احس الدنيا بعيني ظلمة..بنات زوجي يمكن في الايدز

[عصفوووورة]

سلام عليكم

بنات لي شهر تقريبا وانا مو على بعضي لاليلي ليل ولانهاري نهار

احس بقلق موطبيعي

كرهت الدنيا وكرهت كل شي يونس فيها

كرهت حتى الاكل والنوم والطلعات ماحس بشي ابد

قلبي مقبوض واحسة يبكي

ماعرف شنو اقول بس بغيت افضفض عندكم لاني تعبانة نفسيا

بنات انا متزوجة وماصار لي سنة..طبعا ماعندي عيال

زوجي يشتغل بالمستشفى وخاصة انة طبيب للامراض المعدية

وتجيهم حالات شكثر من الشباب الله يهديهم فيهم مرض نقص المناعه الايدز..لكن هو ياخذ تطعيمة ضد المرض

بس هذه التطعيمة تمنع المرض منه تقريبا 35% يعني مو اكيد وهم ياخذون احتياطاتهم من اللبس اللي يمنع العدوى وكل شي تمام

داائم يحكيني على المصابين ويتقطع قلبي عليهم خاصة بعضهم شباب 20سنة واقل واكثر

ويحكيني انهم مسوين لهم عزل عن العالم اللي حالتهم مستعصية جدا

ماتخيلت يوم من الايام بنوقع بالمصيبة

بنات قبل شهر زوجي اخذ اجازة من العمل وهيا اجازة رسمية كل سنة ياخذها بس اختارها هذا الشهر

انا استغربت منه سالتة قال برتاح..طبعا صاير لونة اصفرر..مايقربني ابد هذا الشهر ماجا بصوبي..وهم استغربت مومن عادتة

سالتة وحلفتة بربة يشكيلي همة

ذيك الساعه نزل علي ذكاء واتنبهت قلتله انت خائف انك مصاب بالمرض الله لايقولة

قال تبين الصراحة اي..ضمني وصار يبكي قطع قلبي ولكن وقتها خفت على نفسي لان مية مية انا مصابة مثلة

وللة يبنات حسيت كانة قطعه سودة قدام عيني مرت ماقدرت بشنو اعبر حسيت كان عزرائيل بالبيت معنا يارب رحمتك

اي نسيت اقولكم اول ماخطبني عرفنا انة يشتغل بالمكان الخطر ونصحوني اخذ تطعيمة فقط للامان وهيا تمنع عني المرض بنفس النسبة 35%

المهم انتظرنا حتى جاء يوم سادس العيد ورحنا سوينا تحليل لهذا المرض والنتيجة تتطلع بعد اسبوعين لانهم ارسلوها امريكا

ولحد الحين وانا على اعصابي

صح اني الحين بعيدة عنه ورحت بيت اهلي لان باخذ فترة نقاهه بالبيت احس بس كئيبة وافكر في النتيجة

ياعمري عليهم امي وابوي مايدرون عن شي بس امي كل يوم تسالني شنو فيك لان وجهي صاير لونة متغير والاكل واللة ماشتهية ابد طبعا مو من المرض من الوسوسة اكثر شي

خلاص ماقدر اعبر اكثر صدق ماني عارفة شنو اقول بس ادعولنا نتائجنا سليمة

بنات لو زوجي الف من غير شر طلع فية المرض كيف اتركة اولا؟؟احبة من قلب

واذا تركتة اكسر بنفسة لان ماراح احد يقبل فية

واذا جلست عنده اخاف امووت من الوسوسة وماعيش حياتي لان كل يوم اخاف المرض فيني

ياللة يارب رحمتك يارب :eh_s(11): طلعت نص اللي بقلبي لان حتى اهلي خواتي مايدرون اخاف امي تموت من الخبر يارب :eh_s(11):​

 

[خالف تعرف]

حبيبتي الله لايقوله ان شالله وبعدين بشرينه بالنتيجه ان شالله مافيج شي
واذا مافيج المرض وفيه اكيد تركيه لان لو فيج ومافيه بيتركج

 

[انمي 14]

يالله يارب انشا النتايج سليمه و انشا الله ما فيكم الا العافيه

و يبعد عنكم الشر

 

[الشهد كله]

ألف سلامة عليكم وما تشوفون شر إن شاء الله

ويارب تطلع النتايج إيجابية :yaaaaaarb::yaaaaaarb::yaaaaaarb:

طمنينا عنكم إذا طلعت النتيجة ​

 

[Gifts&Occaions]

انشالله مافيكم الا العافية

 

[انا لحبيبي .]

الله لا يقول وان شاء الله مافي شي يارب العالمين ،

مدام زوجك ماخد الاحتياط اطمني ، الله يكتبلك انتي وزوجك الخير يارب

والايدز ما بيجي بهالسهوله ابدا حبيبتي ،ـ

 

[دلوعة حمني]

الله يحميكم من شر المرض ... و ان شاءالله تطلع النتيجة سلبية يا رب العالمين

طمنينا حبوبة

 

[رووح ابووها]

ان شاء الله النتايج سليمه

 

[LadY BuG 80]

سملله عليكي و عليه لا حبيبتي اشلون بيجيه المرض ؟؟؟؟؟؟ مستحيل الا اذا انجرح و لمس دم فيه ايديز ؟ او عن طريق الجنس ! فقط اشلووووووووووووووون ينتقل له ؟؟
مستحيييييييييييييييييييييييل ينتقل له ,, طيب يوم قالك انه شاك كان قلتي له شلووووون ؟؟؟؟

ما اصدق صراحه كان ماسفنا دكاتره تتخصص امراض معديه ؟؟ الامراض الي ينخاف منها تنتقل لطبيب الي عن طريق اتنفس و هم المس ما عاد منها خوف تعقيم و غلفز ..

هو دكتور و متخصص و انتي فاهمه . ما سألتي اشلون تشك انك مصاب ؟ و كلنا نعرف اذا ما مارست الجنس مع شخص مصاب او سويت نقل دم ملوث مستحيييييييييييييييييييييييييييييييييل يصاب يهلمرض

 

[ДlИООЯУ]

ماكو الا العافية ان شاء الله
ترى بشكل عام اللي يشتغل مع ناس مرضى دايما يوسوس انه تعادى منهم
مثلا دكتور في مكي جمعة دايما يتهيأ له ان فيه سرطان واي اي الم يحس فيه يعتقد انه سرطان
دام الحمد لله ريلج وانتي ماخذين التطعيم وهو حريص من ناحية اللبس في المستشفى
ان شاء الله ما كو الا العافية
شي ثاني حبيبتي
خليج مؤمنة ان لو ربي كاتب على انسان ان يصاب بالايدز او اي مرض ثاني بيصيبه حتى لو ماخذ احتياطاته والعكس صحيح
فاعتمدي على ربج هو مسبب الأسباب ودايما انتي وريلج لا تخلون أذكار الصباح والمساء مو بس عن هالمرض
عن كل شي ممكن يصيب الانسان

 

[كويتية نايس]

• انشاءالله تكون النتايج ايجابيه

 

[honey 2010]

انشاء الله ماكو الا العافيه حبيبتي والبنات صاجين ما ينتقل بسهوله بس لا توسوسين

 

[ام فهودي دودي]

لا تخافين وخلي ايمانج بالله قوي الي الله كاتبه بيصير سواء النتيجه سلبيه او ايجابيه انشاالله تطلع نتيجه لصالحكم انت الاثنين كثر ماتقدرين كثفي دعائج

 

[al_maleka]

لا حبيبتي ان شاء الله ما فيج الا العافية ولا توسوسين
انا في مجال طبي وياما درسنا عنه
اهو مرض خطير بس ما ينتقل بذيج السهولة اللي انتي متخيلتها
وبعدين في حرص جداا من المستشفيات للدكاترة اللي مثل زوجج
ان شاء ماكو الا الخير
وبشرينا بالنتيجة

 

[قمرهم كلهم }..]

مافيج الا العافيه يالغبيه ليش تفاولون على نفسكم؟؟؟؟؟؟

اصلن انا سالت ولد عم الوالد جراح مخ بالاميري لمن كان جارنا عن امراض الايدز يقول حتى لو يكح بويهج مايصير فيج شي

وينتقل المرض عن طريق الدم والجنس بسسسس وان شاء الله مافيكم الا العافيه واهو ياحظي ما ينقل ويرتاح؟؟؟

 

[ديانا سبنسر]

احس انكم موسوسين ونتايجكم ن الحين اقولها لج سلييييييييمة وقولي ديانا قالته

 

[كراميلا مرة]

الايدز ماينتقل بسهوله ماينتقل الا عن طريق الجنس وعن طريق نقل الدم الملوث
شلن خايف انه ينتقل له وهو دكتور اكيد ماخذ احتياطاته

 

[بسوين]

حبيبتي لاتوسوسين انتي ورجلك يمكن مافيه شي
اساسا مو بالسهوله ينتقل الا بالعلاقات ونقل الدم يمكن مرض ثاني بعدين اعرضه تتشابه مع امراض كثير هو كيف حكم على نفسه قبل مايفحص وهو دارس ومتخصص

 

[viva la glam]

ان شاءالله نتايجكم سليمه

 

[ثريا الكون]

امبيه هذا دكتور ويقول جذيه حبيبتي الايدز عمره ما ينتقل بالهوى واللمس شسالفه @@@@@@@@ والله ريلج امره غريب بدال لا تشتكين همج روحي اقري عن المرض حبيبتي وشوفي شلون ينتقل ولا الكلام ما يدش العقل​