احس اني صرت قوقعه من كثر الانعزال

[ديانا سبنسر]

اب اب

 

[!الجادل الصعب!]

لا تنطرين جيرانكم يعزمونك
انتي سوي عزومه خفيفه ةاعزمي جربي الوضع
انا عن نفسي عادي اندمج مع حريم كبار ..

جربي تدشين دوره يومين بالاسبوع ماتوقع بتنشغلين
حيل عن بنتج فيها
تعرفين علا ناس و وجوه جديده
اخذي لج هوايه وتعرفي من خلالها علا بنات بمنطقتج
انا ادش منتديات سعوديه ماشالله قسم الهوايات البنات شعله فيها
نشاط وسوالف حلوه


موفقه يارب
انا مالومج الوحده تملل .. انا اول زواجي بغيت انفجر من الملل
فبيت حموله بس ماكو احد فاضي !

 

[modern]

عادي لا تسويها مشكلة بس تكبر بنتك حياتك تتغير و حتى الحين وضعك مو بصعب سهليها بتسهل

 

[طموحه بزياده]

حاسه فيج الفواغ يتعب نفسيا


جيبي عيال اكثر ةانشغلي فيهم

 

[Moim]

ما عندكم نادي حق حريم ويهال ؟ احنا عندنا نادي عائلي تقدرين تشتركين انتي وبنتج بنفس الوقت نادي سباحه او رياضه وبجذي تكون بنتج تحت عينج
اذا عندكم نفس هالنادي اشتركي وراح تستانسين

 

[بحرينيه كوول21]

شغلي نفسح بالتلفزيون وو النت والقران وماشاءالله تبارك الرحمن انتي عندج بنت شغلي نفسج فيها وبتعليمها ولاعبيها
والله صدقيني يضيع الوقت كله *

 

[انت غلاي]

سجلي بدار تحفيظ صدقيني بتستااانسين وتتعرفين على بنات وتحفظين قرآن وبنتك بحضانه تبع دار التحفيظ

 

[احب الخبر]

شكرا بنات علي تفاعلكم ...
والله ما توقعت احد بيعبرني .. :eh_s(8):

للي اقترحوا الجيران .... واللهي مره صعبه ..

زوجات ربع زوجي .... كبيرات ... لانه اكبر مني بكثير ... و عموما هو مو مره علي فكره اني اتعرف عليهم .. اقترحت عليه ... بس دايم احس ما يتحمس ابد علي الفكره ..

القراءه و القران و الهوايات و النت و التلفزيون شي جميل و اسويه بس ما يبعد عني احساس القوقعه و التقوقع

يعني .. اكثر شي ممكن يمشي معاي احاول اشترك في دوره او صالون .. يعني ... بس ما بعد جبت سوااااااااق :eh_s(14):
افففففففففف ما عمري حسيت بالقهر ان الحريم ما يسوقون زي لما عشت بالرياض ... :eh_s(14):

للي تسال ليه ما اروح لاهلي كل ويك اند ... بالسياره المسافه 4 ساعات .. تقريبا ... :eh_s(2):
انا كل شهر اروح لهم

سالفه بيبي ثاني ...:eh_s(1): لا والله ما اقدر الحين ... و زوجي رافض الفكره .... يبي ناجل كم سنه

و ارجع اقول الحمدلله علي النعمه بنتي طيبه زوجي طيب ،،،، بس فيه شي مهم ناقص و احتاج اكمله و انشالله بقدر ......

<<<<<

قبل الزواج كنت موظفه و ارجع من الوظيفه طلعات مع البنات ... و دايم فيه شي مميز علي الاقل 3 الي 4 مرات في الاسبوع ...:rerrerek:

الحين اكش ذبان :eh_s(4): افرح اذا صار فيه جمعه عند اهل زوجي :ggdw: اقعد بالاسبوعين و ثلاثه ما اشوف احد :eh_s(2):

يا رب تصير لي جمعه و استانس فيها و اكشخ و اضحك و احس اني فرش ... :yaaaaaarb: ياااااااااا رب

يا رب انك تسخر لي شله بنات طيبات وسيعات صدر من حيث لا اعلم ...

 

[الريم اللعوب]

صباحك عسل
انا وضعي موغيييييييير عن وضعك بكثير
انا في الرياض واهلي بالجنوووب
وعندي بنت وولد
لوتبيييييييين نفلها سووا ونصير خوات
ماعندي مانع نتعرف على بعض بالواتس اب
انا في الشمال

 

[منال $]

والله حبيبي حاولي تشغلي نفسك باشياء ثانية مو معقول ما عندك جارات قرايب زوجك
زوجات اصحاب زوجك تزاوري معهم
روحي سجلي بمعهد كمبيوتر رولا لغات ولا طبخ ولالا حتى تجميل ولا نادي صحي اكيد بالمراكز بيكون في حضانة بتكون بنتك معك
منها بتتعرفي عاناس جديدة وبصير عندك حياة اجتماعية
او انك تحكي لزوجك انك بدك تسشتغلي يمكن مايعارض حتى لو انة مابيداوم الا يومين او ثلاثة بالسبوع جربي

 

[د-سوسه]

انا حاسه فيج ..لان انا انعزالي ووحدتي اختياريه
سبحان الله عندي بنات وايد يحبوني ويبونا نتيمع ونطلع بس انا طبعي بيتوتيه ..احس اني ماحب اضيع وقتي بكلام وسوالف بس ..ومااتقبل ان احد يدخل بحياتي او يقعد يسالني عن اموري الشخصيه وهذا طبع الناس لماتحتكين فيهم وايد يبون يعرفون كل شي عن حياتج ,,مع ان تدرين انا طبعي كتومه والبنات بسرعه يرتاحولي ويفضفضولي ويستشيروني بس انا ماحب اتكلم الا حق احد احسه فاهم راح يفيدني ووالله ماابالغ صديقاتي وخواتي يقولولي ماكو احد مثلج انتي تقولين الي احنا حاسين فيه من داخل وموعارفين نعبر عنه ..بس من كثر مابالغت بطبعي هذا صرت مااحتك باحد وايد -حتي خواتي -والغريب اني موحاسه بالوحده
فوق هذا زوجي متعلق فيني وايد ويومه كله يقضيه معاي حتي لو يروح حق ربعه بين فتره وفتره مايطول ..بس قايله اني بسويلي جدول انظم فيه حياتي مره ثانيه وادخل العلاقات الاجتماعيه فيه
طلعتج موضوع ثاني بس مادري ليش من اسلوبج ارتحتلج وقمت اسولفلج
شوفي..عشان اجاوب علي سؤالج من ضمن الاشياء االي اسويها بلبيت (الرياضه)..مع انه عندنا نوادي حلوه وكنت اشترك فيها قبل بس انا كنت اتضايق من زحمه الطريج وانا رايحه النادي لان النوادي الحلوه عندنا بالكويت باماكن مزدحمه فحليت هالسالفه بديفديات الرياضه بالبيت طلبتهم من النت وقمت التزم اتمرن فتلاقين اليوم مال التمرين هذا ضايع -لان عندي دوام- لان التمرين ياخد ساعتين غير وقت الشور وجذي ..والحمدلله جسمي وايد حلو مع اني يايبه عيال
(الكتب) انا احب الكتب النفسيه والعلاقات ..احسه كان احد يسولف معاي ..حتي لمااتضايق اقراهم اشوف نسبه تفاؤلهم احس كانه طاب خاطري احسن من لما اكلم احد ويقعد يقولي هذي الدنيا والله يعينج ويحسسني اني بمصيبه كبيره مالها حل ..والا اقل مافيها يستخف بمشاعري ويقولي حمدي ربج ..
(النت) في مواقع مفيده وحلوه مثل مجله الابتسامه او موقع مملكه بلقيس يسوون دورات حلوه ومواضيعهم مفيده وحتي تقدرين تصيرين مشرفه والتزامج مع الموقع بيحسسج انج صرتي ملتزمه لان نص احساسج ياي من شعورج بالفراغ ..

انا ادري انتي تبين احد يسولف معاج بس هذي حلول مؤقته تضيعين فيها وقتج عشان ما تكتئبين ويروح منج شعور الوحده ..

بالنسبه للجيران ادري انهم كبار بس انتي ممكن تصادقين بناتهم ..جناينهم يعني اكيد راح تلقين وعلاقل اذا ماعندهم اذا عزموج علي مناسبه مثلا ممكن تلقين احد من المعازيم - خليها خطه علي المدي الطويل- ابدي انج تدزين حق البيت الي اتشوفينه حافل حلو او طبق بين فتره وفتره ولما يدقون يشكرونج قوليلهم ان ودج ايون عندج عشان تتعرفين عليهم وطبعا مدام اهم الكبار وانتي الي باديه اهم الي بيبادرون يعزمونج ومن هالبيت بتعرفين علي الباقي
هذي شويه افكار ..وحيااج الله علخاص باي وقت

 

[الحائررة]

عندك زوجك عطيه كل وقتك وببنتك

اللي مو متزوجة وش تقول محبوسة بين اربع طوف لين تنقبر

 

[$$king moon$$]

بعدعمري سوي صداقات بالمنتدى
واذا تبين انا اول وحده

 

[Kensington]

اعزمي اهل زوجك بين فتره وفتره عندك بالبيت وسوي جم كيك عه حلوه
وسوي طبق حلي او شي وارسلي لجارتك وخلي الخدامه تقولها وين البيت
واكيد هم بيطلبون رقمك عشان يتعرفون عليك
انا سويت كذا لان وضعي قريب لوضعك
ارسلت مع شغالتي اليوم الثاني هي ارسلتلي برضو مع خدامتها ورسلت رقمها
وصرنا نزور بعض وهي طلعت نفس حالتي ودها تتعرف بس مومتجراءه

 

[سنفورره]

نفس المشكله بس انا بالكويت واخلي قريب بس الوحده حيييييل مضايقتني
الله كريم
حاولي تجيبين اخو او اخت لبنتج وراح تتنشغلين بتربيتهم

 

[دريم]

مالج الا الله ثم التحفيظ عجيب يابنات يومي كله ززحمه مع اني عاطله بس التحفيظ والقراان يملا عليج حياتج
واخذي بنتك معج عاادي