احلى تجمع (( كروشات ديسمبر )) حياكم الله بنات

[احب السفر]

مسااااء الخير

شخباركم بنات وشلون البيبيات قاعده أقرا السوالف الي طافت بخصوص الأمومه انا كله آخذ شهرين براتب كامل

وأربع شهور نص راتب وهذا الكلام 100%100 مضبوط اول مره اسمع من غير راتب بعد الشهرين الوضع

والأربع شهور ال بنص راتب اذا اخذتي بعد 6 مسموح لج شهرين من غير راتب_03ba:

 

[احب السفر]

:s141:

 

[احب السفر]

جوجو شخبارج وشلون دربوله طمنينا عليها كوكو وينج وأموره ولموسه وكل البنات الموجودين شخباركم

 

[shosho26]

هلا بنات شلونكم
انا امس كملت شهر من الولاده ابي اسال اللي جربو ادويه ام خالد الحين شنو اخذ لاني مافهمت لجدول اخذ بس السفوف والشاي ودوا القهوه
اللهوم اخذه ولا ماخذه
وشلون اعرف اخت النفاس
الحين مرات تنزل افرازات صفراء الله يعين
بنات ردوا علي بليييييييييييييييييييييييييز

 

[بنت الوفا]

رد : احلى تجمع (( كروشات ديسمبر )) حياكم الله بنات

:eh_s(13):هلا بنااات تعبتني بنتي مااقدر اسوي شي منها حتي ملابس للطلعتي ماشريت ولاشي مااقدر اروح للسوق

امواج مبلا وديتها الدكتور الله يكون بعون تمص سدري وبعد ثوني تهده وتجيي لا فيه حليب بس بطت جبدي:gr4uu:

 

[بنت الوفا]

رد : رد: احلى تجمع (( كروشات ديسمبر )) حياكم الله بنات

هلا بنات شلونكم
انا امس كملت شهر من الولاده ابي اسال اللي جربو ادويه ام خالد الحين شنو اخذ لاني مافهمت لجدول اخذ بس السفوف والشاي ودوا القهوه
اللهوم اخذه ولا ماخذه
وشلون اعرف اخت النفاس
الحين مرات تنزل افرازات صفراء الله يعين
بنات ردوا علي بليييييييييييييييييييييييييز

شوشوو شلونج انا قبل مجربته وماخذ منها وباقي عندي من الادويه ومضيعها الورقه واساله ماترد علي الله يسامحها :080402ask_prv:

شوشو اكو ورقه مع الادويه الاحسن دقي عليها بس ليش ماستعملتيهم اول النفاس:080402ask_prv:

 

[! هُوْ وِينِه !]

رد: رد : رد: احلى تجمع (( كروشات ديسمبر )) حياكم الله بنات

وعليكم السلام هلا حبيبتي << هو وينه >>

شوفي هالوصفة إنشالله تعجبج قريت عنها في منتدى ثاني يابت نتيجة مع بنات وايد والحلو اللي فيها إنج انتي تسوينها بنفسج ..

طريقة ازالة الكرش والبطن الكبير

اصنعي أقراص طبيعية بنفسج لإزالة الكرشة والبطن الكبير و الشحوم من جسمك

الوصفة ما تتعدى شهر ضرورى و صاحبتها تقول انها جربتها وبينت النتيجة في 15 يوم

* الحامل ما تستعملها إلا لما تولد ..

* وصفة رائعة لشفط الشحوم المتراكمة على مستـوى البطـن
وتنحيف الخصر

حبيبتي راح ترتاحين من الكروشة الكبيرة ، بس اتبعي الوصفة ولا تملين بسرعة ..

الوصفة رائعة ومجربة من قبل الكثيرات، وهي تنفع حق اللي عندها شحوم متراكمة بالبطن واللي بطنها متفوخ بالغازات ، وهم حق اللي عندها مشكلة في المعدة ، واللي عندها غرغرة في الأمعاء ..
والوصفة هذي طبية واصفها طبيب ألماني يشتغل بالطب البديل ، وحبيت أفيد كل الاخوات اللي يعانون من مشكلة الكرشة

أترككم مع الوصفة :*

1- ملعقتين مرامية جافة مطحونة


2- ملعقتين شاي أخضر مطحون


3- ملعقتين زعتر جاف مطحون


4- ملعقتين قرفة مطحونة


5-*ملعقتين زنجبيل مطحون


6-*ملعقتين قشر رمان مطحون


7- ملعقتين كمون مطحون


8-*ملعقتين بذر الكتان (زريعة الكتان)


الطريقــــة :

تاخذين كل المحتويات اللي ذكرتها وتمزجينها مع بعض ..*

- إذا كان بطنج وايد كبير وحاسة إن فيه شحوم وايده المقادير راح تخلطيها بخل التفاح لين تصير مثل العجينة ..

- إذا كان بطنج متوسط الحجم المقادير تخلطينها بعصير الليمون لين تصير مثل العجينة ..

اخذي شوي من العجين على قدر نواة المشمش المهم حاولي تشكلين قرص صغير وحطي الأقراص على صينية لين تخلصين كل الكمية ..

بعدين دخلي الصينية بالفريزر لين تتجمد الأقراص بعدين شيليها من الصينية وحطيها في قارورة بلاستك ورجعيها بالفريزر ..

* اخذي على الريج قرص مع قلاص ماي وبعد ساعة تريقي عادي

* قبل الغدى بنص ساعة اخذي قرص وبعدين تغدي .

* وهم قبل العشا بنص ساعة اخذي قرص ويا ريت العشاء يكون خفيف ( بس فاكهة و بعد شهر تعشي مثل ما تبين )


ملاحظة مهمة :

في هالفترة تلاحظين إنج راح تروحين الحمام وايد لا تخافين عادي بالعكس وقتها تعرفين ان الحبوب بدى مفعولها وبدت السوائل السامة الزايدة تطلع من الجسم

كثري من شرب الماي ويا ريت قبل النوم تسوين شوية حركات تسخينية وراح تشوفين النتيجة بعد 15 يوم بالضبط ، تغير ملموس والكرش يبتدي بالذوبان ، بس استمري ولا تملين ( مو أكثر من شهر)

ملاحظة: تقدرين تحطين القرص بكأس أو نصف كأس من الماء حتى يذوب قليلا ثم تشربينه أحسن للمعدة*

يآ عمري فيدتج
طيب طعمهآ مقرف حيل ولآ عآدي
آنآ صرآحة إذآ شربت شئ مقرف آقعد آرجف
مشكورة يآ قلبي :hjy5jewf:

 

[kunooz]

رد : احلى تجمع (( كروشات ديسمبر )) حياكم الله بنات

سلااااااااااااام صديقاتى
شخباركم؟؟

نسيت كل اللي قريته امس!

بس بنت الوفا
سلم قلبها بنتج شحلاتها الله يخليها لج يارب


لمووووووووووووووووووووسه
فديت قلبها روابى اسم الله عليها ربي يحفظها و يشافيها ان شاء الله تتسكر الفتحه عاجل غير اجل يارب

جوجووووووووو
حبيبتى شلونه ولدج الحين ؟؟
والخدامه لا تخلينها تشيل بنتج عمري اوكى وااااي عاد الله يعين مساع عبادي سوالى فلم قاعد يصارخ الا يبي الشيل

والله نسيت باقى السوالف بنات
بس امواااح لكم فردا فردا لوول

امووووووووووره تخيلي اليوم اختى تقولى حد المد هههههههههههههههه قمنا نقلدج لوووووووول

 

[أمواج^الكويت]

رد : احلى تجمع (( كروشات ديسمبر )) حياكم الله بنات

 صباح الخير ياحلوات 

بنات وينكم ليش خامرين مالكم حس !​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

*أهلين بأم عبادي شلونج ياقلبي وشلون البنوتات !
ولدي الحمدلله بخير استلم شهادته كل درجاته امتياز ماعدا العربي ==> أمه مدرسة عربي * *صج لي قالوا باب النجار مخلع ههههه

شسوي كوكو مضطرة أخلي خدامتي تشيلها علشان تتعود عليها قبل لا يبلش دوامي إهيه ألحين بس ساعات تشربها حليب بس أنا اللي أسويه لها وأنا اللي أغير لها حفاضتها وأغسلها يعني أنا مباشرتها .. أول مايت كنت كل يوم أكدشها تنظف شي بس لما مرضت خففت عليها وخليتها ترتاح بس جنه أحسها ألحين تبيردت وصار مالها خلق شي بس إنها تجابل فروحه  *حماتي قالتلي حيلج فيها أول أيام كدشيها علشان تتعود على الكراف لأن في البداية إذا تعودت على الربادة يصير بعدين مالها خلق شي لي طلبتي منها !

وطبعا ماتسوي شي بالمطبخ تقول انا بيبي ستر ماعرف أطبخ ماسكه علي هالجملة وأنا بروحي أكره الطبخ وكنت أبي أعتمد عليها بهالشي بس شفتها فاجه من هالناحية مع إنها تعرف بس تسوي روحها غشيمة وماتعرف شي .. نفس ذيك المرة ولدي قال ماما أبي نودلز مع ان شي تافه شفتها تسحبت وراحت بالدار بس علشان لا أقولها سويله *..

بنات شوروا علي شلون أعودها على المطبخ !*

مادري أحسها نوعا ما تغيرت شوي من احتكت في خدامة بيت أبوي الكريهة مادري مكوكتها ووازتها شوي ياكرهها هذيك ودي أسطرها طراقين حدي حدي منبطة جبدي منها ساعات تتحرش في بنتي يعني تلعب معاها حدها دفشة تدزز خدودها حيل وتقول يادبة يابطة حتى اليوم مسكتها بطريقة اللي خلت رقبتها ترجع لي ورى بدون ماتحط إيدها على راسها جان خدامتي تتضايق وتاخذ البنت منها مادري ليش أحسها ودها تعورها انتقاما فيني انا وابوها لأن الفترة اللي قعدنا فيها في بيت أبوي العام صكينا عليها صكة محترمة وزوجي كذا مرة طايح عليها تسولف مع الزراع مالت عليها وعليه المشكلة ان أمي وأبوي يدرون بخرابيطها وساكتين عنها ومحسسينها بأهميتها مادري رابطة لسانهم ولا مسويتلهم شي اللي خايفين يكلمونها حتى لو شافوا الغلط عليها والقهر إن إقامتها كانت تنتهي هالشهر بس أبوي جدد لها مادري شنو لاقي فيها اسليمه تصكها حدي مبطوطة جبدي منها *

صايره ماحب أودي خدامتي بيتنا والسبه إهيه حدها غاثتني 

*كوكو الياهل بالشهور الأولى حده عيار إذا لقى اللي يستجيب لحركاته راح يتعود يبجي ويحن لين يصير اللي في باله المفروض مانعطيهم ويه بس ساعات مالنا خلق الحنة فنستسلم أكيد عبودي حبيبي أحد شاله مرة وعوده على الشيل علشان جذي وده الكل يشيله نفس فروحوه وأبيخ شي لي تسلطوا تالي الليل وانتي مقفلة وعيونج متروسة نوم **
​

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

جوجو شخبارج وشلون دربوله طمنينا عليها كوكو وينج وأموره ولموسه وكل البنات الموجودين شخباركم

أهلين سفووورة شلونج حبيبتي أنا بخير ودربوووله تمام أمس رحت بيتنا مسكت بنتها على ما سوت كيراتين حق شعرها طلع يهبل ماشاء الله 

وعلى طاري الأمومة احترت ياسفورة كل واحد يقول شي مادري يمكن المدرسات الأمومة لهم بالحسرة فغير ! انتي جربتي مرة تاخذين 4 شهور غير الوضع !

على طاري التدريس سفورة كل مرة بسألج وأنسى انتي مدرسة شنو ! أي مرحلة وأي مادة ! إحساسي يقول يا اجتماعيات أو إسلامية مادري ليش 

​

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

بنات انا مستغربه من سالفت الشهرين الى بدون راتب مع ان انا بالرواتب ودايما نسوى اول شهرين وضع راتب كامل

و4شهور بنص راتب

جوجو ارض الطبيعه وين صاير انا كنت اسوى الاقراص الى كتبتيهم ومشيت عليهم فتره

الحين قاعده احط بالقلاص شريحة ليمون وقفشة كمون قفشة
دارسين قفشة زنجبيل واصب عليه ماى حار

واشربه بنصف ساعه قبل الغدا وقبل العشا دكتورا تكلمت عنه وقالت يحرق الدهون ويغصف من غير مايضر

بس تهقون ياثر على الحليب ويتعب الياهل او لا؟؟؟؟

*أهلين لفلي شلونج ياقلبي وشلون بنوتج إنشالله صارت أحسن !

كلامج عن إجازة الأمومة إنشالله يكون صح !

والأقراص لما جربتيهم يابوا نتيجة وضعفوج !

وأرض الطبيعة منتجاتهم*متوفرة في محلات:-

سوق السمك بشرق
حولي، خلف مجمع بلازا
مراكز سلطان: السالمية، شرق، سلوى، فحاحيل، الأحمدي
الجمعيات:
جمعية مشرف، (جاندولا خاصة بأرض الطبيعة، أمام ستاند المياه)
جمعية الشامية، (جاندولا خاصة بأرض الطبيعة، أمام ستاند "الرفاعي").
جمعية الفيحاء، (جاندولا خاصة بأرض الطبيعة، بجانب معلبات التونة).
جمعية القادسية، (جاندولا خاصة بأرض الطبيعة، أمام البهارات).
جمعية الضاحية، (جاندولا خاصة بأرض الطبيعة، أمام مدخل القرطاسية).
جمعية المنصورية، (جاندولا خاصة بأرض الطبيعة، بجانب قسم الأجبان).
جمعية السرة.
جمعية بيان.
جمعية القرين 1 و 2.
جمعية الروضة.
جمعية النزهة.
جمعية اليرموك.
المركز التجاري "سيتي سنتر" فرع الشويخ، (بجانب منتجات حليب الأطفال بودرة)

وهذا موقعهم على النت
http://www.natureland.net/why_ar.html



​

 

[أميرة طفولتي]

رد : احلى تجمع (( كروشات ديسمبر )) حياكم الله بنات

هااااااااااااااااي
حدي ولهت عليكم
كنت مشغوله حدي هاليومين مع النزغه الي عندي
ماسويتله نون ماكو احد الكل مسافر !!
قلت خلاص بعد موحلوه على مايردون كلهم الا مسنن الولد بخلي النون لمن يسنن انشالله عشان اسويله شي حلو ومرتب واهندسها عدل ههههههه
اممممم ماقتلكم من قبل اسبوع وديته المستوصف طلع فيه اكزيما براسه وجبهته حبيبي عطتني مرهمين اخلطهم مع بعض واحطله ودوا شراب بليل
وقالت غيري حليبه وصفتلي ابتاميل اج اي خاص حق الحساسيه
الله وكيلكم بس عطيته جم رضعه منه يومين إسهال فرديت على السيميلاك
امس رديت وديته الحمدلله واااااايد خف وراح الاحمرار
اممممم شعره كللللللللللللله طاح مسكين صار اقرع ودي احلق راسه كله بس خالتي تقول حرام يبرد وامي تقول عادي لبسيه كبوس أنا ودي عشان يطول كله مع بعض لا يصير مكان كثيف ومكان توا بادي يطلع شرايكم؟

ترا للحين ماقريت الي طافني
الحين بنام وانشالله بليل يصير عندي وقت اردعليكم
اي ترى أنا للحين ملتزمه بالرجيم امس اختي تقولي ضعفااانه عن الاسبوع الي طاف نياهاهاها بس للحين ماقست وزني بخليها الاسبوع الياي

 

[فاقده حنان ابوه]

بنات شلونكم شخباركم

الشر ما ييج لوفلي

بنات من طعمت بنتي ما ترضع حليب عدل :080402ask_prv:

 

[أمواج^الكويت]

رد : احلى تجمع (( كروشات ديسمبر )) حياكم الله بنات

هالوووو أمووورة مايشوف شر حسونكة واااي عاد الأكزيما مشكلة أنا ولدي كان فيه بس ترى هالشي وراثة أكيد في أحد من صوبكم أو صوب أبوه فيه!
أكيد وصفولج ألفاكورت عاد راح تعانين من هالشي في فترات تلقيح الجو تلقينه يحكحك بس إنشالله يروح منه بسرعة ومايعاني منه علطول وأنا أقول عادي قرعيه ودايما غطي راسه بالكبوس ترى الجو بدى يدفى مو مثل أول .. واااي أمووورة الوزن باط جبدي مو راضي يتحرك ثابت على رقم واحد عاد اليوم سكرت حلجي عدل يمكن من الصبح بس شاربه جاي حليب والمغرب أكلت بسكوت مع جاي وبشوف يا أنا يا هالوزن 
ريلي يقولي يستحيل الوزن ينزل إذا جسمج كان مرهق لازم ياخذ كفايته من الراحة علشان يقدر يحرق الدهون ..

باجر إنشالله بروح أصبغ شعري وأقصه وإنشالله ماتستنفر هالنزغة وقت روحتي ..*​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

أهلين فقوودة عادي حبيبتي شي طبيعي ماتشتهي الحليب من العوار اللي فيها .. كل ماتغيرين حفاضتها سويلها كمادات ماي حار بالفوطة وحطيها مكان الإبرة راح تهدي العوار اللي فيها وهم علشان لاتورم ريولها .. وإذا مسخنة باشريها بالأدول كل ٤ ساعات وكلها جم يوم وترد لطبيعتها إنشالله

واااي عاد معاناة هالتطعيم حده كريه ويقولون التطعيم الرابع مال ٦ أشهر بعد أبيخ من هذا بوايد .. الله يعينا ويعينهم على هالتطعيمات ..

لاتحاتين فقودة إنشالله مافيها إلا العافية غلاتي *​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

وصفة طبية لتقليل حجم الكرش
--------------------------------

كيفية التخلص من الكرش
(1) ملعقة خل التفاح الطبيعي مع كأس ماء فاتر جدا ( غير بارد)
يوميا لمدة اسبوع , ثم يوم بعد يوم لمدة اسبوعان , ثم مرتين بالاسبوع بشكل دائم
(2) عليك بدهن البطن بالزيوت التالية
ورد + قرفة + نرجس +زعفران +منثور +زعتر +نعنع+زنبق
(3)

الرياضة شيء مهم للتخلص منه، واشربي كوب ماء ساخن
على الريق يوميا وذلك لإذابة الشحوم، ونطي كلما تمكنتي في مكانك ولا تصلي لدرجة الإعياء. 

لا تشربي ماء وسط الأكل ولا بعده مباشرة، واستبدليه بالشوربة. 
وامشي قدر المستطاع، واشفطي بطنك للداخل دائما، وأعملي هذا التمرين وأنت واقفة تطبخين مثلا .... قفي منتصبة وثبتي قدماك في الأرض وضعي كفاك على وسطك ولفي لليمين ولليسار ولكن تجنبي الوصول لحد الإعياء. 



(4)

لمن تعاني من بروز الكرش خذى كمية من قشر الرمان اليابس
اطحنيه ثم انخليه ثم ضعي عليه كميه من العسل الطبيعي كوني منهاعجينه متماسكه شكلي منها على هيئه اقراص بحجم نصف حبه الباندول ضعيها في علبه ثم ضعيها في الفريزر استعمليها في العشرين الاخيره من النفاس
(او)في الثلاثه الايام الاخيرة من الحيض خمس حبات
في الصباح على الريق وهى مفيده ايضا للمعده وتقوم بتنضيف الرحم .


(5)
لعودة البطن كما كانت قبل الحمل هي أولا عدم شرب
المشروبات الباردة أو الماء البارد على الإطلاق. ثانيا وعند القدرة على الحركة إمشي قدر استطاعتك ولكن توقفي فور شعورك بالتعب. ثالثا: شفط البطن للداخل كلما وقفت لعمل شيء. رابعا : هناك تمرين مفيد للبطن ويمكن لأي واحدة عمله . وأهم من هذا وذاك الرضاعة الطبيعية فهي مفيدة جدا لعودة البطن وجسم المرأة عموما لوضعه السابق قبل الحمل التمرين : قفي منتصبة وضعي يداك على وسطك، اجعلي رجلاك ثابنة على الأرض ولفي بجزعك مرة يمين ومرة شمال لكن دون اسراف حتى لا تشعري بالتعب 

(6)

طريقه تجفيف قشر الرمان ابعدي عن القشر حب الرمان
اغسلي القشر وضعيه في مصفايه حتي يجف وباالنسبه لتشكيل الحبات عندما تكون لديكي عجينه متماسكه من قشر الرمان والعسل خذي قطعه صغيره وشكليها على هيئه قرص صغير
الخطوات التالية لتخفيف الكرشه، يجب اتباع التعليمات بحذافيرها، وهي:

 1- لا للماء قبل الطعام او من بين الاكل أو بعده (الماء بعد الطعام بنصف ساعه) وكلما بعد الوقت كلما كان أحسن..


2- الابتعاد عن المشروبات الغازيه نهائيا..

3- الاقلال من أكل الارز والاشياء التي تسبب الغازات..

4- المشي على الاقل نصف ساعه في اليوم، والاكثار من شرب الماء اثناء الرياضه..
خل التفاح وزيت الزيتون
نحضر كمية متساوية من زيت الزيتون وخل التفاح نضعها فى زجاجة ونخضها قبل الاستخدام كل يوم قبل النوم وتدهنى الاماكن التي ترغبي في تخسيسها البطن مثلا والارداف وفي الصباح
نأخذ حمام لازالة رائحة الخل والزيت لمدة أسبوع ..

 

[kunooz]

رد : احلى تجمع (( كروشات ديسمبر )) حياكم الله بنات

السلاااااااااااااام عليكم

شلون الحلوين اليوم

جوووووووووووووجوووووووووووو

ويعععععععععععع ويعععععع عالخدم استغفرالله بس شنسوي شر لابد منه!!!
انتى لما طلبتيها كانو كاتبين انها بيبي ستر بس؟؟ والا تنظيف و كوي وطباخ؟؟
شوفى مو على كيفها بس اذا انتى يايبتها علساس انها بس مجرد بيبي ستر فمادري شقولج والله مادري شلون نظامهم بعد؟ يعنى تقدرين تقولين لها انا اعطيج معاش مو عشان بس تقعدين و تجابلين بنتى
بس كل يوم خليها تسوي لج شغله مثل تقطع لج الطماط.. بطاط.. خيار بصل اي شئ
بعدين على يوم قوليلها تقطع لج بصل و تحمسه لج .. بعدها ابتدي بالعيش و جذي يعنى لين اتعود
و اذا قالت لج لج انا بيبي ستر قولي لها اوكي بس بنتى الحين نايمه مثلا تقدرين تساعدينى و تسوين اللي قلت لج عليه احسن من قعدتج بدون شغل

و بعدين لما تشوفينها تنحاش عشان ما تطبخ عادي ناديها و قوليلها تسوي اللي تبينه و تطبخ بعد حتى النودلز ماتعرف تسويه ؟
واي تصدقين موضوع الخدم وايد ينرفزنى و يعصبنى بسبة الاندنوسيه اللي كانت عندي استغفرالله
و الفلبينيه اللي عندي الحين ياهل و حاطه على بنتى الكبيره وااااااااي عسى ما طقتها بنتى الا يات اتشكى:
ماااااام .. لوووك نونه سماكد مي ..
مااااام لووك نونه سوت و سوت و شوي و تبجى نفس اليهال
عاد كله اهاوش بنتى بسبتها و احاول افهمها انه عيب تطقين الخدامه بس هم بنتى عوبه مو راضيه تسمع الحجي
و اهي ما طقها الا من الغيره فديتها .. عشان خدامتى تحب بنتى الصغيره حيل و تلعبها و ترسم لها و تطنش الكبيره يعنى الغلط منها و الف مره فهمتها تراها تغار اي شئ تسوينه حق الصغيره سويه حق الكبيره بس ماكو فايده

و عبود اييييييه الله يسلمج ريلي عوده عالشيل و الحين طاحت براسي :flower:
و صاجه ما تبدى السهره الا اخر الليل تلاقينى خلاص نايمه على نفسي!!
امس قلت مانى شايلته بشوف يا انا يا اهو لوول بس اخرتها شلته و قعدت اتمشى فيه بعد

و ضحكتينى على سالفة ولدج فديته مع العربي بس عاد صج هالماده صعبه حييييييل الله يعين!!
ربي يوفقه و يحفظه يارب

و خدامة اهلج اخاف ساحرتهم اسم الله عليهم !! والا من صجهم للحين اهى عندهم؟ احس اهلج نفس اهلى مهمه سووه و اغلطو الخدم يقولون ميخالف نسامحهم احسن اهم مساكين ياين يترزقون الله!
و يااااااااكره الخدامه اللي تحط عينها على البيبي دامة خالتى جذي كانت كله تقول عن بنتى بطه و بوتمبه هههههههههه

 

[kunooz]

رد : احلى تجمع (( كروشات ديسمبر )) حياكم الله بنات

امووووووووووووووووووره
وااااااااي حبيبي حسوونكه ما يشوف شر ياكره الاكزيما بناتى كانو جذي وديتهم حق الدكتور خالد الصراف في دار الشفا روعه هالدكتور ما شاء الله عليه حيييييييييييييييل حييل محترم.. و عطانى خوش كريم حق بناتى بس مو ذاكره اسمه
و حتى انا ودي اقص شعر عبودانى بس امى مو راضيه هههههههه

فقوووووووووووووده
وااي يا حيااااتى الله يعينها اكيد من العوار مو قادره حتى تشرب حليبتها بعد عمري !
انا الاسبوع الياي تطعيم ولدي الله يعين !

جوجو بنتى طعموها لما كملت 3 سنين بعد عمري حيييييييل اتعبت و سخنت و اقعدت 3 ايام ماتقدر تمشى ريلها كانت حييل تعورها .. و ولد حماي قعد 4 ايام مو قادر يمشى من العوار!

سفوووووووووووووووووووووووره
شلونج حبيبتى شخبارج ولهت عليج

خلاص قفل مخى بروح انام

 

[غرووووور]

رد : احلى تجمع (( كروشات ديسمبر )) حياكم الله بنات

صبااااااااااااااحو,,,,

ماشاءالله طافتني سوالف
للحين مو متأقلمه مع الوضع الجديد فيني فقر نوم :cxxxp: