احسن نادي صحي بالمنطقه العاشره

[sara al3soola]

والله رقمهم مو عندي حاليا..

اتعرفين اشاره المنقف اخذيها يسار.. تمشين تشوفين الهاتف الاوروبي وانتي ماشيه في فوق تحت اخذيها تشوفين عماره ورديه مكتوب عليها معهد كازابلانكا باللون الاصفر حيل واضح لون العماره حبيبتي

 

[& شهد &]

انا بالمراة الرشيقه ورقمهم
3912525

اجهزتهم حديثه مو مثل كازبلانكا قديمه ومتهالكة والتكييف عندهم خرطي ولما المشتركات رعترضوا قالوا نعطي التكييف حبة بنادول

والتدريب بالمرة الرشيقه على مدار اليوم يعني لو تفوتك الحصه الاساسية في مدربه معاج تحت تدربك

 

[[]نهاوند[]]

يعطيكم العافيه خواتي ما قصرتو

شهد حبيبتي يعني تنصحيني اسجل فيه ؟؟

قربت اعطل وابي ادش نادي بتحرك واخفف مليت من القعده

اهم شي يكون المكان محترمه ومافيه كاميرات​

 

[[]نهاوند[]]

Palance And Morehe هذا النادى صاحبتة ياسمين الصباح وعندها اجهزه غريبة وشفيها المتاطق العاشرة الناس يتعنولها من اخر الدنيا

يالغاليه هذا وين مكانه ؟؟

وكم رقمه ولا عليج امر ؟؟​

 

[راعية الذيب]

السلام عليكم

انا بصراحه رحت لمعهد المبرور لكن للاسف ما لقيت فايده فيه يعني التدريب مو هذاك الزود وبصراحه انا عندي عتاب اللي فيه يعني في غرفه اللي يم المطعم بنات يقعدون فيها واغلبهم يدخنون

وهذا اللي خلاني ما اكمل فيه


وانا ودي باي نادي مضمون واوكي كل شي فيه بمنطقة السالميه واللي اتعرف تكفون لا تبخل بوضعه هني

وتسلمون

 

[هجاين]

النادي اللي يم سوق سناء صراحه مكانه يخرع وحاطينه يم سكن العزاب للاسف

 

[& شهد &]

هلا وغلا نهاوند

النادي رهيب وكانه عادي

شارع الخطاطين يعني تصفطين السيارة وتنزلين للنادي

والحمدلله النادي متروس حريم والحمدلله لي فيه اكثر من 3 شهور ما شفت فيه الا كل خير

واهل النادي فيهم خير والعمارة اساسا
استخيري وشوفي والنادي بعيد مو يم سناء بالضبط بينهم شارعين على الاقل

 

[أسرار الطبيعة]

ما عندكم فكرة متى يفتح نادي الاتحاد ؟

 

[& شهد &]

لا والله

اول مرة اسمع فيه

وين مكانه

 

[شوارفسكية]

كازبلانكا للتخسيس الصجي بأختصار موو للدلع مدرباتهم يشتغلون من صج وهذي تجربه شخصية

 

[& شهد &]

كازبلانكا احسن ما فيه هالمدربتين صراحه يعطون من قلب

بس الاجهزة قديمه ومصديه ونفسية المديرة الاردنية حدها خايسه كانك تطرين منها

 

[مهااوى]

اختي اذا تبين نادى بالمنطقه العاشره في نادى توني مسجله فيه روووعه كلمة رووعه قليله عليه شنو ذرابه شنو سنع وبعد محترم ممنوع تدشين والنقال بيدج قبل كل شيء تحطينه بالدرج الخاص فيج وبعد حده نظيف وكل شيء راهي فيه

لوووول نسيت اقول اسمه نادى المراة الرشيقه وراى سوق سناء وعندى رقمه بس بالحزه هذى ما اقدر احطه ليش ان بالكبت واختي نايمه اخاف تستنفر علي

المهم

الاشتراك فيه 40 دينار من الساعه 10 الي الساعه 8
والاجهزه كلها يديده وربي اني يوم لعبة فيها يومين ما قدرت اتحرك والمدرباااات رووووعه وانتي تلعبين ييبون لج ماى وكلينكس ويوقفون معاج ويعدون لج

من غير غرف التبديل فووق 20 غرفه ولا الشور ماكو زحمه

تعبت المهم سجلي والله ماراخ تندمين

ومابي الا الدعاء وعلي فكره كل الموجودات محترمات وممنوع الموسيقي

ااااه بس

 

[طفوش]

عطيكم العافيه بنات انا كنت ادور نادى فى المنطقه العاشره لرفيجتى

والف شكر لكم

 

[كويتيه توب]

بصراحه النادي اللي بعاليه وغاليه يلوع الجبد وعمري ماشفت وحده تمدحه خايس ..

 

[زيزو]

للرفع

 

[ام جميلات]

يابنات وحده قالتلي عن نادي المرأة الرشيقة حلو بس زحمه اللي مشتركه اتفيدنا صج هالحجي؟!

اتقول من كثر الزحمه تنطرين دور عشان تلعبين عالاجهزه!!

تكفون فيدونا