انا باااااااااااااك
حدي راح اصدمكم لووووووول
ورا الصلاة رحت المستوصف عشان اتاكد من ضغطي ولا للحين نازل حدي تازمت
قالي الدكتور اكلي ملح الحين وانشالله يرتفع
المهم طلعت مغلقه عاد ريلي حاول يضحكني ويسولف شافني كلش ضايق خلقي جان يقولي تعاااااااالي صج
ماحصلتي دكتوره حق زنودج بدال الشافعي الي بالهادي !!!!!
انا عيوني @@ قلبي قام يرقص من الوناسه قتله امبلا دكتوره شيرين ابو الفتوح
انا سويت عنها سيرج بالمنتدى والكل يمدحهاااااااااااااااا وسجلت رقمها
بس طبعا ماقتله من المنتدى لان بزفني كله عباله يقصون علي وخرابيط لوووووووول
المهم قتله اي عندي رقمها نروح الحين ؟؟؟؟ حسيت قال بقلبه شكو تحجيت لوووووول
المهم دقيت على العياده وقالتلي اذا وصلتي بربع ساعه ادخلج لان لازم موعد قتلها اوكي
ووصلت بعشر دقايق لان كنا حيل قراب
المهم وصلنا فتحت ملف ونطرنا دقيقتين
دشيت خذوا طولي باااااااااااركولي طلعت 156 هههههههه مو 154 هههههههه
ووزني وضغطي عقيها دشيت على الدكتوره
تهبللللللللللللل عسووووووله ترحب وتوقف تسلم عليج وروحها اتينن
المهم قتلها مشكلتي مع زنودي فصخت القميص وشافت
قالت ماشالله مافيج لاترهل ولا شي تمسح على زندي وتقول بشرتج ناعمه بغيت اقولها الله يعافي خلطات المنتدى هههههههه
المهم قالتلي كمية الدهون شويه الي عندج بس فعلا مخرب على شكلج لان جسمج سخيف ومعطيج عرض وايد
قتلها اني مره وصلت وزني 46 ولا راحوا قالت لو توصلينه 30 ماراح يروحون
لان مادري شنو خامل ومع الحركه ما قاعد يحرق الدهون...
قالت اسويلج شفط احسن من الميزوثيرابي لان هالابر مجرد تسحب الدهن من الخلايا مع الاحتفاظ بالخلايا
بمعنى : اذا رديتي متنتي راح تمتن المنطقه مره ثانيه حالها حال اماكن الجسم الثانيه
اما الشفط فشي دائم ومالا اعراض جانبيه ولا اثر اللهم فتحه فوق الكوع يعني عند الجفسات الي تصير لمن نمد ايدنا
لي تحت تقول 3 مل يعني كلش بسيطه نسحب منها وماراح يصير لج ترهل بعدين لان جلدج مو قابل للترهل ابدا
وتلبسين بعدها ضماد وراح يورم اول اسبوع بعدين خلاص تبدي المنطقه تخف من الورم والزراق وتاخذ وضعها الطبيعي
وريلي سألها نشف ريجها لووووووول تقوله انا حاسه ان انت الي حتعمل العمليه مش مراتك هههههههههه
الحمدلله طلعت وايد مرتاحه وريلي بين عليه مقتنع عدل لانها فهمته على كل شي وشرحتله ولمن طلعنا قالي
هااا شرايج ؟
قتله الحمدلله انا مرتاحه وانت ؟
قالي كيفج
هياااااااااااااااااااااااا مابغيت خخخخخخ
بس يقولي سويها بعطلة الصيف احسن ماوراج التزام ولا شي ولان الدكتوره قالت شي طبيعي في عوار
بس انا احاتي ان ماقدر اوقف بالصف واشرح حق البنات واهيا تقولي لا عادي بالعكس كل ماحركتيها اكثر تطيب بسرعه
هذا الشي الوحيد الي قاعده افكر فيه انا ابي الحين عشان من يصير الصيف استانس بزنودي اليديده هههههههه واسافر
مابي ايي الصيف وانا توني اسويها
وبعدين الحمدلله هالفتره ماعندنا مناسبات ولا عروس فابي استغل الفرصه واسويها عشان من تصير مناسبه ما اتحسف اقول ياريتني سويتها من قبل والاهم اني راح اقدر اتفصخ والبس كوكتيل الي طوووووول عمري احلم اني البس هالموديل
كله زنودي مبيخه وتعطيني عرض اللهم لا اعتراض الف حمد وشكر على الصحه والعافيه هم بعد الواحد موزين قول جذي..
اي صج وقالتلي تكلف 400 دينار اذا تخدير موضعي بس اذا كامل يعني لازم مستشفى 200 دينار زياده للمستشفى بالسلام
وطبعا اكيد بالمستشفى مابي اقعد واشوفها تسحب مني يماااااا فالتوتل 600 دينار انشالله
وسلامتكم وتعيشون هذا الي صار معاي بالضبط
الحين طبعا لا غنى عن رايكم حبايبي
شنو تشورون علي انشالله مابذني ماي مسويتها بس متى الحين ولا بصيف ؟؟
