احس روحي ضايعة

[english muffin]

مرحبا بنات
انا والدة من اسبوعين ولدي نتفه بنات توه وزنه 3ونص احس ماعرف اشيله ماعرف اتصرف معاه
في الحمل شكثر كنت اقرا عن التعامل مع الرضيع بس احس روحي ضايعة
وماشاء الله عليه وايد حركي فعمتي تغسله لين يوصخ روحه وتسبحه تقول ماتعرفين له وايد صغير

ابي بسرعه ارد حجرتي مابي اتم نفاس 40 يوم بس ماحس روحي اتعلم شي
بس حبيت افضفض لكم

 

[روح الأحزان]

حبيبتي هذا شي عادي وحاولي تسبحينه معاها لين تتعودين شوي وتجرأين انج تمسكينه

 

[english muffin]

ماتخليني تقول نطري شوي
ساعات اتم في الليل بس اصيح انا ماحب اعتمد على احد في شي

 

[لمى الهاجري]

شكلج بجر صح اذا بجر طبيعي بتحسين برهبة اول مرة

 

[كنوشة 2009]

هذا طفل صغير اكيد ما راح تتعلمين عليه بسرعة
واساسا فترة النفاس تكون النفسية تعبانة
نتيجة لتغير الهرمونات

 

[بنت الثانوية]

مسكيه جم مره حاولي تغسلينه لين تتعودين ,,

على ايام ولدي الاول كنت اخاف بس اسبوع ومن ثاني اسبوع دخلت وياه الحمام بروحي وقعدت اسبحه ,,

حتى امي خافت تقول ما يصير ياهل صغير وانتي لي حين مو متدربه عليه عدل لازم احد يكون معاج.. ووزنه ماكان موصل 3 طيلوات

وولدي الثاني كان وزنه كيلوين وثلاثميه .. من اول يوم رديت البيت رحت غسلته بالحنفيه بروحي مع انه كان نتتتتتفه امي كانت تخاف تشله .. انتي اهم شي تعلمي على الشيله الصحيحه والياهل مابيله شي ,,

 

[يارب احفظ عيالي]

عادي حبوبه نفس شعور اي بجر بس لاتخافين وتوكلي على الله وحاولي انج تشيلينه وتسبحينه عشان يحبج ويتعود عليج ودايما " تذكري انه بيكبر وبتصير هذي احلى ذكريات في حياتج انا لما كنت وااااايد اتضايق كنت اقول حق روحي معليه تحملي مرده بيكبر وبترتاحين والله كانت معاناه بس لو اقولج يالله الحمدلله الله وياج حبيبتي

 

[أم معاذ الكندري]

الله يكون بعونج حبيبتي
الخوات ماقصرو معاج

 

[احلى ديما]

عادي حبيبتي وزنه ماشاءالله تبارك الرحمن زين يعني تقدرين تشيلينه عادي بس لانج بجر تخافين وتحسينه صغير انا بنتي يبتها كيلو ونص تخيلي !!!!!! وماطلعت من المستشفى لما كملت كيلوين يعني تخيلي وزنإا كيلوين مافيها الا جلد وعظم لوووول.كنت اموت خوف واصلا امي ماكانت تخليني اشيلها بدون لفتها والجيس مالها تخيلي هههههه جني ياهل بس شوي شوي بديت اتعود والحمدلله كل شي مشى تمام

 

[english muffin]

من باجر لين عمتي بتسبحه بروح معاها لين اتعود
يارب تعدي هالايام على خير ويكبر شوي وافهم له

 

[أبكاني ذنبي]

الله يستر انا للحين ماولدت

واحاتي هالشغله انا بجريه واخاااف امسك بيبيات صغاار

كلها فتره وان شاء الله تعودين عليه بس خلج حذره

 

[بحور العنا]

عادي حبيبتي هذا شي طبيعيمسألة وقت وتعلمين ياقلبي لاضايقين نفسك وهذي كلها امور طبيعيه
والله يكتب لك اللي فيه الخير يارب

 

[ام فواازي]

الله يعينج ماالومج
الله يخلي لي امي انا ولدي امي تبدله وتغسله انا اخاف لين يطيح سره تالي انا اهتم فيه مع اني مو بجر عندي 3 قبله وهذا الرابع بس اخاف من سر البيبي عندي عقده منه في بجري تأذيت منه و جويت سر البيبي فعشان جذي ماابدل البيبي وهو ماطاح سره

 

[غرومه غنوجه]

بتعودين مع الايام

 

[ريماا]

بالعكس خل تساعدج عمتج هالفترة انتي محتاجتها صدقيني وبعدها بتعودين تسوين كل شي بنفسج اصلن اول ايام النفاس الام تكون تعباانه من الولادة والخياط فترتااح لما احد يساعدها بالبيبي
الله يخليلج عمتج والبيبي ويخليج لهم

 

[عسل مرت قيمر]

عادي حبيبتي


الكل جذي بلبدايه
انا مثلج

وعلا قولتج ا
كنت اقعد وابجي والنفسبه صفر

واحس موقادره


مع الايام بيتعدل كل شي

لا تحاتين

 

[sosowaty]

ااااااااب

 

[english muffin]

شكرا بنات
يعني مب بس انا الي متوهقة جذي

 

[مشتطـه]

واي يافتره النفاس

كئيييييييييييييييييييييبة


اكرهههههههههههاااااااااااااااااااا


احااااااااااااتي حملتي الثانية ان شاءالله استغفر الله وسبة النفاس


اول شي 3 ونص تبارك الرحمن وايد زين


غيرج كليوين بس


كل شي صعب وقتها لانج بجر

وبعدين بيصير سهالات