احس اني ضايعه وتعبت تفكيرر

[غارقة بأحزانها]

ياااااليتني اخذه رجال دايم في مجاااالس الرياجيل ...هذا طبع ابوووي واخوواني ..زوجي الله يخليه لي بيتوووتي ناااااشب باالحلق لايروح ولايجي ومن عرفته ماله ربع الا باالدوووام ...لايرووح لاغداء ولا عشاء ولا ديوانيات وان تهووور تهوووور راح لعررس؟؟؟اقوله رح مع الناس والريجيل تعلم من الريجيل سلووومهم وطبااعهم ..قال قرق فااااضي ماني ناافعهم ولا بهم نااافعيني ...ييييييييييييييه مليت وسكت...

حرام عليج
انتي بنعمة مو حاسة فيها
الله يهنيج بس
لاتقولين جذي

 

[شواخي]

انا ماقولج سكتي وطنشي وموتي قهر

يبا روحي له وشفتي الكلام ال كتبتيه

كلللللللله قولي له


من افلام ومن اسلوب ومن ديوانيه ومن برامج


ترى الضغط يولد الانفجار

الحين توج بيبي جديد وتعبانه نفسيا ولا شغاله وبعد يزيدج من حركات و خرابيط لا يبا

كلميه و خلصي و بردي جبدج ياقلبي

اما لو تسكتين و تشيلين بتنفجرين وبتطلبين الطلاق الله لايقوله

وانتي ماشاء الله عليج حليوه ودينه كلميه باسلوب حلو ،،جذيهسوي له غدا زين و لبسي وقولي له ،،

 

[Om_Ksha]

انا مع ورده الحياااااه
وترا حتا انا ديوانيه ريلي بالبيت وووصفج لحال ريلج نفسي بالضبببببببط ،، يطل علي دقيقتين ويروح لهم جنه منحاش ،، كنت اتضايق وليلحين اتضاااايق وماحط بخاطري اتناقش وياااه ليما قال خلاص اصعد ١٢ قام يصعد هالحزه وساعات ١ ونص يعني نعمه ،، وساعات يخورها بس شنسوي بعد انطووف
مع انه والله اول ايام زواجي وانا عروس يصعد ٥ الفير ،، اهوا متعود على هالعيشه ،،،

عاد كنت اقزرها نت تخيلي قبل مشاركاتي ٢٠٠٠ الحين من كثر مجابل المنتدى صارت ١١ الف !!
يعني الهي روحي اقعد مع بنتي وترا نفسج هم توني والده ،، واول بيبي ،، اقعد عند خالتي وحمواتي ،، يزوروني خواتي يعني تقزر وانشالله بتعلم اطبخ اسوي شي مفيد ،، ورمضان ياي

انا عالاقل متطمنه انه ريلي تحت عندي اللي مستغربه منه ربعه اللي ٢٤ قاعدين شلون حريمهم مخلينهم شلون واثقين انهم بالدوانيه مو بمكان ثاني ،، وعلا قولتج مايستحون يقعدون قعددددددده جنه بيت ابوهم واذا صار الليل ووقت النوم ينشبون فيه مايصعد !! عله ،،،

شكلي بحط موضوع عن الحريم اللي ريايلهم دوانيتهم بالبيت شسون وشنو روتينهم وشنو المفروض يصير متا ينزل ويصعد ،،

وترا ريلي غدا عشا مايقعد معاي !!!! شرايجي تحت مرتزين ينطرونه والله ساعات يحقرهم ويصرفهم وماكو فايده يصرف واحد الباجي ياين ليما اشوف مشالله السيارات ترست المكان فيضطر ينزل لهم ،،

متا يقعد معاي في حال راحت علينا نومه وطاف موعد الغدا اهني يضطر يتغدا معاي ؟!! وهم علا قولتج بالطلعه ركضه ركضه اندش ناكل نطلع علااااااطوووووول ،، ربعه ينطرونه ،، ولا في مباراه ولا شي ،، ساعات صرت احب اطلع مشاوير من تحت الارض بس انه نطلع نتمشى شوي :/ هذا الشي السلبي الوحيد مع انه الحمدااااالله وااايد زين ومايقصر فهالشي يخليني اتغاضى ،، الله يصلحهم *

 

[haya20]

الله يهديه
اغلب اللي يسون عمرهم سيده يطلعون هم العويان

 

[مارياq8]

الله يعينج

نصيحتي لج لا تكثرين من العتب عليه ليش ما تقعد معانا ما صارت ديوانيه

خليه على راحته وصدقيني راااح يجيج ركض

 

[زوجة عزيز]

الله يسخره لج

 

[غاليه واتغلى]

يعطيكم العافيه وماتقصرون خواتي،،
وجزاكم الله االف خير
وبخصوص الخوات اللي يقولون لاتحطين دوبج ودوبه بالعكس اكثر من جذي شنو اسوي اقولكم والله ابدا مافتحت معاه الموضوع كلش ساكته
بس ياربي بيني وبين نفسي اقول والله منقهره انا قاعده بروحي طول الليل دقيت ع صالونه وضبطت نفسي وسويت مغربي وكشخت ولبست ونزلت عند حمولتي وصعدت نظفت وبخرت الشقه ولهيت مع بنتي ؟ واطالع التي في واشوف برامج وبعدها ادوخ وانام ؛(
هذا مو شي يحر بالله عليكم كل يوم ع هالحال





Om_ksha
اي والله انا يمكن متطمنه انه اهوا تحتي مخفف عني الهم شوووي*
بس طيب هذي اللي ماتدري عن زوجها والله يابنات بدون مجامله انا غرفتي تطل ع مسافط الديوانيه والله بدون مجامله يمكن في 4 سيارات هذول لي 10 الصبح تحت امبيييه شنو هذا وين حريمهم ليش جذي طبعا من الساعه 6 المغرب تحت ؟؟؟؟ اتوقع بس يروح البيت ينام يقعد ع طول الديوانيه وانا اتوقع بيحط له. غرفه تحت بديوايتنا لان ماكو الاهالحل. شي عجيب غريب والله

 

[احساس السعوديه]

رجااااااااااااااااال هالايام كلهمم كذا
بصراحه
وياقلبي حسيتك مهمومة ماالومك
شوفي لاتصارحينه على الافلام احس ماراح يفيد وادري انت اللي بتصيرين مهمومة بس
هو بيقولك بيكفي والا ان شا الله والا اي شي وبيرجع لها

واذا عالبنات مدري شالحل الصراحه مااقدر افيدك

وكثري من الدعااااااااااااء والله يوفقكك ويكتب لك اللي فيه الخير

 

[om_dodo]

طنشى ووسعى صدرج
موفقه

 

[الشموخ~~]

قطي نلفونة بالماااااااااااي وما جاج فوجهي:eh_s(1):

 

[عمرها السعودية]

الله يكون بعونج حياتي شوفي سالفت التلفون انسيهاا مو مشكله ياقلبي

اما الدوانيه , ليش انه توه مبطلهاا فقاعد كله فيهاا فتره وبيمل صدقيني بس الي عليج انج تصبرين حياتي ,,

انتي لهي روحج بأي شي ثاني ولاتخلين المشاكل تكبر او تكثر عن جذي ولا ترى محد بعدين بيتحمل الثاني

لا تشدين عليه ولا ترخين بس صبري شووي لماا الحماس الي فيه من الدوانيه يطخ ,

معاااااااها وربك يعينك والله يلوم اللي يلومك ..

 

[غاليه واتغلى]

؛(؛(