونكم خواتي ؟؟؟

اتمنى الجميع بخير وبأحسن حال

يالغاليات بغيت اعرف شنو احسن نادي صحي بالمنطقه العاشره يعني يكون زين ومضمون مافيه سوالف تفصخ ولا كاميرات وخلافه وتكون ادارته زينه

ودي اشترك بالصيف بتحرك تعبت من القعده :0bee2e8d89:

ناطره ردودكم :tek:​

 

[[]نهاوند[]]

افااااااااااااااااااااا يابنات

ماهقيتها منكم ليش محد عبرني ​

 

[brooad]

أنا بصراحة مو من المنطقة العاشرة بس بنت خالي كانت داشة نادي ببرج عالية وغالية وكانت تمدحه ... والحين اختها داشته بعد.. تقول نظيف والعهده على الراوي.. وحتى رفيجتي كانت داشته بس من زمان وكانت تقول زين وأسعاره معقوله..

 

[[]نهاوند[]]

أنا بصراحة مو من المنطقة العاشرة بس بنت خالي كانت داشة نادي ببرج عالية وغالية وكانت تمدحه ... والحين اختها داشته بعد.. تقول نظيف والعهده على الراوي.. وحتى رفيجتي كانت داشته بس من زمان وكانت تقول زين وأسعاره معقوله..

مشكووووووووووووووره ياقلبي انج عبرتيني ورديتي علي

بس ولا عليج امر ياليت تسالينها عن اسم النادي واكون لج ممنونه ​

 

[مشغوله و محتاسه]

لو اعرف ما تاخرت بالرد .. انا بعد ادور ..

أنا بصراحة مو من المنطقة العاشرة بس بنت خالي كانت داشة نادي ببرج عالية وغالية وكانت تمدحه ... والحين اختها داشته بعد.. تقول نظيف والعهده على الراوي.. وحتى رفيجتي كانت داشته بس من زمان وكانت تقول زين وأسعاره معقوله..

في تعليم سباحه ؟؟

 

[¤•°أنا غيـk.s.aـر•°¤]

للأسف يا الغلا..


هالمنطقة بالذات نواديها تفشل وأقل أقل من اللي نتمناه..

نادي بودي ستايل "ابراج عالية وغاليه" دخلته شهر ولا كملت للأسف...لأنه دون المستوى

ضيفي على ذالك موقعه المشبوه في هالبرجين ..كلها أمريكان وفلبينيات عيني عينك..

وموقعه في السرداب يروووع ..صراحة .. من ناحية الأمن مو شيء


بعدين لاحظت انه بعض العضوات للأسف رايحين رادين بالموبايلات "كاميرا" لازم تشتكين عليهم عشان يقولون

لهم ممنوع.!!.


مافي سباحه ..طبعاً...

مدري كيف مرت الأيام علي ..وانا فيه لأني ماكملت اصلاً..



اتعنى لنوادي الجابرية والدسمة ..أبرك لي من نوادي العاشرة .صراحة

لا يطوفك نادي فيت الصحي التابع لجمعية المعلمين الكويتية الدسمة...

اشتركت فيه سنة كاملة بــ400 دينار مع 10 جلسات مساج مجانية..

انتي بس روحي ..شوفيه ...وتحسري..على نوادي العاشرة..


استقبال ونظافة واهتمام وذوق وذرااابه ومدربات معك على الرايحة والجايه .. وفصول متنوعة من الرقص واليوغا

والأيروبيكس ..وغيرها كثير كثير...


والأفضل الأفضل فصول :الأكوا: الرياضة في المسبح ..""مسبح اولومبي ارتفاعه 5 امتار وطوله فوق الــ 20 متر واكثر.."



دُمتم​

 

[كويتيه لذيذه]

حبيبتى انه مشتركه فى نادى بالفطاس سبورت كوين يعنى لحد الحين اشوفه احسن من غيره بالنسبه للمنطقه العاشره لا كاميرات ولا شى فى حمام سباحه الاداره وايد حبوبين الاجهزه جديده ولحد الحين هذا احسنهم

 

[sara al3soola]

هلا حبيبتي

امبلا في نادي محترم جدا اسمه كازابلانكا

اذكر مره اشتركت وحده مو اوكي جان المديره قضبتها الباب

في نادي جديد توه مفتوح مارحت اشوفه يم سوق سناء من ورا اسمه المرأه الرشيقه توه مفتوح جديد


وهم عندج اللي بأبراج عاليه وغاليه بس زحمه ومافيه حمام سباحه

اتمنى اكون فدتج حيبتي

 

[MisS ^ B6o0o6A]

السلام عليكم

أنـا بصراحه أضم صوتي لـ صوت أنا غير

أنا كنت داشه هالنادي وصراحه مايستاهل اللي تدشه ولا تحط فلوسه فيه ,, ماكو حمام سباحه ولا شي مثل الناس

كازابلانكا يقولون إنه ريحة الماده اللي يحطونها بحمام السباحه طاغيه على النادي يعني تخنق الواحد

وإذا تبين نصيحتي فيه نادي أنا أمدحه لج لأنه انا رحت وشفته وناويه أسجل فيه بالسالميه وإذا تبين أعطيج أسمه بس مو ذاكرته الحين أشوف أسمه وأقولج عليه إذا بغيتي

وآسفه على المداخله

 

[[]نهاوند[]]

ماقصرتو يالغاليات

بس انا مابي سباحه ابي تخسيس اول شي ويني وين السباحه ياحظي :dddds:

اهم شي يكون مافيه كاميرات والاداره تكون جامده

ANA 3'EER ... زين انج قلتي لي عاد انا ناويه عليه عساس القرب جزاج الله خير يالغاليه والسالميه والجابريه بعيده علي مالي خلق اطق درب خصوصا اني بسجل بالصيف وتعرفين الجو وحنا باليت سايحين حر

كويتيه لذيذه ... ولا عليج امر ياليت رقمه اذا ممكن ومشكوره اختي

ام خالد ... والله سامعه فيه من زمان كازبلانكا والمرأه الرشيقه شفت اعلاناته بالجرايد بمرهم واشوف مشكوره اختي

MisS ^ B6o0o6A ... مشكوره يالغاليه على مداخلتج مثل ما قلت السالميه اذا دشيتها ضعت وانا ابي مكان قريب مالي خلق اطق دروب تعرفين ندور القرب :dddds:

مشكورين مره ثانيه ​

 

[( روونقـ )]

جان زين تقولون لي اكثر عن كازبلانكا اللي جربته خاطري اشترك فيه

 

[sara al3soola]

حبيبتي انا كنت مشتركه فيه قبل شنو حابه تسئلين عنه وانا حاضره حبوبه

 

[om deaj]

ام خالد افيدينا افادكم الله

انا بودي ادش نادي في المنطقة العاشر عشان يم البيت

ابي اعرف جم بالشهر
واذا مدرباتهم زينيين ولا اي كلام؟؟؟

انا مرة قريت في بروشور خذيته من صيدلية في ابوحليفة عن نادي يطرش المدربات للبيت>> الي تعرفه تقولي هم احسنين من الطلعة


كل هالكسل ونبي نضعف خخخخخخ الله يكون في العون

 

[[]نهاوند[]]

يرفع

ياليت اخت ام خالد تردين على اسئلة البنات ولا عليج امر ​

 

[om deaj]

للرفع

 

[& شهد &]

انا مشتركة بنادي المراة الرشيقه

يهبل احسن من كازبلانكا واللي مو تمام طرد على طول

والمدربات على مدار الساعه وجلسات المساج عجيبه

والاجهزة حديثه

 

[هجورةالحلوة]

Palance And Morehe هذا النادى صاحبتة ياسمين الصباح وعندها اجهزه غريبة وشفيها المتاطق العاشرة الناس يتعنولها من اخر الدنيا

 

[om deaj]

حبايبي الي تحط اسم معهد خل تحط لنا تجربتها وارقامهم لانه الي حطت الموضوع ماحطته ن فراع الا لانها تدور ومو لاقية خل نفيد >>>>بصراحة ابي استفيد بعد خخخ

 

[sara al3soola]

هلا بنات نادي كازا بلانكا الاشتراك ب40 دينار محترم المدربات فلبينات..

مديرته لبنانيه

في حوض سباحه متوسط مو كبير ولا صغير

امممم شنو بعد

محترم وفي اجهزه حلوه وفي سونا وبخار وصاير بسرداب روحو زوروا احسن وشوفو بنفسكم بنات

 

[أم مرزوق]

حبيبتي ما قصرتي ما عليج امر عندج رقمهم