احلى تجمع (( كروشات ديسمبر )) حياكم الله بنات

[~{GooShTa}~]

رد : احلى تجمع (( كروشات ديسمبر )) حياكم الله بنات

اموووره .. امبيه انا اخاف مكان العمليه يعور شلون قدرتي؟ و متى تنصحيني البسه ؟

واي بنات تعبت من البجي قاعده ابجي على اي شي
اليوم شلت اللزقه جان اشوف مكان العملية و اطقها بجيه .. اقول حق امي تشوهت و اعيييييييييييط
بنتي خذوا منها دم من ريلها جان ابجي حبيبتي عورت قلبي فديتها و كانت توها قاعده من النوم مو مستوعبه حياتي
و اخر شي شفت مسلسل اسعد الوراق اللي يحطونه ابوظبي اهوا مسكين مو صاحي و يكسر الخاطر جان اقعد ابجي

اليوم وزنت صرت 67 مع اني قاعده اكل عادي للحين ما بلشت رجيم .. ناطره ريلي يسافر و عقب ابلش ..
و الحمدالله كرشتي للحين مافيها خطوط و لا شي و الخطوط اللي تحت ظهري احسهم خفوا شوي .. و خذيت موعد ليزر حق الخطوط 14-2 انشالله يروحون عاد

 

[Almas_q8]

رد : احلى تجمع (( كروشات ديسمبر )) حياكم الله بنات

صباح الخير بنااات شلونكم

واخيررا امس بلشت رجيم بس بيبني وبينكم خربت اخر شي كليت كيكه صغييرره اخرالليل مكافأه حق نفسي ههههه لالا ن شاءالله اليوم ما اعيدها

وكان ريوقي الساعه 4 الفير امس تدون نوماتنا مختربه حاليا المهم ريوقي كان
الريوق
2 بيض - ونص خبزه -حليب حار - 2جبن مثلث - طماطه -بربير - لبنه شوي عليها رشت زعتر
وبعد الريوق السناك
جاي حليب - بسكوت دايجستف 3 حبات
الغدا
1هابرجر مشوي بالفرن -2 توست -خس -طماط--بصل ابيض-وجبن سلايس 1 خالي الدسم -عصير برتقال
بعد الغدا ب4 ساعات
شرت عصير اناناس
والعشاء
ربع خبزه -خس-طماط-جبن سلايس 2 خالي الدسم -عصير برتقال بالجزر

 

[Almas_q8]

رد : احلى تجمع (( كروشات ديسمبر )) حياكم الله بنات

واليوم راح اسوي تقريبا نفس امس

و ريوقي كان

2 توست - 1 جبن مثلث لايت -لبنه مع رشت زعتر -خيار - طماط - جاي حليب - 3 حبات بسكوت دايجستف

والغدا راح يكون

2 توست -1 جبن سلايس لايت -1 هابرجر مشوي -بصل ابيض - خس - طماط عصير برتقال

بعد الغدا ب 3 ساعات
جاي اخضر او قهوه تركيه

والعشا راح يكون

1 توست -1 او 2 جبن مثلث لايت - خس - طماط - شوربة سالاري وايد زينه
وسلامتكم

 

[Almas_q8]

رد : احلى تجمع (( كروشات ديسمبر )) حياكم الله بنات

غرووور هذا اي مسويلج تجميلي ما فيه غير غرزه وحده انا جذيه بس ما شفتي بلاستيكه لونها ازرق


اموووره قوتين هلا حبيبتي الف الف مبروووك عاشت عااشت وشديحيلج ان شاءالله تنزلين حق الوزن اللي تبينه والحمدالله على سلامة ريلج

قوشتا قوتين هلا حبيبتي لا مو زين نطري لين يشيلون الخياط او الكبس يعني بعد العشر ايام عشان الجرح يلتئم من داخل والحمدالله على سلامتج

بنت الوفا حبيبتي ما تشوفون شر وديربالج على البنوته حرام توها صغيره والله يشافيكم

موون موون مساء النور هلا حبيبتي وانتي اكثر والله ياحياتي سلامتة كلنا نعاني من الغازات مع عيالنا وي اسم الله عليه صج في انيميا ديربالج عليه من يبلش ياكل
موون موون السواد راح يخف شوي شوي لا تحاتين انا بس كنت اسوي سنفره حق جسمي بس مو على طول لاني ما اقدر اطول بالحمام واخلي روابي

بيبي سمايل الله يسمج حبيبتي تسلمين اذا ولادتي طبيعي عادي تلبسين بس قيصريه صعبه انا اول ولادة قيصره ما لبسته بس هالمره دكتورتي سمحتلي البسه
بعد العشر ايام والرياضه قالت لي بعد شهر بس عادي تمارسين رياضة المشي اي صج الرضاعه ترد الرحم و تشد الجسم بس اللي تلتزم فيه

 

[احب السفر]

مرحبا بنات شخباركم

 

[احب السفر]

بنات اليوم الريوق توست ولبنه _شاي مع حليب كرنيشن_وبسكوت

الغداء :مجبوس دجاج بس شويه خلاص بعد خلص الأنفاس اليوم شهر تقريبا

 

[احب السفر]

مساء الخير
لكم وحشه كلكم من غير ذكر اسماء
شلونكم مبروك ع التجمع وزين سويتو. .
شخباركم مع البييبي ياقلبي انا الغازات ذابحته. مسكين باليالله يخرج ساعات يصيرله يومين وبعدها يخرج احسه يعاني حبيبي . .
تصدقون لم الحين محتاره وين اطهره?
وخرعوني بسالفه انيميا البقول بتحليل ولدي . .

واإاإاإاي انا قاهرني كرشي لم الحين لونه غامج وجنه جلي مع اني من يبت الرداده واهيا سوتلي الكشكول وانا حاطته ما اشيله الا نادرا . .
واذا على الاكل اكلي حيل خفيف وما اخربط بس احس ان ماتغير جسمي وايد . .
يصير الحين اشترك بنادي?
وابي كورسيه زين اي نوع اخذ?
وعطوني حل حق السواد الي بطني

هلا وغلا مون مون شخبارج يالقاطعه وينج وشلون البيبي حبيبتي لاتخافين كل اليهال جذي مغص وتعب عطي دواء الغازات وشاي أعشاب ومايشوف شر والطهار على كلام أموووره السلام ودار الشفاء لاتخافين هاذي الدنيا لازم جذي ومن ناحية الجسم عادي يتغير بعد 6 شهور وأنا أعرف ناس وايد طبيعي وقيصريه ماشاء الله هاذي أجسامهم بالحمل وبعد الولاده مادري شلون وبعد الولاده تخفيف الأكل فجأه مع الأيام جسمج يتغير:tek:

 

[احب السفر]

بنات ياحلوين وينكم

جوجو _ كنوز _ حنوووونه وينكم هاليومين مختفين

 

[احب السفر]

الماس لكل الناس مشكوره على الكلام الحلو والسوالف الحلوه الله يحفظ عيالج الحلوين وحلوه المكافاه لاتنسينا تره نستاهل ...........

 

[احب السفر]

بنات منو سمع عن الزياده 50 دينار للموظفين وبعد بابا صباح يقولون بالعيد الوطني راح يعطي 200 لكل شخص أتوقع كلام فاضي واشاعات

بس ياريت يصير صج 200 روعه مايبيله أكيد سفره أو اطلب خدامه ثانيه .........

 

[غرووووور]

رد : احلى تجمع (( كروشات ديسمبر )) حياكم الله بنات

لمووسه لا حبيبتي ماكو بلاستيكه زرقه بس غرزه بيضه صغيره حيل باليمين


هلا والله سفوره ....شخبارج حبيبتي؟؟؟

 

[غرووووور]

رد : احلى تجمع (( كروشات ديسمبر )) حياكم الله بنات

سفوره يا كثر الإشاعات ومايندرى إذا في زيادات وإلا لا

 

[أمواج^الكويت]

رد : احلى تجمع (( كروشات ديسمبر )) حياكم الله بنات

بناااات شلووونكم شخباركم ؟
واي ولهت عليكم و على التجمع

انا ولدت تاريخ 4-1 بعد معاناة جربت الطبيعي و القيصري

:nbvppw:

): ألف :stars: ألف :stars: ألف :stars: مبرووووووووووووووووووك حبيبتي << GooShTa >>

والحمدلله على سلامتج ..

والله يخليلكم علياء فديتها ..

حسبي الله عليهم العبوا فيج هالأجانب .. يالله ميخالف ياقلبي كله بأجره إنشالله ..

الوالدة انتصرت عليكم وسميتوها علياء مثل ماكانت تبي الله يحفظها ويخليها لكم يارب ..

عاد حلو اسم علياء :icon30:

:nbvppw:

​

 

[احب السفر]

أمس رحت الصالون اول مره أسوي حمام مغربي بعد الولاده والله مابي أطلع لأن البخار روعه والحمام دافي طولت تقولي خلاص لازم تفريك

أقوله أمانه بس شويه من قبل الحمال ماسويت بس روعه الصراحه وخلطات تهبل هاليومين بصبغ شعري لون واحد درجات البني شرايكم

 

[أمواج^الكويت]

رد : احلى تجمع (( كروشات ديسمبر )) حياكم الله بنات

نحن هنا :tongue22:

شلونكم حبيباتي غرور وسفووورة وشلون بيبياتكم إنشالله بخير ​

 

[غرووووور]

رد : احلى تجمع (( كروشات ديسمبر )) حياكم الله بنات

هلا وغلا جوجو

شخبارج ؟؟؟ شخبار بنتج فرووحه؟؟؟

وينج يا القاطعه؟؟؟

الظاهر تتغلين
لوووووووووووول

 

[غرووووور]

رد : احلى تجمع (( كروشات ديسمبر )) حياكم الله بنات

أمووووواج البنت اللي بالصوره زووووغه

 

[أمواج^الكويت]

رد : احلى تجمع (( كروشات ديسمبر )) حياكم الله بنات

عليج بالعافية الحمام المغربي سفوورة .. صج فينا فقر تنظيفكووو عميق من بعد رحلة الحمال الشاقة ههههههههههههههه

وأنا أأيدج بدرجات البني أحبها ولي نية أصبغ هاليومين بس خل أرد شقتي لأني ليلحين في بيت أبوي ..

أبشركم بنات خدامتي وصلت بس خليتها في بيت حماتي تتعلم من طباختهم الطبخ لووووووووووووووول وهم مابيها تحتك بخدامة بيت أبوي لأن حدها مليقة وعلى قولة كوكو يبيلها كف على ويهها :krkrkr:
​

 

[غرووووور]

رد : احلى تجمع (( كروشات ديسمبر )) حياكم الله بنات

بنات السواد اللي في بطني يلوع الجبد

خاصه الخط اللي بالنص

 

[احب السفر]

هلا والله غروووووووووور شخبارج شنو هالصور الحلوه