احس بشي يمشي بجسمي و بعد سماع الرقيه الشرعيه يتني رعشه

[جلكسيه اس 3]

السلام عليكم و رحمة الله و بركاااته

اشلووونكم خوااااتي شخبارركم

بناااااات تذكرون موضوعي الاولي الي قلت لكم
احس باشياء تمشي فيني

الفتره الي طااافت راحت و الحين ارجعت لي جم يوم على هالحال
و توني. من جم دقيقه شغلت رقيه شرعيه بتيلفوني و باخر دقيقه و لا احس برعشه غريبه
و عقبها خفت هالاشياء الي تمشي

بنات طمنوني. ممكن هذا يكون وسواس او نوبة هلع
*

 

[قلبي وينك]

اختي بغض النظر عن الرقيه الشرعيه واحساسج فيها
انا امي احيانا تحس بشئ يمشي بجسمها فيوم قلنا لدكتوره احساسها قالت عادي هذا من تأثير بعض الادويه الي تاخذها خاصه للاجسام الحساسه

 

[زهرة دلقينيوم]

ان شاء الله مافيج الا العافيه
يمكن يكون وسواس لان انتي حاطه ببالج ان فيج شي فا لمن تسمعين الرقيه تيليج الرعشه لا اراديا لانج تسمعين الرقيه بخشوع فاعتقد ان الشيطان مو قادر ايليج الا بهيئة وسواوس انه فيج شي داومي على الرقيه وان شاء الله تتغلبين على الوسواس

 

[Lourdez]

داومي عالرقية من باب الاحتياط و احتمال كبير يكون وسووواس عادي حبيبتي طوفي و لا توسوسين

 

[blackxxtears]

انشاءالله ما في شي

 

[Patcholli]

حبيبتي ساعات تقلصات بالعضلات من البرد او غيره .. مو شرط السبب يكون الرقيه

اذا كان فيج عارض لا سمح الله بتحسين الرعشه اكثر شي بجهة اليسار سواء ريلج او فخذج او معدتج صوب اليسار بتحسين بالرعشه وشي يتحرك

 

[جلكسيه اس 3]

مشكووورين بناااات فديتكم
طمنتووني

 

[get over it]

عليج بالرقيه الشرعيه , وقراءه سوره البقره باستمرار..
الله يشافيج ويوفقج

 

[مولاي الفرج]

لاتوسوسين انا طفارتي سالفه اسمع رقيه ومادري شيصير فيني

تييبون البلا حق روحكم

اللي فيه شي طول الوقت يكون متأزم اصلا

 

[فطوم 84]

صح انا مع كلام البنات اقري البقره يوميا والله بترتاحين
والاذكار صباحا ومساا

وهالشي لانه حاطته ببالج. لاتحطين ببالج هالشي

الله يبعد عنج هالوسواس واي مرض و

مافيج الا العافيه انشالله

 

[تناهيدالحياه]

لاتوسوسين وداومي على قراة سورة البقره منها اجر لك وتحصين لنفسك وبيتك والاذكار الصباح والمساء والي بعد الصلاه اذا تعودتي عليها بترتاحين

 

[ببي جونسون]

قول اعوذ برب الفلق