احس الدنيا بعيني ظلمة..بنات زوجي يمكن في الايدز

[صبرت ومل الصبر]

الله يخليه لج ويحميكم من الامراض

 

[دلوعة صلوح]

يارب ياكريم مافيكم الا العافية وتطمنين وترجعين لزوجج يارب العالمين.

 

[أم الأسلوب]

جم مره تعيدين الموضوع الله يكافينا شر الامراض واذا صار ماصار هذا يومه شسيوي بعد

 

[مألوفة]

حبيبتي العدوى تكون بسبب الممارسة الجنسية او نقل دم مصاب لشخص سليم واهني تتم العدوى

وترى المصاب بالايدز ما يبين معاه المرض بها السهولة اصلا يبيله اربع سنوات على ما يعرف ويحس والاهم من هذا كله مع الادوية ممكن يعيش اكثر من 12 سنه

وبعدين ساليه لان الموضوع انا ما اشوفه جدي فالمرجو التوضيح واذا صج الله يبعد عنكم الامراض ويحفظكم يا رب

 

[سنفوره8]

دفعو صدقه وعليكم بقيام الليل
وان شاء الله النتائج سليمه
وطمنينا

 

[دآنة آلرشآيده]

طمنينآ عنج؟؟
ان شاء الله ماكو الا العافيهـ​

 

[فاقده ابوهاااا]

لا تحاتين ان شاء الله مافيكم الا العافيه والايدز ما ينتقل بهالطريقه لازم عن طريق الدم والمعاشره يعني مافي داعي للخوف

 

[نونه المنكوشه]

ان شاءالله مافيكم اله العافيه بس على اى اساس قال انه فيه ؟

 

[اميره1980]

ما تدرين يمكن الله له حكمة بهالشغلة و ان شاء الله ما فيكم شي
يمكن الله يبيج تتقربين منه اكثر
حطي همج عند رب العالمين و فرشي سجادتج و صلي و اعملي خير و ان شاء الله تبشرينا باخبار طيبة

 

[no0o0o0r]

إن شا الله االنتايج سليمة

 

[أم أنور]

واااي شنو هالشغله ان شاءالله اذا مافيه شي خل ينحاش
ابتقعدون طول عمركم اتحاتون جذي

 

[مــســك]

رجلج يوسوس .. وانتي صرتي مثله توسوسوون بالمرض ..الله يكافينا شره ..


وبعدين هالمرض ما ينتقل الا عن طريق الجنس او الدم ..؟؟



شلوون حط باله انه فيه ..؟




الله يحفظكم منه ..



وطمنينااا ..:/

 

[رمانه كويتيه]

عليكم بالدعاء والاستغفار

 

[miss_jamsheer]

امبييييه الله يكون بعونج يارب ويطلع مافيكم شي خرعتيني بليز طمنينا اولماتطلع النتايج وخل يدورله شغله ثانيه اتخرع هالشغله استغفر الله

 

[فلنتينو]

الله يستر انشالله

 

[لاجل عينه]

ياحياتي عصفوووووووره
ان شاءالله ماكو الا العافيه وتبشرينا بالتحاليل السليمه
انتي بس لاتوسوسين ياقلبي
وطمنينا عاد ترا نحاتيج فديتج

 

[عصفوووورة]

حبايبي عسا ربي يبعد عنكم الاحزان ويدخلكم الجنان بدعائكم وتخفيفكم علي

بحاول ارد على ردودكم لاني قريتها يعطيكم العافية بنات

اللي تقول كيف عرفتي ان زوجك فية وهو اخذ احتياطات

بنات زوجي قبل فترة يمكن شهرين جرحتة حديده وقت يصلح سيارتة والجرح شوي عميق

طبعا وقت مانجرح بالعمل عطووة اجازة عشرة ايام حتى يلتئم الجرح لانة عميق ويخافون توصلة العدوى ولو كان هذه الطريقه من العدوى ضعيفة مرة
لان ماينتقل الايدز الا من الاتصال الجنسي ومن نقل الدم ونقل الاعضاء والمخدرات هذا اكييد وينتقل احتمال ضعيف اذا الشخص مجروح وجاء علية دم من دم المصااب

وهذا الاخير صار لزوجي بعد العشرة الايام بالاجازة اللي عطوة اياه التئم جرحة اللي بيدة بس مو مية مية يمكن خمسين بالمية لان مثل ماعلمتك كان شوي عميق

وهو ينقل الدم من انبوب لانبوب سقط دم المريض على يدة المجروحة لان الجرح كبير وعريض والتئم نصفه مع انة المفروض لابس لبس كامل يمنع العدوى بس الله يهدية مالبس اللي يغطي اليدين مدري شنو تسمونة انتم لان ذاك اليوم ماعندة شغل بس اظطر لهذه الشغله

المهم هو وقتة ماصار فية وسواس ولاشي كان يوم عادي جدا ولافكر اصلا بس بعد اسبوع يمكن او اكثر شوي صارت عندة حرارة بجسمة استمرت 4ايام وطلعت لة حبوب صغيرة في منطقة خاصة في جسم الرجل(ماقدر اقول اسمها حفاظا على الذوق العام للمنتدى)

وهذي من اعراض المرض عاد تذكر انة نزل على يدة الدم المصاب

وعلم صديقه وسوى تحليل بنفس المستشفى(موشي جديد لما يسوي تحليل لان واجب على كل موظف عندهم كل ست شهور يسوي تحليل يتاكد انة مانصاب بهذا المرض)ولما سوى تحليل طلعت نتيجة التحليل احتمال ضعيف فية المرض بنسبة5%وهذه النسبة ضعيفة مرة وهو يقول لان المرض مايبان بالتحليل الا بعد مايمر على المصاب 3شهور
والنسبة ضعيفه لان مامر علية ثلاث شهور

وكمان مدري يطمني او يطمن نفسة يقول داائم يعملو لناس شاكين فيهم وتتطلع نسبة اكبر من كذا ويكون مافيهم شي <<مدري شلون تصير

المهم حنا ارسلنا تحليلنا لامريكا لان الاجهزة اللي بالغرب تطلع النتيجة حتى لو المصاب مر علية يومين من الاصابة بالمرض

اما اللي بلدنا ماتطلع النتيجة الا بعد ثلاث شهور


وهو زوجي بعد ماصارت فية اعراض طار عقلة ومات خرعه وانا اكثر منة يارب رحمتك الواسعه:eh_s(11):
ادري طولت عليكم بس

 

[عصفوووورة]

ملاحظة

بنات اللي تقول كم مرة تعيدين الموضوع

انا نزلتة هنا اول شي ومانزل الظاهر حجزو عندهم المشرفات والحين نزل

ورحت نزلتة بالمشاكل الاجتماعية

 

[أم قـمبر]

لا توسوسون ما فيكم الا العافيه
الإيدز مو مثل فايروس الكحة يتنقل بالجو
مثل ما قالت يكون بالدم او الاتصال الجنسي

 

[أم قـمبر]

توني اقره ساله الحديدة
ما عليه ان شالله ما فيكم الا الخير لا تخافؤن الله كريم