احس حراره بالقدم اليسرى...؟

[روزالكويت]

السلام عليكم
شلونكم بنات
عساكم ماتشوفون شر
انا صارلي كم يوم احس حراره برجلي اليسار القدم بروحها تهب فجأه مثل شعور الدفايه لما تقريبنها صوب جسمج شلون مادري شنو احد مر عليه جذى وشنو هل التهاب ولا شنو بالضبط خايفه واكثر شي بالفراش احس فيها حراره تشب تشب وتروح وترد انا محتاره اخاف اروح الطبيب ويطلع شي موزين لاسمح الله..

 

[Q8stylle]

انا جذي احس نفس احساسج
بس سؤال تستخدمين لاب توب وتحطينه علي ريلج اي ولا لاء؟
الان جم دكتور قالي من الاب توب وصج كنت احطه علي ريولي
بس اللحين حرمت قمت احط مخدة وحط الاب توب فوق ريولي

وسلامات يالغاليه ماتشوفين شر

 

[@ الحلوة @]

شوفى موقع الدكتور عبدالباسط اللى كان في فناة بداية
ينفعج الموقع ان شاء الله

 

[روزالكويت]

ما احطه مباشر ه على رجولي احط طاوله او مخدة ايكيا مالت الاب توب الطاوله من عمر استخدم الابتوب ماحسيت بالحراره هذى الا قريب

 

[hotchocolatee]

انا من زمان احس بحراره بريولي .مااظن الااب توب له علاقه لانه منوانا بالثانويه يعني ماكان عندي اتب توب..اذا عرفتي السبب عفيه كتبيه خل استفيد لان مااحب الطبيب والفحوصات

 

[mem-q8]

انا مرات احس بحرارة بريولي من عند الكعب وتحت
والشعور اييلي بس لما أبي ايي انام وحده يضايق مرات ما اقدر انام منه

ما يعور لكنه وااايد وايد يضايق مرات ارش على ريولي ماي بالسبراي
بس ماكو فايده ايلين احس اني تعبت وانام

 

[روزالكويت]

الله كريم
للحين مستمره الحراره يابنات

 

[ii DareeN ii]

حبيبتي راجعي الطبيب انا صار وياي تقريبا مثل الحرارة تمشي بريولي فجاه مثل البرق ورحت الطبيب لان اول شي بدى خفيف بعدين زاد قمت مانام طلع وياي التهاب بالعصب والحين اعالج روحي الطبيب لاتسكتين

 

[أميره بلا قصور]

نفس حالة امي الغاااااليه

بس شنوو السبب مايندرى

الله يشفيها ويشفي الجمييع

 

[أم منصور]

روحي الطبيب اختصري الوقت وما تشوفين شر لان الاسباب اختي تتعدد واللأعراض وحده والطبيب الي يعلمج وانشالله سهله وما كو الا العافيه

 

[whitish]

سلامات وماتشوفين شر ان شاء الله
روحي الطبيب وبشرينا عنج